Puu Findi 3 - Ibani New Testament

Nnị Pa Sadis Ḅụ Fịnị Sọsị Ma Fịrịma Oku

¹ <

² Saghị sẹ! Ịnyọ pa kọnyẹ́ ma ḅụ sua anị fịịfamabịgha ḅara. Ḅẹẹ a arịḅom ḅẹ́ ọ nwángịmáa fịrị ma na káaragha ị Tamuno tórúku.

³ Anịsáa, biekóróma, n pa ọ dienyẹ na ọ pịghị náanyẹ, anị osii, sị pịghịị ọmịna sii ḅụ. Kụ́ma ọ múno ḅụ saghị sẹgha sẹgha a ḅo ọ ḅụ korobẹm fúrúḅọ ḅara ma, ọ pịghị ine nimibịghaa a ḅoo bẹ sáá ma.

⁴ Anịsọ ọ pa jẹ́apụ nyánam Sadis ḅụ na nna bịtẹ ịlọlịmáapụ. Nnị pị́na ḅusụ́anyẹ sua sị irị na asọ nwángịbẹm. Tegó anị nna ḅụ́gbẹm ọkọ mịẹ yọ.

⁵ Sọḅaapụ ma n pị́na bịtẹ pa mịị ḅara ma pa nnị suabẹm, a pịghị nna ẹrẹ sibịgha dumaapụ ma ẹrẹ diri bie. I Daa ma tórúku na ori sookumuapụ ma tórúku a dugho findibẹm ḅẹẹ nnị i nyẹẹ.

⁶ Biri nyánáḅọ gonyẹ́ gonyẹ́ náa, Tẹ́mẹ́ ma dugho sọsị ma pịrịarịnyẹ!

Nnị Pa Filadelfiya Ḅụ Fịnị Sọsị Ma Fịrịma Oku

⁷ <

⁸ A ọ ọmịna mịẹnyẹ nimim, a ḅụ́pọ́ findi ọ pịrịmam gbẹ́rẹ́ḅọ sọ ine ikásịbịgha nyẹ. A nimim ḅẹẹ ọ kálá ịnyọ nyánam; ọmịnị ị́yẹ́ dienyẹ ma duamam, ọ pịghị sẹ kụrọ ị́yẹ́ ẹrẹ ma pịrịmam.

⁹ Pughu! Mịị Satanị kubiri ogboapụ ma, ḅẹarịapụ ḅẹ́ nnị Juuapụ tụ́manyẹ ḅẹ́ nnị Juughaapụ, kụ́ma nnị iruonaapụ. A nnị mịẹbẹm sị n ḅoo sóghórókoro i ḅụọ angaá. Nnị kị́nị́mamgba nimibẹm ḅẹẹ a ọ ḅẹ́lẹ́mamam.

¹⁰ Ọmịnị a sua ọ pịrị ólóghó ma kokomam gosi sị ngịrịma nyáná, irịsọ pịghị ọ koko warịbẹm tuminikiri ḅoarị ḅụḅáláḅálá sáá ma ḅụ, ḅoo tuminikiri fịnịapụ ma daádighi bẹnyẹ.

¹¹ <

12 Sọḅaḅọ gonyẹ́ gonyẹ́ anịị a pa warị ọkọlọbị pie sị mịẹbẹnyẹ ị́yẹ́ Tamunoopuwarị, ọ pịghị jẹ́ pa anị warịsobịgha. A nna ḅụ i Tamuno ẹ́rẹ́ gịẹbẹm náa i Tamuno ma opuámá ẹrẹ, ịwọ Jerusalem ma, sobie i Tamuno ḅara sághị kóróḅo bẹnyẹ. A pịghị ọ ḅụ ị́yẹ́ ịwọ ẹrẹ gịẹbẹm.

¹³ Biri nyanaḅọ gonyẹ́ gonyẹ́ náa, Tẹ́mẹ́ ma dugho sọsị ma pịrịarịnyẹ!

Nnị Pa Laodisiya Ḅụ Fịnị Sọsị Ma Fịrịma Oku

¹⁴ <

¹⁵ A ọmịna mịẹnyẹ nimim, a nimim ḅẹẹ ọmịnị oḅúghúgha anịgha ọfịrịịgha! A bibẹm ọ ḅọ́rọ́ ọfịrịị anịgha oḅughu.

¹⁶ Kụ́ma ọmịnị ngaringarim gosi, ọmịnị ọfịrịịgha ọ pịghị oḅúghúgha a ọmịnị osirosibẹm i bịpịbie!

¹⁷ Ọ ḅẹm ḅẹẹ, <Ọmịnị igbii nyanam; ọmịnị ngọ kọmam, ọ dọghụnyẹ gonyẹ́ gonyẹ́ nyánámam!> Kụ́ma o nimigha ọmịna duma galagala ḅara na pịghị nnị ọ dighi ḅụ́jịrịrị ḅara! Ọmịnị igónyim, ọ papa ḅụ ḅụ imii, ọ tọ́rụ́ pịghị pụụm.

¹⁸ A ọmịnị againmam, ḅẹ́ ọmịnị i ḅara odoḅala fẹ́ẹ, n fịnịbie dọ́ghụ́ma yóri yóri odoḅala sị ọmịnị ála sọọ bẹ ḅara. Pịghị pị́na pị́na bịtẹ fẹ́ẹ sị pa ọmịna ḅụ sua sị ọmịna ḅụ́gịrịrịma papa ḅụ ma gbẹ́ẹ̄ bẹ ḅara. Pịghị pulo fẹ́ẹ sị pa ị tọ́rụ taa, si i ine nyẹ árị bẹ ḅara.

¹⁹ <

20 Dighi! A ḅụ́pọ́ ḅụ sẹ sị gbólom, i pụghọ náa sị ḅụ́pọ́ findi i pịrịḅọ fịnịfịnị, a n ḅọ warị sọḅobẹm sị n ḅọ na nyẹ́fịị, nḅọ sọ irị na nyẹ́fịbẹm.

²¹ <

²² Biri nyánáḅọ gonyẹ́ gonyẹ́ náa, Tẹ́mẹ́ ma dugho pa sọsị mamgba pịrịarịnyẹ!>>