Psalm 3 - Nan Hapit Apu Dios

Psalm 3 Hay Kantan David Hidin Binumtikana

¹ Dakolda tayya Apu Dios di mi'buhul i ha''on an amod ona' e dadagon i dida.

² Ya alyonda udot di ta'omman anu ot adiya' boddangan i he''a.

³ Mu innila' Apu Dios an he''ay mangihwang i ha''on. Ya atbohdin pangabakona' ta mundongola'.

⁴ Ot ta'on on wada'ah nan nabillid an niyappit i he"a ya mundasala"e an mumpaboddang ya tobalom di dasal'u.

⁵ Ya ta'on on hinan alo'a' hinan mahdom ya malinggopa' te innila' an ipappapto'a' i he"a.

⁶ Ot ta'on on linibuday binuhul'u hi munli''ub i ha''on ya adiya' tumakut.

⁷ Ot agam bahan Apu Dios ta ihwanga' hinadan binuhul'u. Ta punhopwa'muy to'oda ya numpugupugmuy bobada ta wan ma''id ha atonda an mangat hi adi maphod i ha"on.

⁸ Te innila' an he"ay mangihwang hi tatagu. Ot hanat wagahan da'mi bahan an tatagum.