Ibi Oku Ma Luk Anị Gịẹ Ḅara 7 - Ibani New Testament

Jizọs Rom Ọ́mụ́gbiḅọ Ómóniḅọ Gwọm

¹ Jizọs mịnanyẹ mamgba dugho túminị́ ma pịrị faá ma sáá, ọ warị Kapanọm muu.

² Anị ngaa sọ́nọ́ a si ọ́mụ́gbiapụ sịbịdá gbẹ́rẹ́ḅọ, ómóniḅọ nyánam, ọ ḅụ opuma nyẹ́ lááḅo ḅụ ibighaa sị fịịfịịḅara fịnịm.

³ Mị sọ́nọ́ a si ọ́mụ́gbiapụ sịbịdáḅọ ma Jizọs gbólómanyẹ náa sáá, ọ jẹa Juuapụ sẹ́nịapụ fịrịmam sị n muu dugho Jizọs pịrị ḅẹ́ o ḅo ori fịrịnwangịḅọ gwọọ.

⁴ Nnị warị Jizọs fịnị angaá ḅo warị ibima ọ tẹ́ghẹ̄ ḅẹẹ, <

⁵ Ọ wamịnị amaapụ ma ḅẹ́lẹ́mam ọ pịghị kobiri yọ námá wa pịrịm.>>

⁶ Jizọs warị n dua. Ọ wárị ma na kikiamam ọ́mụ́gbi sịbịdáḅọ ma ori nángwọ́apụ fịrịma sáá ḅẹ́ n dugho ọ pịrị, <

⁷ A pịghị ịḅụ arịm ḅẹẹ a laagha i toruku ḅoo, kụ́ma ị́yẹ́ ẹ́gẹ́rẹ́kọọ, ị́yẹ́ fịrịnwangịḅọ oju ibibẹm.

⁸ Ịrịsọ ịḅụ sịbịdáḅọ nyánam, pịghị i sughubie fịnị ọ́mụ́gbiapụ nyánam. A ḅẹrẹtọ mịnga ḅo pịrị ḅẹẹ, a mịnga ḅọ ḅẹẹ, <Ḅoo! Ọ ḅo,> a pịghị ị́yẹ́ ómóniḅọ ḅẹẹ, mịma mịẹ ori anị mịẹ.>>

⁹ Jizọs mịma náa sáá, anị ọ tọ́rụ́nẹ́ngim: ọ warị pịghị sị o dua nwángịarị túminị́ kpo ma ḅẹẹ, <>

¹⁰ Oku muapụ ma pịghịma sọḅom sị árị ḅẹẹ ọ́mụ́gbi sịbịdáḅọ ma ómóniḅọ oju ibimam.

Jizọs Deeḅọ Fịị Ọ́rụ́ḅọ Tụwọ Saghịmam

¹¹ Anị gbẹ́rẹ́ kálá sáá ḅọ́rọ́ sáá, Jizọs ḅọ́rọ́ Nayin pa sị ama múm, ori ọḅụduaapụ na tọgha túminị́ o duam.

¹² O ḅo ámá ma opu ḅụ́pọ́ láa gbẹ́rẹ́kiri dua ḅọrọmaapụ págháḅo ọ nana donam. Ori, anịị o nyingi ma kpọ́kpọ́ gbẹ́rẹ́ tụwọ, nyingiḅọ ma pịghị dee fịịmaá ọ́rụ́ḅọ. Ama ma bie saghị ḅo tọgha túminị́ pịghị ánáná imi.

¹³ Kị́nị́nyánáḅọ árị arị́ sáá ọ tọ́rụ́kụrụkụ́rụ́ nyáná a pịrịm, ọ warị a ḅẹẹ, <>

¹⁴ Ọ warị ḅọ́rọ́ muu ḅara pa dua igbe ma lama, anị dighiapụ ma warị sẹ, Jizọs warị ḅẹẹ, <<Ásátụ́wọ a i ḅẹm saghịị!>>

¹⁵ Fịị owitụ́wọ ma warị saghị kpọrọfịnị sị saghị ẹ́gẹ́rẹ́, Jizọs warị ọ saghị pa o nyingi pịrị.

¹⁶ Ḅáláfá warị ḅo nnị kị́nị́mamgba tẹ́mẹ́bie sọọ, sị Tamuno túminim, n warị ḅẹẹ, <>

¹⁷ Mị Jizọs gboloma dughonyẹ ma Judiya gbọrụ ma ikélémam na pịghị anị na kikia angaá mamgba.

Mingi Sara Jọn Ḅara Saghị Ḅo Oku

¹⁸ Jọn ọḅụduaapụ mịnanyẹ mamgba dugho Jọn pịrị sáá, ori n ḅụ mmẹẹ́ nwángịapụ siim,

¹⁹ sị n muu Kị́nị́nyánáḅọ ma gbíla ḅẹẹ, <<Ịrị anịị ikiakoroapụ ḅẹ́ sị ḅoo bẹḅọ ma? Anịgha, wa tọ́rụ́ pa jụghọ dighi?>>

²⁰ Nnị Jizọs damaḅo sa, nnị warị ḅẹẹ, < >>

²¹ Anị gbẹ́rẹ́sa ma ḅụ Jizọs tọghaapụ gwọm n kọarị tọ́rụ́kịrịkị́rị́ obi ḅụ na pịghị sitẹ́mẹ́ ḅarabie, ọ pịghị tọ́rụ́ pụụapụ mịẹm nnị nyẹarịị.

²² Ọ Jọn oku muapụ ma pagharam ḅẹẹ, <<Ọ pịghịma soo sị mú dugho Jọn pịrị, ọmịnị árị sị pịghị náa maá nyẹ: Tọ́rụ́pụ́apụ ine nyẹ arịm, ikúléapụ ine nwángịm, ḅụkọ-obii kọọapụ nna oju ḅo fiafiam, biri iniiapụ saghị nyẹ́nam, fịịapụ fị ḅụ saghịm, ibi oku ma nnị pịghị anị dugho wásáma siminiapụ ma pịrịm.

²³ Nnị karịibimaḅọ anịị tumḅọ ma kúkúbie mmẹẹ́ mmẹẹ́ miẹghaḅọ a fịnị angaá ḅụ.>>

²⁴ Jọn oku múuapụ soo sáá, Jizọs warị saghị Jọn ḅẹ́rẹ́ dugho kubiri ogbo ma pịrị o mú Jọn dighi sáá elesiri ḅụ, <<Ọ si ḅẹẹ ọ tẹ́ árị bẹ? Ọ sị ḅẹ́ ọ fọ́rụ ofuro sị jighe jighearị sóghóló osuka árị bẹ́?

²⁵ Anịị ofori, ọ pághá mú tẹ́ árị? Tụ́ma bịtẹ suaḅọ? Ọkọfịnị bịtẹ suaapụ sị fị na ḅụ na duma kọ́arịapụ, ámányánáapụ warị anịị nnị nna arịrị nyẹ.

²⁶ Dugho i pịrị, o mú tẹ́ arịị? Gbẹ́rẹ́ ikiakoroḅọ, kụ́ma a dugho ọ pịrịm, ọmịnị ikiakoroḅọ nẹngịḅọ arịm.

²⁷ Jọn anị Tọ́ndiri ma ḅẹ́ ḅo, << >>

²⁸ Jizọs pa ẹ́gẹ́rẹ́arị sị ḅẹẹ, <>

29 (Kị́nị́mamgba, na pịghị kọnsịn ósó igbii daapụ ma mịma náa sáá, n mininim ḅẹẹ Tamuno asọ ma karakáram, tegó mịnaapụ ma anịị Jọn pịghị mingi pa saramáapụ.

³⁰ Kụ́ma Farisiiapụ ma na ólóghó nyẹ́dieapụ ma ọḅụ pa Tamuno karakárá asọ ma gbim, sị minigha sị Jọn mingi pa n sara.)

³¹ Jizọs pa ẹ́gẹ́rẹ́kọarị ḅẹẹ, <

32 Fẹ́siri ḅụ kpọrọfịnị awọamaapụ anịị n kịkanyẹ. Gbẹ́rẹ́apụ ilúghú isiapụ pịrịm, ḅẹẹ, <

³³ Jọn Mingi Saraḅọ ḅom, o ḅurukụmam pịghị gbẹ́rẹ́ ọfịrị iru sọ ḅugha kụ́ma ọ ḅẹm ḅẹẹ,

³⁴ Tumḅọ yii Tụwọ ma ḅom, ọ nyẹ ḅuum pịghị nyẹ fịịm, ọ warị ḅẹẹ,

³⁵ Tamuno níminyẹ ma daakịapụ diepághámamam ḅẹẹ Tamuno níminyẹ ma anị karakáram.>>

Siiamịẹnyẹ Ọ́rụ́ḅọ Pulo Pa Jizọs Ḅụ Saram

³⁶ Gbẹ́rẹ́ Farisiiḅọ, dugho Jizọs pịrịm ḅẹẹ o ḅoo ọ nana ḅupiri fị́nyẹ fịị, Jizọs warị ọ wárị muu sị kpọrọfịnị ọ nyẹ fịị ḅẹ́ ḅara nyẹ́fị opu ịkasị ọgọ́nọ́.

³⁷ Anị ama ma ḅụ gbẹ́rẹ́ ọ́rụ́ḅọ imim, sẹfị duma kọọ maá ḅo. A naam ḅẹẹ Jizọs Farisiiḅọ warị nyẹ́fịarị, a warị alabasita ólóló bie fịnị kụ́nụ́ pulo akuoo,

³⁸ a warị Jizọs ọḅụju sẹ ọ ḅụọ angaá, árị owúm sị árị owu mingi ma pa ọ ḅụ́ọ́pisima, warị a sịbịnumo ma pa ọ ḅụọ ọgọ́nọ́ ma si, bịpị pa ọ ḅụọ ọ́gọ́nọ ma nọnju sị kụ́nụ́ pulo ma pa ọ ḅụọ ọgọnọ sara.

³⁹ Farisiiḅọ ma mịma árị sáá, ọ warị ọ ḅụ ḅẹẹ, <<Ḅọ́rọ́ ḅẹẹ mị owitụ́wọ ma karakárá ikiakoroḅọ ọ ḅara pa ọ lamaarị ọ́rụ́ḅọ ma nimibẹm, ḅẹ́ árị sii tumḅọ.>>

⁴⁰ Jizọs pagharam ḅẹẹ, <> Ọ warị ọ ḅẹẹ, <>

⁴¹ Jizọs warị ḅẹẹ, <

⁴² Nna ḅụ gbẹ́rẹ́ḅọ sọ ine n ḅọ ọlọ sáá ma gbẹẹgha, ọ warị sáá ma wáriso nnị pịrị. Mịná mmẹapụ ma bie tụ́wọ ọ ḅẹlẹma baá bẹ?>>

⁴³ Saimọn warị pagharaa ḅẹẹ, <> Jizọs warị ọ ḅẹẹ, <<Ị karakáram.>>

44 Ọ warị pịghị ọ́rụ́ḅọ ma daa, warị Saimọn ḅẹẹ, <

⁴⁵ A ḅo sáá, ị i ḅologha sị i daá téréma, kụ́ma árị sághị a ḅo sa éné éné árị i ḅụọ nọnjum pịghị ị ḅụọ nọnju ḅarị.

⁴⁶ Ọmịnị pulo pa i sịbị saragha kụ́ma árị opuma kụ́nụ́ pulo pa i ḅụọ ọgọnọ saramam.

⁴⁷ A dugho ọ pịrịm ḅẹẹ a diepágháma maá ḅẹlẹma ma diearị ḅẹẹ árị tọgha sii ma ḅụ a siiḅụḅarasipịrị nyánámam. Nnị kálá siiḅụḅarasi pịrịḅọ kálá ḅara pa ḅẹ́lẹ́mam.>>

⁴⁸ Jizọs warị ọ́rụ́ḅọ ma ḅẹẹ, <<Ị́yẹ́ sii n ḅárási ị pịrịmam.>>

⁴⁹ Isiapụ ọnánaá nyẹ́fịarịapụ ịkasị ọ́gọ́nọ warị sághị jụghọ jụghọ ḅẹẹ, <>

⁵⁰ Kụ́ma Jizọs dugho ọ́rụ́ḅọ ma pịrịm ḅẹẹ, <<Ị́yẹ́ minini i ḅọ́rọ́mamam; diin na soo.>>