Ibi Oku Ma Jọn Anị Gịẹ Ḅara 17 - Ibani New Testament

Jizọs Tẹ́ghẹ̄ Ọḅụ Pịrịm

¹ Jizọs mịnanyẹ ma dugho fama sáá, ọ tọ́rụ saghị so dam sị tẹ́ghẹ̄: <

² I tuminikiri fịnịapụ mamgba pa o sughubie suam sị ọ gbámásó duma pa ị pa ọ pịrịapụ mamgba pịrị.

³ Gbámásó duma ma nyáná bẹ ḅara, anịị ịnimii, ịrị ngéré karakárá Tamuno ma, na Jizọs Krais ị fịrịmaḅọ ma nimi.

⁴ A tuminikiri ị́yẹ́ ipine diepághámamam a ị pa i pịrị fịrị ma nwángị sị nwángị kárámá ḅara.

⁵ Anịgo mị́sa Daa, kuu pa i sọma ị tórúku, wa nyáná gboloma kuu ma tuminikiri ma na saghịgha sáá.

Jizọs Tẹ́ghẹ̄ Ori Ọḅụduaapụ Pịrịm

⁶ <

⁷ Mị́sa n nimim ḅẹ́ i pa i pịrịnyẹ mamgba dada ị ḅarabie saghịḅom.

⁸ I pa i pịrị ẹ́gẹ́rẹ ma a pa n pịrịm nnị pịghị anị daákịm. Nnị ibiḅara pa nimim ḅẹ́ a ị ḅara saghịḅom nnị pịghị mininim ḅẹẹ ịrị i fịrịmam.

⁹ A tẹ́ghẹ̄ nnị pịrịm. A tẹ́ghẹ̄ tuminikiri ma pịrịgha kụ́ma a tẹ́ghẹ̄ ị pa i pịrịmáapụ ma pịrịm, nnị ma ịnyee gosi.

¹⁰ A nyánáapụ ma gonyẹ́ gonyẹ́ ịnyee, ị pịghị nyánáapụ ma gonyẹ́ gonyẹ́ inyee. Nna ḅụ ḅọ́rọ́ ị́yẹ́ ipine anị ḅụ diepághámam.

¹¹ A mịnị tuminikiri ma ḅụ fịnịbịgha, kụ́ma nnị tuminikiri ma ḅụ imi. A ị damaḅoarị Tọ́ntọ́ Daa, ị́yẹ́ ẹrẹ ḅụ fịnị kụ́rọ ma pa nnị koko, ị pa i pịrị ẹrẹ ma nnị ma gbẹ́rẹ́nyẹ ḅụ fịnị, wamịnị ma sọ gbẹ́rẹ́nyẹ ḅụ fịnị ḅara.

¹² A nnị na fịnị sáá, a n koko wárim ị pa pịrị ị́yẹ́ ẹrẹ ma ḅụ. Gbẹ́rẹ́ḅọ sọ nna bie faghaa, nnị guluguluma tọ́ọ pịrịḅọ ma sima sị Tọ́ndiri ma dughonyẹ ḅoo kiriakịnyẹ sọ bẹ ḅara.

¹³ <

¹⁴ A ị́yẹ́ ẹ́gẹ́rẹ́ ma pa nnị pịrịmam tuminikiri ma warị n pa tarịgháapụ sọmam tegó nnị mịnị mịị tuminikiri bẹapugha, irịsọ mịnị mịị tuminikiri bẹ ḅọgha ḅara.

¹⁵ Ị́yẹ́ tẹ́ghẹ̄ a bigha ḅẹ́ ị́ n sịịakị tuminikiri ma ḅụ, kụ́ma ịrị nnị kokowarị sii tumḅọ ma ḅarabie.

¹⁶ Nnị mịị tuminikiri bẹapugha, irịsọ mịị tuminikiri bẹ ḅọgha ḅara.

¹⁷ Nnị fófóoma ị́yẹ́ fịrị ma pịrị karakáráma ḅụ ḅọ́rọ́; ị́yẹ́ ẹ́gẹ́rẹ́ ma anịị karakárá.

¹⁸ Ịrị i fịrịma tuminikiri ma ḅo ḅara anịị a n fịrịma tuminikiri ma ḅoo ḅara.

¹⁹ Nna sịbị go a ịḅụ fófóoma ị́yẹ́ fịrịma pịrịmam, nnị sọ ibiḅara pa nna ḅụ fófóoma ị́yẹ́ fịrị pịrịbẹ ḅara.

Jizọs Tẹ́ghẹ̄ Mininiapụ Mamgba Pịrịm

²⁰ <

21 Daa mịẹsị nnị kị́nị́mamgba gbẹ́rẹ́ ḅụ ḅụ fịnị, ịrị ibie fịnị ḅara, ịrị ma sọ ibie fịnị ḅara. Mịẹsị nnị wa bie fịnị, sị tuminikiri ma minini bẹ ḅara ḅẹ́ ịrị i fịrịmam.

²² Ị pa i pịrị ipine ma anịị a pa n pịrịnyẹ, ḅẹ́ n gbẹ́rẹ́ ḅụ ḅụ fịnị, wamịnị ma gbẹ́rẹ́ ḅụ ḅụ fịnị ḅara.

²³ Ịrị ibie fịnị ḅara ịrị ma sọ nna bie fịnịbẹm. Mịẹsị nnị ḅoo káara ḅara ḅụ gbẹ́rẹ́ ḅụ ḅụ fịnị bẹ ḅara sị tuminikiri ma nimi bẹ ḅara bẹ ịrị i fịrịmam pịghị n ḅẹlẹmamam ịrị i ḅẹlẹmamaa ḅara.

²⁴ <

²⁵ <

²⁶ A i pa n diemam, a pịghị pa n diema diema mubẹm sị ị nyáná i pịrị ḅẹlẹma ma nna bie fịnị bẹ ḅara, ịrị ma sọ nna bie fịnị bẹ ḅara.>>