Ibi Oku Ma Mak Anị Gịẹ Ḅara 13 - Ibani New Testament

Jizọs Nnị Tamunoopuwarị Ma Kaá Gulugulu Ma Gbolomanyẹ Dughom

¹ Jizọs Tamunoopuwárị ma warịsoarị sáá ori gbẹ́rẹ́ ọḅụduaḅọ dughom, <>

² Jizọs pagharam, <<Ọ kọkọ mị opuma dụḅa wárị ma árị? Gbẹ́rẹ́ dapịrị sọ kiri kọọbịgha anị parị fịnịkiri; n nyẹ gonyẹ́ gonyẹ́ suma gbibẹm.>>

Ḅụḅáláḅálá Na Tọ́rụ́siarị

³ Jizọs Olivu Tụ́ndụ ma ḅụ kpọrọfịnịarị sa Tamunoopuwarị ma na dama dama ngaa anịị Pita Jems Jọn na Anduru ḅọghu ḅara pa ọ damaḅo nyẹ.

⁴ Si ọ ḅẹ́, <>

⁵ Jizọs n ḅẹm, <<Ọ ḅụ ẹbị, ọ pịghị minima sị gbẹ́rẹ́ḅọ sọ oḅori pa ọ sị.

⁶ Tọghaapụ ị́yẹ́ ẹ́rẹ́ ḅụ ḅobẹm, ḅẹẹ bẹapụ ḅẹ́, nnị pịghị oḅori pa tọghaapụ sịbẹm.

⁷ Ḅụḅáláḅálá pa ọ ḅụ pịrịma, ọ saghị ọmụ́ ọwụ náa bẹ sa kikia angaá na pịghị ọ́mụ́ gbolomanyẹ náa ḅọlọ́nga ḅụ. Mịnanyẹ mamgba kiriakịbẹm mịma dughogha ḅẹ́ kunema ma lámam.

⁸ Gbẹ́rẹ́ sẹ owu pa jẹ́ sẹ pághámabẹm, gbẹ́rẹ́ ásẹ́mẹ́kiri owu pa jẹ́ ásẹ́mẹ́kiri pághámabẹm. Tuminikiri ma jighebẹm ngaamamgba ḅụ, ḅuruḅa pịghị fịnịbẹm. Mịma anịị ọ́rụ́ḅọ tụ́wọ yii ḅụakụ ḅụ fịnị ḅara anịị anị fịnị ḅara.>>

⁹ <<Ọmịnị sọ, ọmịnị ọ ḅụ ẹbị. Nnị okubẹm sị ọ pa ḅẹ́rẹ́kọ sịrị mubẹm. Nnị o fombẹm nna kobiri yọ ḅụ, nnị o mịẹbẹm sị ọ sẹ táarịapụ na ámányánáapụ tórúku i sịbị go, sị ọmịnị ibi oku ma dugho wásáma bẹ ḅara.

¹⁰ Kụ́ma ọ parị ibi oku ma dugho wásáma kị́nị́mamgba pịrịbẹm, anịsáa anịị kunema ma ḅo bẹnyẹ.

¹¹ Nnị oku si ọ pa ḅẹ́rẹ́kọ siri mú sáá, ọ báláma sị saghị kóróma parị ọ dugho bẹnyẹ; sáá ma láa maẹrẹ ọ bịpịbie sọọnyẹ gonyẹ́ gonyẹ́ dugho, ọ kọọ bẹ ẹ́gẹ́rẹ ma ọmịnị angaá nyẹ́gha; Tọ́ntọ́ Tẹ́mẹ́ ma ḅara anịị anị saghị ḅo bẹnyẹ.

¹² Mịná owiapụ nna jẹ́ mịná owiapụ dẹrịfị pa fịị bie suabẹm, daapụ anị gbẹ́rẹ́ ḅara ma pa nna awọ mịẹbẹm. Awọamaapụ tọ́rụ pịghị nna daapụ na nna nyingiapụ dáabẹm si árị ḅẹ́ nnị n ḅáa.

¹³ Kị́nị́mamgba o dighi ḅụ akụbẹm i sịbị gosi. Kụ́ma inema nyána mú kunema láa ḅo anịị dụaḅọ́rọ́ma nyána bẹḅọ.>>

Sáá Ma Sii Sa Tumḅọ

¹⁴ <<Ọ saghị túminị́ <Árị na ibighaa nyẹ ma árị sáá> anị fịnị na ibighaa angaá (goo ḅo ḅụ́kọ́rọ́ma akanyaḅo) Anịsáa Judiya ḅụ fịnịapụ mangị tụ́ndụ ọgọnọ muu.

¹⁵ Wárị osu ḅụ fịnịḅọ sáá ngúmá ma ḅẹ́ n ḅọ kóró muunyẹ biibẹm n ḅo pa muu bẹnyẹ.

¹⁶ Duakiri ḅụ fịnịḅọ wárị ḅoo ma ḅẹ́ n ḅọ gbẹbịtẹ akị́dọghum.

¹⁷ Anị éné ma anị tọ́rọ fịnị ḅáláfáma nyẹ dighi fura ẹ́rẹ́ na káláawọ ọlọ ẹ́rẹ́ámáapụ pịrịbẹ!

¹⁸ Ọ Tamuno tẹ́ghẹ̄ ḅẹẹ, mịnanyẹ ma kiriakịbịgha fọ́ngụ bie!

¹⁹ Anịsáa biri ma ḅụḅáláḅálá siḅaá Tamuno tuminikiri tẹ́mẹ́ sa éné éné anị árị ma ḅụḅáláḅálá nẹ́ngịbẹm, akị muu anị gbẹ́rẹ́ sáá ma láa. Ọkọfịnị jẹ́nyẹ mịnị jẹ́ pa kiriakịbịgha.

²⁰ Kụ́ma Kị́nị́nyánáḅọ anị éné ma mịẹ gbulumamam, ọ ḅọ́rọ́ ọkọ mịẹgha, gbẹ́rẹ́ḅọ so dụaḅọ́rọ́ma nyánábịgha, ọ sẹ́lẹ́ ọ ḅụ pịrịapụ ma gosi anị fịnị ḅara fịnị ḅara ori éné ma mịẹ gbulumamam.

²¹ < Anịgha, Minini ma.

²² Tegó iruo Messaya na iruo ikiakoroapụ págháḅobẹm. Nnị tọgha ḅụ́gbérépuma fịrị nwángịbẹm sị n pa oḅori pa Tamuno sẹlẹakịapụ ma sị ḅọ́rọ́ nnị ine inee.

²³ Ọmịnị ọ ḅụ karakáráma, a tórúku ḅoarị nyẹ gonyẹ́ gonyẹ́ dugho ọ pịrịmam.>>

Tumḅọ Yii Tụ́wọ Ma Ḅoo

²⁴ <<Ḅáláfámáarị éné ma ḅo ḅọ́rọ́ sáá, << <ịrụa ma ḅoo kánákánábẹm, akalụ́ sọ mịnị biabịgha,

²⁵ ḅálōló sọ sobie saghị sóórókóróbẹm ọgọnọ bie fịnị kụ́rọ nyẹ ma nnị anị deesibẹm nna kiri ḅụ.>

²⁶ <

²⁷ Ori sookumuapụ ma fịrịma tuminikiri ínia ọkọlọbị ma muubẹm, sị n muu Tamuno sẹlẹakịapụ ma kobiri tuminikiri ma gbẹ́rẹ́ kunema ngaa akị mú jẹ́ kunema ngaa láa.

Kúru Sị́ Ma Ḅụ Dawọ Ḅoo Bẹnyẹ

²⁸ <

²⁹ Anị gbẹ́rẹ́ ḅara ma, ọ mịị nyẹ ma árị si anị kiriakịarị sáá, o nimi ḅẹ́ sáá ma kikiamam, anị saghị bẹ sáá.

³⁰ A tụ́manyẹ ma dugho ọ pịrịm, mị ḅụ́ọ́apụ ma fịịfamabịgha akị mú mịnanyẹ mamgba kiriakị sáá láa.

³¹ So na kiri na ḅọ́rọ́ famabẹm, kụ́ma ị́yẹ́ ẹ́gẹ́rẹ́ jẹ́ éné jẹ́ éné ḅọ́rọ́bịgha.

Gbẹ́rẹ́ḅọ Sọ Éné Ma Anịgha Sáá Ma Nimigha

³² <

³³ Tọ́rụ findi kúru ḅụ fịnị, tẹ́lẹ́ma kuruu, tegó o nimigha sáá ma láa bẹ sáá.

³⁴ Anị fịnị bẹ ḅara anịị warị wáriso sị nyẹ muu owitụ́wọ sị wárị kóróma ori ómóniapụ pịrị, anịị ọ fịrị pa ọ́rụ́ḅọ ọ́rụ́ḅọ pịrị so máare, n ḅọ mịẹbẹnyẹ, pịghị ḅụ́pọ́ kuruḅọ ma ḅẹẹ ọ ḅụ́pọ́ kuruu.

³⁵ Anịgo kuruu, tegó ị nimigha wárị nyánáḅọ ma ḅoo bẹ sáá, ori ine ḅupiri ḅoobẹm anịgha dii ogbo anịgha ḅáásó anịgha dedefụfụ.

³⁶ Ọ ḅụnimigha ḅụ ḅoo ḅo, minima si ori ị́yẹ́ arịị ḅẹẹ, ị múnoarị.

³⁷ A dugho ọ pịrịnyẹ, anịsáa a dugho kị́nị́mamgba pịrịm, ọ tọ́rụ findi si kuruu!>>