Puu Findi 21 - Ibani New Testament

Ịwọ So Na Ịwọ Tuminikiri

¹ Anịsáa a ịwọ so na ịwọ tuminikiri arịm. Parị so ma na parị tuminikiri ma ẹmẹẹ́famam tọ́rụ́ sọ mịnị oforii.

² A warị Tọ́ntọ́ Opu ámá ma arịị, ịwọ Jerusalem, sobie sághị Tamuno fịnị angaá ḅụ kóróḅoarị, yáá bi ọ́rụ́ḅọ ḅara nnị bịtẹ pa suaá sị a birima pịghị a tẹ́lẹ́ma warị sị a deeḅọ na dona bẹ ḅara.

³ A opu pụghọ naam imine ma ḅụ sághị ẹ́gẹ́rẹ kọarị nyẹ: <

⁴ Ori owu mingi mamgba sibẹm nna tọ́rụ́ ḅụ. Fịị mịnị oforibịgha, dụadú mịnị oforibịgha, owu anịgha akụ́ụ mịnị oforibịgha. Olom sáá nyẹ ma ẹmẹẹ́famam.>>

⁵ Anịsáa imine ma ḅụ kpọrọfị́nị́ḅọ ma dughom, <> Ọ pịghị i ḅẹ́ẹm, <>

⁶ Ọ warị i ḅẹẹ, <

⁷ Sọḅaapụ mịma nyánáḅobẹm i ḅárabie. A Tamuno sọọ n pịrịbẹm nnị sọ awọ sọọ i pịrịbẹm.

⁸ Kụ́ma ḅáláfaapụ, mininighaapụ, pilemaapụ, kị́nị́ ḅáapụ, yáakuu ḅụ ofori nwángị kọọarịapụ, tọ́rụ́kịrịkị́rị́ dirikọ́rịapụ, susi n kárányẹ pịrịrịarịapụ, na iruonyẹ dughoapụ mamgba nna fịnị yọ anịị ọpọlịḅuruma pa dọghụarị kọrịfịnị ésiḅe ma, anịị mmẹẹ́ kárámá fịị ma.>>

Ịwọ Jerusalem

⁹ Sọ́nọ́ma sookumuapụ ma bie, sọ́nọ́ma bọlị ma dighiarịapụ, kunema sọ́nọ́ma tọ́rụ́siarị dighiarị ḅụḅáláḅálá bie bii nyẹ, nna ḅụ́gbẹrẹḅọ damaḅom sị ḅẹ́, <<Ḅoo, a pịghị dee yaaḅọ ma pa ị diebẹm, Ánáná Tụwọ ma taa.>>

¹⁰ Tẹ́mẹ́ i korom, sookumuḅọ ma warị i dighiákị pa opuma sóghóló tụ́ndụ ọgọnọ gbánā. O Jerusalem Tọ́ntọ́ Opu ama ma pa i diem, sobie Tamuno ḅụ sághị kóróḅoarị.

¹¹ Opu ámá ma anị Tamuno ipine ma pa sánị sanịarị, opu ámá ma nyẹ́la onwo mgbọ́lụ kọrị ḅara pa kọrịarị, sọ́ḅọ́rọ́ Jaspa, yóriyórim sọ́ḅọ́rọ́ mgbọ́lụ iti.

¹² Anị opuma sóghólo onu nyanam pịghị oyi mmẹẹ́ opu ḅụ́pọ́ nyáná, oyi mmẹẹ́ sookumuapụ ma pịghị opu ḅụ́pọ́ ma ḅụ imi. Opu ḅụ́pọ́ mamgba ḅụ nnị ẹ́rẹ́ gịẹm, Izirẹlị oyi mmẹẹ́ a túminị́ ọrụ.

¹³ Gbẹ́rẹ́ párángáa tẹ́rẹ́ a opu ḅụ́pọ́ imii. Tẹ́rẹ́ ịrụa saghị saghị angaá, tẹ́rẹ́ ịrụa ma tere tere angaá, tẹ́rẹ́ abaji sughu, tẹ́rẹ́ ọ́gọ́nọ ju.

¹⁴ Opu ámá ma onu ma oyi mmẹẹ́ a sughu isé dapịrị anịị n pa anị nama nyẹ, anị ḅụ nnị Ánáná Tụwọ ma oyi mmẹapụ findi nfịrịmaapụ ma ẹrẹ gịẹm.

¹⁵ Ẹ́gẹ́rẹ́ i pịrị sookumuḅọ ma odoḅala nyẹ tọ́ọ sị ọlọm ọ pa opu ámá ma tọ́ọ anị opu ḅụ́pọ́ na anị onu.

¹⁶ Opu ámá ma anị nangwọ na anị findi kpainma ḅara pa gbasịm. Sookumuḅọ ma ori nyẹ tọ́ọ sị pa opu ama ma tọọm: anị nangwọ kilomita suene a ndẹ́ẹ, anị finji na anị sóghólo na pịghị anị nangwọ gbasịm.

¹⁷ Sookumuḅọ ma onu ma sọ tọọm, anị sóghólo mita tẹ́rẹ́ a si, anịị tuminikiriapụ nyẹ tọ́ọ ḅara anịị sookumuḅọ ma tọọarị ḅara.

¹⁸ Onu ma jaspa anịị n pa anị tẹ́mẹ́nyẹ, opu ámá ma tụ́ma yóri yóri odoḅala anị n pa anị nama nyẹ, gilasi yóri yóri ḅara anịị anị yóri yóriarị ḅara.

¹⁹ Nnị pa suu isé opu ama ma onu pịrị dapịrị ma anịị tọ́rụ́kịrịkị́rị́ nyẹláa dapịrị anị nnị pa anị birima nyẹ. Nnị pa parị suu isé dapịrị anịị jaspa, mmẹẹ́ kárámá nyẹ safaya, tẹ́rẹ́ kárámá nyẹ agate ini kárámá nyẹ emeraldi (kọrịarị sọ́ḅọ́rọ́ ẹ́lẹlẹ́ndẹ.)

²⁰ Sọ́nọ́ kárámá nyẹ onizi, suene kárámá nyẹ kanelia anị sọ́nọ́ma kárámá nyẹ odo kuartz, inine kárámá nyẹ beril, ésẹ́nie kárámá nyẹ topaz, oyi kárámá nyẹ kalsidoni, oyi ngịẹ findi kárámá nyẹ tokwoisi, oyi mmẹẹ́ findi kárámá nyẹ ametisiti.

²¹ Oyi mmẹẹ́ opu ḅụ́pọ́ ma anị oyi mmẹẹ́ findi mingi ḅụ saghị ḅo nyẹ́la mgbọ́lụ, opu ḅụ́pọ́ ma gonyẹ́ gonyẹ́ mingi bie sághị ḅo nyẹ́la mgbọ́lụ anịị n pa anị miẹye. Opu ámá ma asọ ibima yóri yóri odoḅala anịị n pa anị mịẹnyẹ n gilasi bie árịarị ḅara anịị nnị anị árịarị ḅara.

²² Opu ámá ma bie a Tamunoopuwarị arịgha tegó anị Tamunoopuwarị ma anịị Kị́nị́nyánáḅọ ma, Tamuno, Kụrọmamgba Nyánáḅọ ma na pịghị Ánáná Tụwọ ma.

²³ Opu ámá ma ịrụa biigha anịgha akalụ́ ḅẹ́ nnị anị ḅụ bia tegó Tamuno ipine ma baá pa anị pịrịarị, Ánáná Tụwọ ma sọ pịghị anị tọndọ.

²⁴ Tuminikiriapụ anị baá pa asọ nwángịbẹm, tuminikiri ámányánáapụ nna ngọ akuoo ḅobẹm anị bie.

²⁵ Opu ámá ma opu ḅụ́pọ́ findi fịnịbẹm éné gbọrụ; n jẹ́ éné jẹ́ éné anị gbẹ́bịgha tegó dii fịnịbịgha anị ngaa.

²⁶ Sẹ́ sẹ́ sẹ́ ma opu na anị ngọ nnị akuoo opu ámá ma bie ḅoobẹm.

²⁷ Kụ́ma gbẹ́rẹ́ ịlọ́lị nyẹ sọ anị bie sọbịgha anịgha ḅụ́gịrịrịma nyẹ mịẹarịḅọ anịgha iruonyẹ dughoarịḅo, kụ́ma nnị nna ẹ́rẹ́ gịẹapụ gonyẹ́ gonyẹ́ Ánáná Tụwọ ma duma diri bie anịị opu ámá ma sọ bẹnyẹ.