Matiu 1 - Ibani New Testament

Jizọs Ori Tádọ́apụ

¹ Mịị anịị diri bie anị fịnị ḅara Jizọs tádọ́apụ, Jizọs Krais Deviti furotụ́wọ pịghị Ebraham furotụ́wọ:

² Ebraham anịị Aizik daa, Aizik anịị Jekọpụ daa, Jekọpụ anịị Juda na ori amịna owiapụ awọ daa,

³ Juda anịị Pẹrẹzi na Zẹra daa, Táma anịị nna nyingi, Pẹrẹzi anịị Hẹzịrọn daa, Hẹzịrọn anịị Ram daa.

⁴ Ram anịị Abinadabu daa, Abinadabu anịị Nasọnị daa, Nasọnị anịị Salmọnị daa,

⁵ Salmọnị anịị Bowazi daa, Rahab anịị Bowazi nyingii, Bowazi anịị Obedi daa, Rutu anịị Obedi nyingii, Obedi anịị Jesi daa,

⁶ Jesi anịị ámányánáḅọ Deviti daa. Deviti anịị Solomọn daa, o nyingi anịị parị Uraya taa.

⁷ Solomọn anịị Rehobowam daa, Abija anịị Asa daa,

⁸ Asa anịị Jehosafat daa, Jehosafat anịị Jehoramu daa, Jehoramu anịị Uzaya daa.

⁹ Uzaya anịị Jotamu daa, Jotamu anịị Ahazi daa, Ahazi anịị Hezekaya daa,

¹⁰ Hezekaya anịị Manasị daa, Manasị anịị Amọn daa, Amọn anịị Josaya daa.

¹¹ Josaya anịị Jekonaya na ori amịna owiapụ daa. Mịị sáá biri ma ḅụ anịị nnị Izirẹlịawọ dighiákị so Babịlọn muu sáá.

¹² Nnị n taa soofama Babịlọn mú sáá: Jekonaya anịị Seliteli daa, Seliteli anịị Zerubabeli daa,

¹³ Zerubabeli anịị Abihudu daa, Abihudu anịị Eliakim daa, Eliakim anịị Azọ daa,

¹⁴ Azọ anịị Zadọk daa, Zadọk anịị Akịm daa, Akịm anịị Eliudu daa,

¹⁵ Eliudu anịị Elieza daa, Elieza anịị Matan daa, Matan anịị Jekọpụ daa,

¹⁶ Jekọpụ anịị Josẹf daa. Josẹf anịị Meri ma deeḅọ, Meri Jizọs yiim n pa Krais sịḅọ.

¹⁷ Ḅụ́ọ́ ḅụ akị muu jẹ́ ḅụ́ọ́ láa, nyẹ mamgba oyi ínia ḅụ́ọ́apụ. Ebraham akị muu Deviti láa, oyi ínia ḅụọ, Deviti ḅụọ akị muu nnị n taa so Babịlọn muu sáá, oyi ínia ḅụọ findi nnị n taa so Babịlọn muu sáá akị muu n Krais yii sáá láa.

Nnị Ḅara Warị Jizọs Krais Yii Ḅara

¹⁸ Mịị anị n ḅara warị Jizọs Krais yii ḅara: o nyingi Meri nnị a pa yaa minini Josẹf pịrịmam, kụ́ma na nnị mmẹapụ ḅoo gbolomagha sáá ḅụ, nnị ḅoo arịḅom ḅẹ́ Tọ́ntọ́ Tẹ́mẹ́ ma bie ḅọ́rọ́ a fúrámam.

¹⁹ A dee Josẹf karakárá ibiamịẹnyẹḅọ gosi ọ pịghị dọghụgha ḅẹ́ ọ túminị́ ogbo a ḅụ́gịrịrịma, ọ tẹ́mẹ́bie biam ḅẹ́ túminị́ biri nabịgha ḅara ḅụ ori a sịghịbẹm yaa ma ḅụ.

²⁰ Kụ́ma ọ sịbịbie kịẹ mịnanyẹ ma pịrịarị sáá, Gbámásóḅọ ma sookumuḅọ ọ ḅụ pa o diem dáwọ́ju, warị ḅẹẹ, <

²¹ Árị owitụ́wọ yiibẹm, Jizọs anịị i pa ọ sịịbe ẹ́rẹ́, tegó, ori ọrẹ a túminị́ duaḅọ́rọ́mabẹm nna sii ḅụ.>>

²² Mịnanyẹ mamgba kiriakịm Gbámásóḅọ ma ori ikiakoroapụ ḅụ ḅọ́rọ́ dughonyẹ ma karakárányẹ sọ bẹ ḅara,

²³ <> (mịma dughoarị ḅẹẹ, <>).

²⁴ Josẹf múno ju saghị sáá, Gbámásóḅọ ma sookumuḅọ ma dugho ọ pịrị ḅara ma anịị ọ mịẹḅara ọ warị Meri akị soo ọ warị muu taḅọ ḅara.

²⁵ Kụ́ma ori árị na gbolomagha akị muu árị owitụ́wọ tụwọ ma yii sáá láa. Josẹf warị Jizọs pa ọ sịị.