Matiu 6 - Ibani New Testament

Nyẹ Pa Kị́nị́ Pịrị Dienyẹ

¹ <<Ọmịnị ọmịna ḅụ ẹbị sị ọmịnị ọmịna ibiamịẹnyẹ fịrị nwángịgha túminị́ tórúku sị nnị ọmịnị árị bẹ ḅara. Ọmịnị ọkọ mịẹmịẹ, ọmịnị gbẹ́nyẹ nyánáḅobịgha ọmịna sobie Daḅọ ḅara.

² <

³ Kụ́ma ọ nyẹ pa nyẹ ḅụ kụrọapụ pịrịarị sáá minima sị ị́yẹ́ ẹ́rẹ́ḅara nimi ị́yẹ́ ámáḅara mịẹarịnyẹ,

⁴ si ị́yẹ́ nyẹ pa kị́nị́ pịrị ma ḅọghu ḅara ḅụ fịnị bẹ ḅara. Anịsáa ị́yẹ́ Daá ḅọghu angaá ḅụ mịẹnyẹ árịarị ḅo ị́yẹ́ gbẹ́nyẹ pa ị gbẹ́bẹm.

Tẹ́ghẹ̄ Gboloma Dienyẹ

⁵ <

⁶ Kụ́ma ọ tẹ́ghẹ̄ bẹ sáá, ọmịnị ọmịna wárịbie sọọ, ḅụ́pọ́ ma gbẹ́ẹ̄ sị ọmịna Daá tọ́rụ́arịghaḅọ ma tẹ́ghẹ̄. Anịsáa ọmịna Daá, ḅọghu angaá mịẹnyẹ árịarị ḅo, ma ọ gbẹ́bẹm.

⁷ Ọ tẹ́ghẹ́arị sáá, ọmịnị ofori ofori ẹ́gẹ́rẹ́kọọ ma Tamuno nímighaapụ ma mịẹmịẹ ḅara, tegó nnị sịm ḅẹ́ Tamuno n naábẹm nnị dugho mánámāná ẹ́gẹ́rẹ́ gosi.

⁸ Ọmịnị n dua ma, ḅẹ́ ọ́ mịná Daá nimim ọ binyẹ na ọmịnị ọ ḅara anị biigha sáá,

⁹ Mịị ḅara ma anịị ọ tẹ́ghẹ̄ bẹ ḅara: <<

¹⁰ ị́yẹ́ ásẹ́mẹ́kiri ḅoo, i dọghụnyẹ tuminikiri mịẹ anị sobie fịnị ḅara.

¹¹ Pa wa pịrị mịmgba éné wámịna éné bie fị́nyẹ.

¹² Wámịna sii ḅụ ḅárási wa pịrị wamịnị sọ sii wáriso siinyẹ pa wa mịẹapụ pịrịmaá ḅara.

¹³ Wa daa pa daádighi bie suu ma, kụ́ma sii tumḅọ ma ḅarabie wa dụaḅọ́rọ́ma.>

¹⁴ <<Ḅọ́rọ́ o sii wáriso siinyẹ pa ọ mịẹapụ pịrị pịrị, ọmịna Daá sobie fịnịḅọ sọ sii wáriso ọ pịrịbẹm.

¹⁵ Kụ́ma ḅọ́rọ́ ọ sii wáriso siinyẹ pa ọ mịẹapụ pịrịgha, ọmịna Daḅọ ọmịna sii wáriso ọ pịrịbịgha.

¹⁶ <<Ọ ḅurukumáarị sáá, ọ minima túminị́ nimi mmẹẹ́ a tọ́rụ́ kingiapụ ma ḅara, ḅẹ́ nnị nna tórúku pa jẹ́ ḅara warịmabẹm pa túminị́ die ḅẹ́ nnị ḅurukumáarị. A karakárányẹ ma dugho ọ pịrịm nnị bi ḅara pa nna gbẹ́nyẹ nyanaḅomam.

¹⁷ Kụ́ma ị ḅurukụ́ma bẹ sáá, pulo pa ị sịbị sara sị mingi pa ị tórúku sịrịị.

¹⁸ Anị túminị́ diebịgha ḅara ḅẹẹ ị ḅurukumáarị, kụ́ma ị́yẹ́ Daḅọ ngéré, túminị́ arịgha ḅọ ma; anịsáa ị́yẹ́ Daḅọ ma ḅọghu angaá mịẹnyẹ árịarịḅọ ma, gbẹ́nyẹ pa ị gbẹ́bẹm.

¹⁹ <

²⁰ Kụ́ma sobie ngọ koko ịḅụ pịrị, ọbịọfịnyẹ na ajarị ine simabịgha angaá, furuapụ so ine fomká sị furubịgha angaá.

²¹ Ḅẹẹ ị́yẹ́ ngọ fịnị angaá anịị ị tẹ́mẹ́ sọ fịnị bẹ angaá.

²² <

²³ Kụ́ma ḅọ́rọ́ ọmịna tọ́rụ si si, kánákáná ọmịna oju gbọrụ ḅụ biibẹm. Ḅọ́rọ́ anịsáa ị́yẹ́ oju bie fịnị baá ma kánákánám, dighi nị ị́yẹ́ kánákáná ma dụḅa láa ḅara!

²⁴ <
Ḅụḅáláḅálá Pa Ḅụ Pịrị Dienyẹ

²⁵ <

²⁶ Fọ́rụ bie fiighiarị fíní ma dighi, nnị dua dipigha anịgha duasughu anịgha sughu nyẹ koko angaá nyáná, anịsọ ọmịna Daá sobie fịnịḅọ nnị siḅearị ọ nyẹ́la mịnaapụ ma nẹ́ngịgha?

²⁷ Ọmịna bie, tụọ ḅụḅáláḅálá pa n ḅọ ḅụ pịrị ḅụ gbẹ́rẹ́ kálá sáá tụ́wọ pa n ḅọ duma mịẹ nángwọ́ma bẹ?

²⁸ <<Ọ tegó ḅụḅáláḅálá pa ọmịna ḅụ pịrịarị suabịtẹ gosi? Dighi nị piri ogunu ma sẹnịarị ḅara, n fịrị nwángịgha anịgha nna bịtẹ dori.

²⁹ Ḅẹẹ a dugho ọ pịrịm ḅẹ́ Solomọn ori ngọ mamgba ḅụ ọ bịtẹ sua ọ ḅụ birimagha mịná ogunu ma fíafía ḅara.

³⁰ Ḅọ́rọ́ anịị Tamuno bịtẹ pa piri osuka ma sua ḅara, mịmgba ọmịnị anị arịm, ḅá nnị anị gbii fịnịbie suamam, ọ mịma nẹ́ngị ḅara pa bịtẹ pa ọ suabịgha, ọmịnị minini ịrụapụ?

³¹ Anịgosi, ọ ḅụḅáláḅálá pa ọḅụ pịrịma ḅẹarị ḅẹẹ, Anịgha Anịgha

³² Ḅẹẹ Tamuno nímighaapụ ma mangị ikelekele mịnanyẹ mamgba pịrịm, ọmịna sobie Daḅọ nimitẹ́lẹ́mam ḅẹ́ ọ mị́na nyẹ mamgba bim.

³³ Kụ́ma Tamuno ásẹ́mẹ́kiri ma dọghụ na pịghị ọ dọghụnyẹ, anịsáa nnị mịnanyẹ mamgba pa ọ pịrịbẹm.

³⁴ Anịgosi, ḅáa gbolomanyẹ pa ḅụḅáláḅálá pa ịḅụ pịrịma, ḅẹẹ ḅáa anị ḅụḅáláḅálá pa anị ḅụ pịrịbẹm. Ḅẹẹ éné éné anị na káara ḅụḅáláḅálá nyána anị ḅụ pịrịm.