Psalm 142 - Nan Hapit Apu Dios

Psalm 142 Hi Apu Dios Di Pumpaboddangan

¹ Hi Apu Dios di pumpahmo'a' hi bumoddang i ha"on.

² Ta ibaga' i hiya nadan inomnoma' ya punligligata'.

³ Ya hi'on ma"id mo ha namnama' ya he''a Apu Dios di mangitudduh ato'. Te ta'on on idanay umaya' on waday ninomnom nadan binuhul'un aton hi panga"uldan ha"on.

⁴ Mu ma''id ha ta'on on oha hi naminhod an bumoddang i ha''on.

⁵ Ta hiya nan mumpahmo'a' i he"a Apu Dios ta he"ay mangihwang i ha"on. Ya he"ay mahapul'u ituwen nitaguwa'.

⁶ Ot donglom bahan tun dasal'u ta ihwanga' hinadan binuhul'u te ongal di abalinanda mu ha"on.

⁷ Ta paddungnay eya' imbalud. Ot hanat pabikahom di punnomnom'u ta adi minaynayun di umukayunga' ta way ato' an mangipabaktun he''a. Hanadan tatagum an mangun'unud i he"a ya mi'yam'amlongdan ha"on an gapuh nadan maphod an pangatmun ha''on.