Psalm 13 - Nan Hapit Apu Dios

Psalm 13 Hay Pumpahmo'an I Apu Dios Dasal David

¹ Apu Dios, undan ahan tatawwa inganuya' hi inggana? On anuud mo bahan ya ahiya' hanguton i he''a?

² Nadne mahan mo tayyan ma"id ha linggop di punnomnom'u. Ta abigabigat on ona' umukayungan. Ot anuud bahan tatawwa ya ahim padinongon di pangaba'abakan nadan binuhul'u i ha"on?

³ Hanat donglom bahan Apu Dios tun dasal'u ta wan pabikahona' ta adiya' ni' mate.

⁴ Te onha mateya' ot alyon nadan binuhul'uy kilana ta nate. Ya ahida mun'am'amlong i diyen na'at i ha"on.

⁵ Mu ta'on on athidi ya ma'dinnola' te innila' an munnananong nan pamhodmun ha''on. Ya mun'am'amlonga' te ihwanga' i he"a.

⁶ Ot ikanta' di pundayaw'un he"a Apu Dios te immannung an ma''aphod'a i ha"on.