Romapụ 10 - Ibani New Testament

¹ Mịnaapụ, tẹ́mẹ́bie a bii nyẹ na a tẹ́ghẹ̄ Tamuno pịrịarị tẹ́ghẹ̄ Izirẹlịawọ gosi ánị ḅẹ́, nnị ine dụaḅọ́rọ́ma nyáná.

² A onyẹsẹ́ n pịrịm ḅẹ́ nnị ibima dọghụarị nnị Tamuno ma tẹ́ghẹ̄, kụ́ma nna ibima Tamuno tẹ́ghẹ̄ dọghụma anị tụ́ma níminyẹ ḅụ gbánāgha.

³ Nnị Tamuno ḅara saghị ḅo karakárá ibiamịẹnyẹ ma nimigha sa warị asọ dọghụ nna nganyẹ pụ́úpágháma ḅo, anị ḅara ma nnị mịnị sịbị tughú Tamuno ma karakárá ibiamịẹnyẹ pịrịgha.

⁴ Krais anịị ólóghó ma kunema sị minini ḅo gonyẹ́ gonyẹ́ karakárá ibiamịẹnyẹḅọ sọ.

⁵ Mịma anị Mosis gịẹ kórómanyẹ ólóghó ma ḅụ saghị ḅo karakárá ibiamịẹnyẹ gbolomanyẹ: <<Ḅọ́rọ́ tumḅọ ólóghó ma dughonyẹ mịẹ, n ḅọ ólóghó ma ḅụ ḅọ́rọ́ dumabẹm.>>

⁶ Kụ́ma Tọ́ndiri ma bie n gịẹ kórómanyẹ, minini ḅụ ḅọ́rọ́ ḅo karakárá ibiamịẹnyẹ ma gbolomanyẹ: < (Anịị mú Krais akuo ḅo.)

⁷ Anịgha gbíla, (Anịị Krais ma saghịma fịị ḅụ).>>

⁸ Kụ́ma anị tẹ́ dugho: Tamuno oku ma i nana kikiam; ị bịpịbie na ị tẹ́mẹ́bie imi, anịị wa dugho pághámaarị minini ẹ́gẹ́rẹ́ ma.

⁹ Ḅẹẹ ḅọ́rọ́ ị bịpị ḅụ dugho págháma ḅẹ́ Jizọs Krais anịị Kị́nị́nyánáḅọ ma pịghị minini ị tẹ́mẹ́bie ḅẹ́ Tamuno ọ saghịmam fịị ḅụ, ị dụaḅọ́rọ́ma nyánábẹm.

¹⁰ Wámịna minini ḅụ ḅọ́rọ́ anịị wa ḅọ́rọ́ karakárá ibiamịẹnyẹapụ sọnyẹ Tamuno tórúku; wámịna bịpị ḅụ dugho pághámá nyẹ ḅụ ḅọ́rọ́ anịị wa dụaḅọ́rọ́ma nyánányẹ.

¹¹ Tọ́ndiri ma bie n gịẹ ḅara ḅẹẹ, <<Ọ ḅụ mininiḅọ gonyẹ́ gonyẹ́ ḅụgịrịrịbịgha.>>

¹² Ḅẹẹ kịrịnyẹ ofori Juuapụ na Juughaapụ bie Tamuno ori anịị kị́nị́mamgba Nyánáḅọ ọ pịghị ibiḅara pa ọ sịapụ mamgba boma bomam.

¹³ Ḅẹẹ Kị́nị́nyánáḅọ ma ẹ́rẹ́ sịḅọ gonyẹ́ gonyẹ́ dụaḅọ́rọ́ma nyánábẹm.

¹⁴ Nnị tọ́rọ́ pa na nnị ḅụ mininighaḅọ ma sị bẹ? Nnị pịghị tọrọ́ pa na nnị o gbolomanyẹ naaghaḅọ ma ḅụ minini bẹ? Nnị pịghị tọ́rọ́ pa náa bẹ ḅọ́rọ́ kị́nị́ oku ma dugho wásáma nnị pịrịgha?

¹⁵ Nnị tọ́rọ́ pa oku ma dugho wásáma bẹ ḅọ́rọ́ nnị n fịrịmagha? Nnị gịẹ kóróma ḅara Tọ́ndiri ma bie, <>

¹⁶ Izirẹlịawọ mamgbagha ibi oku ma daákịmáapụ. Aizaya kọkọ dugho ḅẹẹ, <>

¹⁷ Anịgo, minini ḅo ḅom oku ma náa ḅụ, oku ma ḅo ḅom Krais gboloma oku ma dugho wásáma ḅụ.

¹⁸ Kuma a gbilam: Anị tụ́manyẹ ḅẹ́ nnị oku ma naagha? Karakárányẹ dugho ḅụ n nam: Nnị gịẹ kóróma ḅara Tọ́ndiri ma bie ḅẹ: <>

¹⁹ A sima gbilaarị, Izirẹlịawọ ma nnị akanyaḅogha? Mosis anị parị pagharaa ḅọ: <>

20 Aizaya ḅáláfaghaa ḅara pa dughom o dugho sa, I dọghụghaapụ anịị i dọghụ pághámaḅoapụ; I gbilaghaapụ anịị a ḅụ pa dieapụ.

²¹ Kụ́ma Izirẹlị gbolomanyẹ o dughom ḅẹẹ, <<Éné gbọrụ a i ḅara sụghụma bịpị pughugha na sịbị kụrọapụ pịrịm.>>