Psalm 4 - Nan Hapit Apu Dios

Psalm 4 Kantan David

¹ He''a Apu Dios di mangita'dog i ha"on. Ot daan mo bahan ta hom'ona' ta donglom di dasal'u ta boddangana'.

² Da'yun tatagu, dakol di agge immannung an ipabahulyun ha"on ta mibabaina'. On anuud ya ahiyu idinong danaen ato'atonyun ha"on?

³ Hituwey nomnomnomonyu an pinilin Apu Dios nadan umunud i hiya ta diday ibilangnah tataguna. Ot ha"on di oha ta hiya nan wa'et mundasala' ya tobalona.

⁴ Mu mahapul an halipodpodonyu ta di'et waday bimmungotanyu ya hanat bokon hidiyey gumalat hi pumbahulanyu. Ot hanat datuwey nomnomnomonyu hinan alo'anyuh nan mahdom.

⁵ Ya hanat mundinol ayun hiya. Ya hanadan nipto' an midawat di idawatyun hiya.

⁶ Apu Dios, hantudan udum ya alyonday, On daan ihya ta waha bumoddang i dita'u. Ot daan mo bahan Apu Dios ta ipatigom di ulem i da'mi.

⁷ Dakol nadan umipa'amlong an inatmu i ha"on mu hay dinakol di inapit nadan udum an tatagu.

⁸ Ta hiya nan malinggop di e' alo'an te madinola' an ipadutu'a' i he"a.