Psalm 121 - Nan Hapit Apu Dios

Psalm 121 Nan Mumpapto' I Dita'u

¹ Intangad'u'eh nangappit hinadan billid on umalih nomnom'u an i dana nin di alpuwan nan bumoddang i ha"on?

² Ya mipanomnom i ha"on an hi Apu Dios an nangapyah ad lagud ya tun luta di bumoddang i ha"on.

³ Te hiyay nanongnan mangipappapto' i dita'u ta adi ta'u magah te hiya ya adi malmallo'.

⁴ Te hiyan mumpapto' i dita'un tinanud Israel ya adi uggan mable ya adi nimpe uggan malo'.

⁵ Te hiya ya wadawada an mangipapto' i dita'u. Ya hiyay paddungnay ihi''ugan ta'u.

⁶ Ta ta'on on pottapottang ya adi ta'u malngat ya atbohdin ma"id ha adi maphod hi ma'at i dita'u hinan bulabbulan.

⁷ Te ihwang dita'u i Apu Dios hinadan adi maphod an ma'at ituwen nitaguwan ta'u.

⁸ Ot ta'on on idanay awadan ta'u ya ipappapto' dita'uh inggana.