Psalm 128 - Nan Hapit Apu Dios

Psalm 128 Hay Gunggunan Nan Mangun'unud I Apu Dios

¹ Mipa'amlong nan tagu an mangun'unud hinadan tugun Apu Dios.

² Te hanan pumbolayana ya umdah hi itanuddan hina'amma ya an namin nadan udum an mahapulda. Ta mun'am'amlong ya pumhod di nitaguwanda.

³ Ya dakol di i'imbabaledah nan ahawana ta mipaddung hinan ma'abbungan greyp. Ta na'amungda'e nadan imbabaledah nan pangananda ya nipaddungdah nadan manulun haping di olibo.

⁴ Athidiy aton Apu Dios an munwagah hinan tagun mangun'unud i hiya.

⁵ Ot hanat hi Apu Dios an wahtuh tun ad Zion ya wagahan dita'u ituwen pi'taguwan ta'uh tun luta ta tigon ta'uy pumhodan tun ad Jerusalem.

⁶ Ya hanat madukdukkey pi'taguwan ta'u ta tigon ta'uy a'apapu ta'u. Ya hanat minaynayun an waday linggop hitun numboblayanmin tinanud Israel.