Ibi Oku Ma Jọn Anị Gịẹ Ḅara 6 - Ibani New Testament

Jizọs Oyi Mmẹẹ́ Ndẹ́ẹ Na Oyia Si Sibẹm

¹ Mịnanyẹ ma ḅọ́rọ́ sa, Jizọs Galili tọ́rụ ma saḅa koro jẹ́ posie aka múm (anịị Tiberios tọ́rụ ma).

² Tọgha túminị́ kpo pịghị o duam tegó nnị ori obiapụ ḅụ nwángị ḅụ́gbérépuma fịrị arịm.

³ Jizọs warị tụ́ndụ tándị sị anị ngá ori ọḅụduaapụ na kpọrọfịnị.

⁴ Juuapụ Saḅaḅọ́rọ́ Álálị ma kikiamam.

⁵ Jizọs tọ́rụ sághị ọgọnọ dighi sáá sị tọgha túminị́ kpo árị ọ damaḅoarị, ọ dugho Filipụ pịrịm, <>

⁶ Ọ mịma gbilam pa ọ daá dighi, ọ nimiwarịmam ọ tẹ́mẹ́bie ọ mịẹbẹnyẹ.

⁷ Filipụ ọ pagharam ḅẹẹ, <>

⁸ Ori ọḅụdua jụghọ, Anduru, Saimọn Pita numboru dughom,

⁹ <>

¹⁰ Jizọs dughom, <> Tọgha osuka anị ngá ma ḅụ imi, túminị́ ma pịghị kpọrọfịnịm túminị́ oyi mmẹẹ́ a ndẹ́ẹ na oyia si.

¹¹ Jizọs warị fịtúrú ma saghị akị, ịmịẹḅam pa Tamuno ḅẹẹ sị anị die pa kpọrọfịnịapụ mamgba pịrị n fị dọghụ ḅara. Anị ḅara ma anị ọ pịghị nji ma die ḅara.

¹² Nnị kị́nị́mamgba fị furo bima sáá, ori ọrẹ ọḅụduaapụ ḅẹm, <>

¹³ Nnị warị mpara mpara baali fịtúrú ma gbalam oyi mmẹẹ́ nkana bima anịị nnị fịkọma nyẹ ma ḅụ.

¹⁴ Túminị́ ma Jizọs nwángị ḅụ́gbérépuma fịrị árị sáá, n warị saghị dugho ḅẹẹ, <>

¹⁵ Jizọs nimi warị ḅara ma ḅẹẹ n kụ́rọ ḅara pa ámányánáḅọ pa ọ mịẹbẹm, ori ọ ḅụ si akịm sị sima tụ́ndụ ma tándịm.

Jizọs Mingi Ọgọnọ Nwángịm

¹⁶ Éné ḅupiri sáá, Jizọs ọḅụduaapụ teré tọ́rụ ma korom,

¹⁷ nnị árụ́ ḅụlọ ngá sị sima tọ́rụ ma sáḅá koro Kapanọm muu ngá. Mị́sa biri ma éné kánákánámam, Jizọs na pa ḅo n fịnịnga laagha.

¹⁸ Kụ́rọ fọ́rụ fiearị dinọngu warị tọ́rụ ma sọ.

¹⁹ Nnị ine árụ́ ma dọghụ tẹ́rẹ́ a maili na mpara láa sáá, n Jizọs arịm árụ́ ma dámáḅoarị mingi ma ọ́gọ́nọ nwángịarị, ḅáláfaa warị nna ḅụ sọọ.

²⁰ Kuma ori n ḅẹm, <<Ọ́ irị, ọ ḅáláfama.>>

²¹ Anịsáa anịị n tẹ́mẹ́ ḅoo diin nyẹ ḅẹẹ, ori árụ́ ma ḅụlọ anị gbẹ́rẹ́kiri árụ́ ma anị muarị kiri bịpị lam.

²² Jẹ́ éné ḅáa tọ́rụ́ ma na dama dama ngá ma ḅụ fịnị túminị́ kpo ma arịḅom ḅẹẹ gbẹ́rẹ́ árụ́ ngéré anịị anị ngá fịnịnyẹ. Nnị nimiḅom ḅẹẹ Jizọs na ori ọḅụduaapụ árụ́ ma ḅụlọgha, kụ́ma nnị nnị nnị ngéré sọm.

²³ Anịsáa jẹ́ jẹ́ árụ́ Tiberios ḅụ saghị dọ́ghusọm, Kị́nị́nyánáḅọ imiẹḅa ḅẹ́ fama sị fịtúrú pa túminị́ ma pịrị sị n fị anga ma na kikia ngá.

²⁴ Túminị́ kpo nimi ḅoo sáá ḅẹẹ Jizọs anịgha ori ọḅụduaapụ anị ngá imi, n sima árụ́ ma ḅụlọm sị so Kapanọm muu Jizọs dọghụarị.

Jizọs Anịị Duma Fịturu Ma

²⁵ Nnị o dọghụ pághámaḅo sáá isi párángáa tọ́rụ́ ma ḅụ, nnị o gbilam, <>

²⁶ Jizọs pagharam, <

27 Fịrịnwangị síi bẹ fị́nyẹ ma pịrịma kụ́ma fịrịnwangị fịnị muu gbámásó duma láa bẹnyẹ pịrị, Tumḅọ yii Tụwọ ma pa ọ pịrịbẹnyẹ, tegó ori ma anịị Tamuno Daḅọ ma ḅara pụnụ pịrịmaá ḅọ pa die ḅẹ́ ori anịị kụ́rọ pa ọ pịrịḅọ.>>

²⁸ Anịsáa nnị warị o gbíla, <>

²⁹ Jizọs pagharam, <>

³⁰ Nnị warị o gbíla, <

³¹ Wámịna tádọ́apụ mana pa sị fị́nyẹ ma fịm elesiri ḅụ; n gịẹ kóróma ḅara: >>

³² Jizọs dugho n pịrịm, <

33 Ḅẹẹ Tamuno fịtúrú ma anịị ori sobie sághị ḅoḅọ ma sị duma pa tuminikiri ma pịrị.>>

³⁴ Nnị warị ḅẹẹ, <>

³⁵ Jizọs warị anịsáa dugho nnị pịrịbẹ, <<Ịrị anịị duma fịtúrú ma. I damaḅoo ḅọ jẹ́ éné jẹ́ éné ḅuru n ḅo ḅábịgha, pịghị i ḅụ mininiḅọ gonyẹ́ gonyẹ́ jẹ́ éné jẹ́ éné n ḅọ pụghọ sámụ́nọbịgha.

³⁶ Kụ́ma a dugho ọ pịrị ḅara ma, ọ mịnị ị́yẹ́ árịmam anịsọ ọ pa mininigha.

³⁷ I Daá ma pa i pịrịnyẹ gonyẹ́ gonyẹ́ i dámáḅobẹm, i damaḅo ḅọ gonyẹ́ gonyẹ́ a pịghị jẹ́ éné jẹ́ éné n ḅo deebịgha.

³⁸ Ḅẹẹ a sobie kóróḅomam, irị binyẹ mịẹ ḅugha kụ́ma i fịrịmaḅọ ma binyẹ.

³⁹ Mịma anịị i fịrịmaḅọ ma pịghị binyẹ, ḅẹẹ ọ pa i pịrịmáapụ ma gonyẹ́ gonyẹ́ a gbẹ́rẹ́ḅọ sọ ḅuumama. Kụ́ma nnị saghịma duma bie sua kunema éné ma ḅụ.

⁴⁰ Ḅẹẹ Daḅọ ma binyẹ anịị tọ́rụ pa Tụ́wọ ma dighiḅọ gonyẹ́ gonyẹ́ sị ọ minini duma gbámásó nyánábẹm, a pịghị n ḅọ saghịmabẹm kunema éné ma ḅụ.>>

⁴¹ Mịma ḅụ ḅọ́rọ́ Juuapụ ma warị saghị gunugunu ọ pịrị tegó o dughom ḅẹẹ, <<Ịrị anịị sobie sághị ḅo duma fịtúrú ma.>>

⁴² N dughom, < >>

⁴³ Jizọs warị n pagharaa, <<Ọmịnị gụnụgụnụ ma ọmịna ogbobie.>>

⁴⁴ <

⁴⁵ Nnị gịẹ kórómam ikiakoroapụ diri ma bie ḅẹẹ, Daḅọ ma naaḅọ gonyẹ́ gonyẹ́ sị o ḅarabie nyẹ dáwọ i dámáḅobẹm.

⁴⁶ Gbẹ́rẹ́ḅọ sọ na Daḅọ ma arịgha, Tamuno ma ḅara saghị ḅoḅọ sima; ori ma ngéré anịị Daḅọ ma arịmáa ḅọ.

⁴⁷ A karakárányẹ ma dugho ọ pịrịm, mininiḅọ gonyẹ́ gonyẹ́ dúmagbámásó nyánam.

⁴⁸ Ịrị anịị dúma fịtúrú ma.

⁴⁹ Ọmịna tádọ́apụ manna pa sị fị́nyẹ ma fịm elesiri ḅụ, anịsọ n pa fịịm.

⁵⁰ Kụ́ma mịnga anịị sobie sághị kóróḅo fịtúrú ma, tumḅọ ine fị sị mịnị fịbịghaa.

⁵¹ Irị anị sobie sághị kóróḅo dúmafịnị fịtúrú ma. Mịị fịtúrú ma fị ḅọ gonyẹ́ gonyẹ́, duma gbámásóbẹm. Mịị fịtúrú ma anịị ị́yẹ́ ojumẹnị, a pịrị sị tuminikiri gbọrụ duma bẹnyẹ.>>

⁵² Anịsáa igani na opu nụná warị Juuapụ ma ogbobie kóró, <>

⁵³ Jizọs nnị ḅẹm, <

54 Ị́yẹ́ ojumẹnị pẹẹ́ ḅọ gonyẹ́ gonyẹ́ pịghị ị́yẹ́ ọmbịnyẹ́ ḅuu duma gbámásó nyánam, a pịghị n ḅọ saghịmabẹm kunema éné ma ḅụ.

⁵⁵ Ḅẹẹ ị́yẹ́ ojumẹnị ma anịị tụ́ma fị́nyẹ, ị́yẹ́ ọmbịnyẹ́ pịghị tụ́ma iru.

⁵⁶ Ị́yẹ́ ojumẹnị pẹẹ́ ḅọ gonyẹ́ gonyẹ́ pịghị ị́yẹ́ ọmbịnyẹ́ ḅuu iḅụbie fịnị fịnịm, irịsọ n ḅo ḅụbie fịnị.

⁵⁷ <

⁵⁸ Mịị sobie sághị kóróḅo fịtúrú ma. Ọmịna tádọ́apụ mana pa sị fị́nyẹ ma fịm sị fịị, kụ́ma mịị fịtúrú ma fị ḅọ duma gbámásóbẹm.>>

⁵⁹ Ọ mịma dughom ori nna kobiri yọ ma ḅụ nyẹ́diearị sáá Kapanọm ḅụ.

Tọgha Ọḅụduaapụ Jizọs Warịsom

⁶⁰ Nnị anị náa sáá, ori ọḅụdua tọghaapụ dughom ḅẹẹ, <>

⁶¹ O nimitẹ́lẹ́ma sáá ḅẹẹ ori ọḅụduaapụ gụ́nụ́gụ́nụ́arị anịgosi, Jizọs n ḅẹ́m, <

⁶² Tẹ́ nyẹ, ḅọ́rọ́ ọ Tumḅọ yii Tụ́wọ ma árị iwo ọ saghị ḅo angaá muarị!

⁶³ Tẹ́mẹ́ ma duma pịrịm; ojumẹnị ma sọnyẹ pịrịgha. A kọọ ọ pịrịmaá ẹ́gẹ́rẹ́ ma anịma anịị tẹ́mẹ́ nnị pịghị duma.

⁶⁴ Anịsọ, ọmịna ḅụ jẹ́apụ imim mininighaapụ.>> Ḅẹẹ Jizọs nimimam parị sáá éné éné nna ḅụ mininighaḅọ na pịghị ọ dẹrịfị bẹḅọ.

⁶⁵ Jizọs warị ẹ́gẹ́rẹ́ ma ḅarị, ḅẹẹ, <>

⁶⁶ Mị́sa sághị bịpị muu ori tọgha ọḅụduaapụ ọḅụdam sị mịnị o duagha.

⁶⁷ Jizọs warị ori oyi mmẹapụ findi ma gbíla, ọmịnị ma sọ, o so dọghụ?

⁶⁸ Saimọn Pita ọ pagharam, <

⁶⁹ Wa mininim pịghị nimi ḅẹẹ ịrị anị Tamuno Tọ́ntọ́ Tumḅọ ma.>>

⁷⁰ Anịsáa Jizọs warị pagharaa, <>

71 (O ḅẹ́arịḅọ anịị Judas, Saimọn Isịkarọtị tụwọ karakárányẹ ḅẹẹ ori oyi mmẹapụ findi ma ḅụ gbẹ́rẹ́ḅọ kunema ọ dẹrịfị bẹḅọ.)