Psalm 150 - Nan Hapit Apu Dios

Psalm 150 Hay Pundayaw I Apu Dios

¹ Madayaw hi Apu Dios. Da'yun wah ad abunyan ya dayawonyuh Apu Dios hinan Templona.

² Ot dayawon ta'u an gapuh nadan nakaskasda'aw an ina'inatna an mangipatigoh nan ma"id ha nipaddungana an abalinana ya anabaktuna.

³ Ot ipagangohyu nan trampeta ya harp ya lira ta idihhan ta'un ikankanta nadan pundayaw ta'un hiya.

⁴ Ya tobabonyu nadan libbit ta manayo ta'u ya atbohdin ipagangohyu nimpe nadan harp ya ungngiyung.

⁵ Ya pun'ipagangohyu nadan simbal ta pundayawyun Apu Dios.

⁶ Ot an namin ta'un waday yahyahna ya hanat dayawon ta'u hiya. Madayaw hi Apu Dios.