Ibi Oku Ma Mak Anị Gịẹ Ḅara 7 - Ibani New Testament

Tádọ́apụ Ma Dienyẹ

¹ Jẹa Farisiiapụ na ólóghó ma nyẹ́dieapụ, Jerusalem ḅụ sághị ḅoapụ ḅoo Jizọs kobirim.

² Nnị ḅo arịḅom ḅẹ́ ori ọḅụdua jẹapụ pile ḅara pa nyẹ́fịarị mịma dughoarị ḅẹ́, nịị nnị anị sịrịgha Farisiiapụ ma ólóghó dugho ḅara ḅẹẹ túminị́ ḅara sịrịbẹm.

³ (Ḅẹẹ Farisiiapụ ma na pịghị kọọ Juuapụ ma nna tádọ́apụ ḅara nnị daḅo dienyẹ ma duarị. Nnị nyẹ́fịbịgha ḅọ́rọ́ nnị nna ḅara sịrịgha karakárá ḅara ḅụ.

⁴ Nnị pịghị fẹ́siri saghị ḅo nyẹ gonyẹ́ gonyẹ́ fịbịghaa tarị anị sịrịgha pa. Nnị pịghị tọgha tọgha ólóghó duarị n daḅo maá nyẹ, mịma anị n mingi ḅuu ọmọngọ sịrị na ibiḅara, nyẹ sọọ ḅẹ́lẹ, nyẹ́fị bọlị na múnonyẹ ọgọnọ siri siri karakárá ḅara.)

⁵ Farisiiapụ ma na ólóghó nyẹ́dieapụ ma warị Jizọs gbíla ḅẹẹ, <>

⁶ Jizọs n pagharam ḅẹ́, <

⁷ Anị sọ́nyẹ ḅụ ofori ḅẹ́ nnị susi ị pịrịarị tegó túminị́ ólóghó anị nnị diearịnyẹ sọ́ḅọ́rọ́ ị́yẹ́ ólóghó!>

⁸ <<Ọ Tamuno ólóghó ma pa ngaa pịrịm sị tuminikiriapụ dienyẹ ma osii.>>

⁹ Jizọs pa ẹ́gẹ́rẹ́arị ḅẹ́, <<Ọmịnị o nimim, ọ Tamuno ólóghó ma sịghị sịghị ḅara sị ọmịna ngaa dienyẹ ma ẹ́résoo.

¹⁰ Mosis ólóghó pịrịm ḅẹẹ, <Ị daá na i nyingi osii, i ḅọ́rọ́ i daá anịgha i nyingi wiri wiri, i ḅá anịị nnị ị ḅá bẹnyẹ.>

¹¹ Kụ́ma ọmịnị diearị ḅẹ́, ḅọ́rọ́ túminị́ pa ḅárásua nna daa anịgha nna nyingi pịrịbẹnyẹ nyána, kụ́ma warị ḅẹ́, (mịma dughoarị ḅẹ́, n saghị pa Tamuno pịrịm).

¹² Nnị n kịẹ sim ḅẹ́ nnị ḅárásua nna daá anịgha nna nyingi pịrịbịgha.

¹³ Mịị ḅara ma ọ pa jẹ́apụ diearị dienyẹ ma Tamuno ẹ́gẹ́rẹ́ ma na kuragha. Nwọfịnị tọgha jẹa nyẹ imi ọ mịẹarịnyẹ.>>

Tumḅọ Ịlọlịmaarị Nyẹ

¹⁴ Anịsáa Jizọs warị sima túminị́ kpo ma sị ọ ḅụ pịrịị warị n ḅẹ́, <<Ọmịnị kị́nị́mamgba ọmịnị i pughu sị akanyaḅo.

¹⁵ Nụ́ngọ ḅụ saghị i furobie sọ ḅẹnyẹ ofori mịẹbẹnyẹ si i ịlọlịḅọ sọọ. Tụ́ma ịḅụ págháḅo nyẹ anịị mịẹarịnyẹ si í ịlọ́lị.>>

¹⁷ O túminị́ kpo ma wáriso sáá sị wárị muu, ori ọḅụduaapụ o gbilam ḅẹẹ ọ mịị dughonyẹ ma dughofindi.

¹⁸ Jizọs warị n ḅẹẹ, <<Ọ nyẹ nimi isiapụ ma nẹngịgha. Ọmịnị akanyaḅogha? Ḅẹẹ ọfụrobie saghị sọọ nyẹ ofori sị ine ọmịnị ịlọlịma bẹnyẹ.

¹⁹ Tegó anị ọmịna tẹ́mẹ́bie sọgha kụ́ma ọmịna furobie warị oju ma ḅụ ḅọ́rọ́ pághá.>> (Ọ mịma dughoarị sáá, Jizọs dugho wásámam ḅẹẹ fị́nyẹ gonyẹ́ gonyẹ́ anị ibim sị tumḅọ anị fịị.)

²⁰ Ọ warị pịghị dugho ḅẹ́, <

²¹ Ḅẹẹ ị bie, anịị ị tẹ́mẹ́bie anịị sikóróma ḅoarị nyẹ mịẹsị yáakuu ḅụ ofori nwángị kọọ, fúrú, kị́nị́ḅáa,

²² amadọghụ, oputọrụ na pịghị tọ́rụ́kịrịkị́rị́ siinyẹ mịẹ, oḅori pa kị́nị́ sị, ịlọ́lị nyẹ mịẹ, jụghọ nyẹ mọnị kị́nị́ dughosima, opuamịẹnyẹ, na oḅorịsọọ,

²³ Mịnanyẹ mamgba ibie saghị págháḅom sị mịẹsị ị ịlọ́lị.>>

Gbẹ́rẹ́ Ọ́rụ́ḅọ Minini

²⁴ Jizọs warị anị ngaa ma wáriso sị Taya na kikia ámá parangáa muu. Ọ gbẹ́rẹ́ḅọ wárị sọm, kụ́ma minigha gbẹ́rẹ́ḅọ sọ nimi ḅẹ́ ori anị ngaa imii kụ́ma ori ine ḅọghu fịnịgha.

²⁵ Gbẹ́rẹ́ ọ́rụ́ḅọ imi, árị ndụ́ḅa sitẹ́mẹ́ ḅụ fịnịḅọ Jizọs gbólómanyẹ ma naam, warị ọ damaḅo anị gbẹ́rẹ́kirikiri warị ọ ḅụọ sughu sóórókoro.

²⁶ Ọ́rụ́ḅọ ma, árị Juughaḅọ, kụ́ma nnị ayim Fonisiya ḅụ Siriya bie fịnị ngaa nyẹ. A Jizọs tẹ́ghẹm ḅẹ́ o sitẹ́mẹ́ ma deesi árị ndụ́ḅa ma ḅụ.

²⁷ Kụ́ma Jizọs pagharam ḅẹẹ, <>

²⁸ A warị pagharaa ḅẹ́, <>

²⁹ Jizọs warị a ḅẹẹ, <<Ị pa i págháraa nyẹ ma gosi, pịghịma warị muu, ị́yẹ́ árịbẹm ḅẹ́ sitẹ́mẹ́ ma ị́yẹ́ ndụ́ḅa warịsomam!>>

³⁰ A pịghịma wárị muum sị a tụ́wọ árị a ḅụlọlọ fịnịarị ngaa múnonyẹ ọ́gọ́nọ; sitẹ́mẹ́ ma karakáráma a tụ́wọ ma ḅụ somam.

Jizọs Oḅuu Pịghị Biri Pụụḅọ Gwọm

³¹ Jizọs warị Taya ama párángáa ma wáriso warị Sidọn párángáa ḅọ́rọ́ Galili Dappa ma láa, Dekapolis ḅụ fịnị oyi ámá ámá bie ḅọ́rọ́.

³² Jẹa túminị́ gbẹ́rẹ́ owitụ́wọ akuoo o damaḅom biri pụḅọ na pịghị ine ẹ́gẹ́rẹ́ghaḅo n warị Jizọs tẹ́ghẹ̄ ḅẹ́ ọ ḅara pa ọ ḅụ gbánaá.

³³ Jizọs warị owitụ́wọ ma ngéré sị darama túminị́ kpo ma fịnị angaá, warị ọ ḅárátụ́mgbọlụ pa owitụ́wọ ma biri sua pịghị fị́lā sara pa owitụ́wọ ma ḅẹ́lẹ̄ láama.

³⁴ Jizọs warị tọ́rụ saghị so daá wárị iku ịnyọ́sárá, warị owitụ́wọ ma ḅẹẹ, <> dughoarị nyẹ ḅẹẹ, <>

³⁵ Anị gbẹ́rẹ́kirikiri owitụ́wọ ma saghị nyẹ́ naam, ọ ḅẹ́lẹ kpepuma nyẹ́ sọ pẹ́lẹ́som, ọ warị saghị ẹ́gẹ́rẹ́ ḅụḅáláḅálá pịrịgha pa.

³⁶ Anịsáa Jizọs warị tọ́ọ n pịrị ḅẹẹ n dugho bẹḅọ bẹḅọ pịrịma, kụ́ma o dughoarị ḅara ma ḅẹ́ n dugho kị́nị́ pịrịma, anị gbẹ́rẹ́ ḅara ma anịị n dugho wásámaarị ḅara.

³⁷ Naapụ ma gonyẹ́ gonyẹ́ anị pịghị gbẹ́rẹ́ sáá nna tọ́rụ daam nnị warị ilúghú, <<Ọ tọ́rọ́pa nyẹ gonyẹ́ gonyẹ́ mịẹ tẹ́lẹ́maarị ḅara! Ọ pịghị biri pụụapụ mịẹm sị nnị nyẹ náa pịghị oḅu ọlọapụ mịẹsị nnị ẹ́gẹ́rẹ́kọọ.>>