Psalm 113 - Nan Hapit Apu Dios

Psalm 113 Hay Pundayaw Hinan Ongal Di Homo'nan Dios

¹ Madayaw hi Apu Dios. Dita'un munhilbi i hiya ya hanat hiyay daydayawon ta'u.

² Ta hiyay midaydayaw hi ingga'inggana

³ an mihipun hinadan boblen wah nangappit hi tuluwan di algo ta ingganahdih nadan boblen wah nangappit hi alimuhana ya hanat hiyay midaydayaw.

⁴ Te hiyay na'abbaktun Ap'apu hi abobboble ya hanan amaphodna ya ma"id ha nipaddunganah nadan wahtun luta ya ta'on on hinadan wah ad lagud.

⁵ Ot hiya an na'abbaktun patul an wah ad abunyan ya immannung an ma''id ha nipaddung i hiya.

⁶ Te ta'on on wahdih nan awadana ya uh'uhdunganah ad lagud ya hitun luta.

⁷ Ya paphodonay nitaguwan nadan nun'awotwot ya boddangana didah nadan punligatanda.

⁸ Ya idattana didah nabaktun sa'adda ta diday udum hi mangipangpanguluh nadan tataguna.

⁹ Ya ta'on on hanadan binabain ma"id ha imbabaleda ya pa'amlongona dida te idattana didah imbabaleda. Madayaw hi Apu Dios.