Psalm 124 - Nan Hapit Apu Dios

Psalm 124 Hi Apu Dios Di Mangibaliw Hi Tataguna

¹ Nganne nin di na'at i dita'un tinanud Israel hi'on agge dita'u binoddangan i Apu Dios?

² Hi'on agge dita'u binoddangan i Apu Dios hidin dimmatongan di mangubat i dita'u

³ ot ma"id ha bahhonan pinate dita'un namin te nunhiglan nangimbubbungotda

⁴ an umatdah nan dimmakol an liting hinan wangwang.

⁵ Ta unhaot gapuh bikah nan liting ya nun'iyanud dita'u.

⁶ Mu munhana ta'u i Apu Dios ta aggena inyabulut an dadagon dita'uh nadan binuhul ta'u.

⁷ Ta umat ta'uh nan hamuti an natawang mu binumtik te napa"ih nan tawang.

⁸ Te hi Apu Dios an nunlumuh ad lagud ya tun luta di bimmoddang i dita'u.