Ibi Oku Ma Jọn Anị Gịẹ Ḅara 19 - Ibani New Testament

Nnị Fịị Ḅẹ́rẹ́pẹlẹm Ḅẹẹ Nnị Jizọs Ḅaupálị

¹ Anịsáa Paileti warị Jizọs ḅọ́rọ́ma ọ́mụ́gbiapụ ma pịrị ḅẹ́ nnị o fom.

² Ọ́mụ́gbiapụ ma warị nangi nangi nangi ogunu mịẹsị pa ọ sịbị sua, pịghị tọ́rụ sịrị áwụ́ bịtẹ bia ḅára bia áláápụ́ bịtẹ pa ọ sua.

³ Nnị warị tọgha sáá pa ọ dama mú dughoarị, <> Nnị warị ọ ḅụ́rọ́ ọ tórúku.

⁴ Paileti pịghị sima págháḅo Juuapụ ma damaḅom sị n ḅẹẹ, <>

⁵ Jizọs págháḅo sáá ori nangi nangi ogunu ma na tọ́rụ sịrị áwụ bịtẹ bia ḅara bia áláápụ́ bịtẹ ma suarị ori oju, Paileti dugho n pịrịm, <>

⁶ Igwagwaalaapụ ma na Tamunoopuwárị ma kúrúapụ ma ori árị gbẹ́rẹ́kirikiri, nnị ilúghum, <<Ọ ḅaupálị mgbẹsẹ sị́ ḅụ! Ọ ḅaupálị mgbẹsẹ sị́ ḅụ!>> Kụ́ma Paileti pagharam, <<Ọmịnị ori akị sị ọ ḅaupálị mgbẹsẹ sị́ ḅụ. Ịrị a gbẹ́rẹ́ siinyẹ sọ arịgha ọ ḅụ.>>

⁷ Juuapụ ma pagharam, <>

⁸ Paileti mịma náa sáá, ori ḅáláfa ḅo párị ḅara ma nẹngịm,

⁹ ọ warị pịghị sima áláwarị ma sọọ sị Jizọs gbíla, <> Kụ́ma Jizọs ọ pagharagha.

¹⁰ Paileti wárị ọ ḅẹẹ, <<Ịrị ẹ́gẹ́rẹ́kọọ i pịrịdoghugha? Ị nimigha ḅẹ́ a kụ́rọ nyánam ị wárịso ị so anịgha ị ḅaupálị mgbẹsẹ sị́ ḅụ?>>

¹¹ Jizọs pagharam, <<Ị kụ́rọ nyánábịgha ịḅụ ḅọ́rọ́ nnị anị pa ị pịrịgha sobie. Anịgo i saghị pa ị ḅarabie suaḅọ ma ori ngá sii dụḅa kị́nị́mamgba nyẹ nẹ́ngịbẹm.>>

¹² Anịsa ma ḅụ saghị bịpị muu Paileti asọ dọ́ghụm ọ ḅara warị Jizọs dụaḅọ́rọ́ma bẹ ḅara, kụ́ma Juuapụ ma ilúghú dughoarị ḅẹẹ, <>

¹³ Paileti mịná ẹ́gẹ́rẹ́ ma náa sáá, o Jizọs pághámá nụ́ngọ ḅom sị muu kpọrọfịnị ori ḅẹ́rẹ́kọ ịkasị ọgọ́nọ́ anịị nnị dapịrị pa mịẹ angaá (Hiburu ẹ́gẹ́rẹ́ ḅụ Gabata anịị nnị pa anị sị nyẹ.)

¹⁴ Anị éné ma anịị Sáḅáḅọ́rọ́ Álálị wiki ma tẹ́lẹ́ma éné, pịghị éné ogbo biri. Paileti wárị dugho Juuapụ ma pịrị, <>

¹⁵ Kụ́ma nnị ilúghum, <> Paileti gbilam, <> Igwagwaalaapụ ma pagharam, <>

16 Kunema Paileti Jizọs saghị n ḅarabie suam ḅẹ́ nnị ọ ḅaupálị mgbẹsẹ sị́ ḅụ. Ọ́mụ́gbiapụ ma wárị Jizọs akị so.

¹⁷ Ori ọrẹ mgbẹsẹ sị́ dighim pa pághá mú sịbị okporongbo pa sị angaá láa (Hiburu ẹ́gẹ́rẹ́ ḅụ goligota anịị n pa anị sị nyẹ.)

¹⁸ Mịnga anịị nnị ọ ḅaupálị nyẹ, ori na jẹ́ mmẹapụ na, gbẹ́rẹ́ḅọ amaḅara isiḅọ ẹ́rẹ́ḅara, Jizọs nna ogboku bie.

¹⁹ Paileti ábálálá gịẹm ọ pa mgbẹsẹ sị́ ọgọnọ ḅolo nyẹ. Anị dughom: jizọs nazarẹtị ḅụ saghị ḅooḅọ juuapụ ma ámányánáḅọ.

²⁰ Tọgha Juuapụ ọ gịẹnyẹ ma goom, tegó nnị Jizọs ḅaupálị angaá ma opu ama na kikiam, Hiburu, Latin na Giriki, bịpị anịị n pịghị pa anị gịẹnyẹ.

²¹ Juuapụ ma igwagwaalaapụ dugho Paileti pịrịm ḅẹẹ, <>

²² Paileti pagharam, <>

23 Ọ́mụ́gbiapụ ma Jizọs ḅaupálị sáá mgbẹsẹ sị́ ọgọnọ, nnị ori suaḅịtẹ́ akịm sị pa ínia ngaa die, gbẹ́rẹ́ḅọ gbẹ́rẹ́ angaá, bie fúrú angaá nyẹ ma ngéré wárị kọọ. Mịị suaḅịtẹ́ ma nnị anị gbigha nnị anị dorim sịbị ḅụ akị muu sughu láa.

²⁴ Ọ́mụ́gbiapụ ma dugho jụghọ jụghọ pịrịm, <> Mịma kiriakịm tọ́ndiri ma ḅo karakárányẹ sọ bẹ ḅara, dughonyẹ ḅẹẹ, <> Mịma anịị ọ́mụ́gbiapụ ma mịẹnyẹ.

²⁵ Ori mgbẹsẹ sị́ ma na kikia angaá anịị ọ nyingi na o nyingi mị́naḅọ ọ́rụ́ḅọ sẹ nyẹ, Meri Kiliyopasi táa na pịghị Meri Magdala ḅụ saghị ḅoḅọ.

²⁶ Jizọs o nyingi na ọ ḅẹlẹma ọḅụduaḅọ ma árị sáá anị ngá ma ḅụ kikiama sẹ́fịnịarị, o dugho o nyingi pịrịm, <>

²⁷ ọ pịghị ori ọḅụduaapụ ma ḅẹm, <<Ọ nyingiḅọ ḅara pa árị akị.>> Anịsáa ma ḅụ saghị tórúku muu, mịị ọḅụduaḅọ ma árị ákịị ọ warị múm.

²⁸ Anịsa ma ḅọ́rọ́ sáá, pịghị nimifama sáá ḅẹẹ nyẹ gonyẹ́ gonyẹ́ kárámam, tọ́ndiri ma ḅoo karakárányẹ sọ bẹ ḅara, Jizọs dughom, <>

²⁹ Anị ngá ma ḅụ viniga pa sị iru ojongo imi, nnị warị mingi ọlọ dii sapo pa anị bie taḅụ, wárị sapo ma pa hisopu pa sị sịị ḅụ gbánā sị anị akị pa ọ bịpị lama.

³⁰ Jizọs iru ma ḅuu sáá, ọ warị dugho ḅẹẹ, <> Ọ warị sịbị tughu sị ịnyọ bima.

³¹ Anị éné ma anịị tẹ́lẹ́ma éné ma, éné ḅáa anịị kịrị Ịnyọ́sárá Éné. Juuapụ dọghụgha gosi ḅẹẹ dua mgbẹsẹ sị́ ma ḅụ fịnị Ịnyọ́sárá Éné ma ḅụ, nnị Paileti ḅara bim ḅẹẹ ọ kị́nị́ wáriso sị nnị túminị́ ma ḅụọ anyịma sị dua ma sikóróma.

³² Ọ́mụ́gbiapụ ma wárị nnị Jizọs na ḅaupálị párịḅọ ma ḅụọ anyịma anịma ḅọ́rọ́ sáá ị siḅọ.

³³ Kụ́ma nnị ḅoo Jizọs fịnị angaá láa sáá sị árị ḅẹ́ ọ fịị ḅọ́rọ́mam, nnị ọ ḅụọ anyịmaghaa.

³⁴ Anịmanakaragha, ọ́mụ́gbiapụ ma ḅụ gbẹ́rẹ́ḅọ sụḅa pa Jizọs timim ori angásá, anị gbẹ́rẹ́kiri ọmbịnyẹ́ na mingi warị ọsụ pághá.

³⁵ Pághányẹ ma arị owitụ́wọ, ori árịnyẹ dugho pághámamam, ori dugho págháma nyẹ ma pịghị karakáram. O nimim ḅẹ́ ọ karakárányẹ ma dugho dughom, o dughom sị ịrị ma sọ minini bẹ ḅara.

³⁶ Mịnanyẹ ma kiriakịm tọ́ndiri ma karakárányẹ sọ bẹ ḅara dughonyẹ ḅẹẹ, <>

³⁷ jẹ́ tọ́ndiri pịghị dugho ḅara, <>

³⁸ Anịma ḅọ́rọ́ sáá, Josẹf Arimatiya ama ḅụ saghị ḅoḅọ Paileti ḅara dua ma bim. Mị́sa Josẹf ori ma anịị Jizọs ọḅụduaḅọ, kụ́ma o minigha sị kị́nị́ nimi Juuapụ ma ḅáláfa gosi. Paileti kụrọ pa ọ pịrịm ọ wárị Jizọs dua ma dighi si.

³⁹ Dii bie Jizọs dámámuu owitụ́wọ ma Nikodimọs Josẹf na múm. Nikodimọs pulo ákịm nnị maya na alos pa mịẹnyẹ sị nnị pa ori duakii, anị iku kilogramu sue inifindi.

⁴⁰ Nnị Jizọs dua ma sị kóróma sáá nnị mmẹapụ ma alo na kụ́nụ́ pulo ma pa anị fịna ikelema Juuapụ ma nyẹ́ mịẹmịẹ ḅara n dua tẹ́lẹ́ma dipi dọghụ sáá.

⁴¹ Nnị Jizọs ḅaupálị angaá ma ḅụ gbẹ́rẹ́ onu imii, anị bie gbẹ́rẹ́ ịwọ dupu imii n jẹ́ ene kị́nị́ kórómagha angaá.

⁴² Anị éné ma anịị Juuapụ tẹ́lẹ́ma éné ma gosi, dupu ma pịghị kikia ḅara ma nnị Jizọs dua ma ḅụlọlọmam anị bie.