Ibi Oku Ma Jọn Anị Gịẹ Ḅara 15 - Ibani New Testament

Jizọs Anị Karakárá Grepụ Árị́dii Ma

¹ <

² Ịḅụ fịnị sịịmgbọ́lụ suagha sị ḅara gonyẹ́ gonyẹ́ ori anị pẹlẹsibẹm, sịịmgbọlụ sua sị ḅara gonyẹ́ gonyẹ́ ori anị pẹlẹ gbulumabẹm sị anị jẹ́ jẹ́ mgbọ́lụ sua bẹ ḅara.

³ Ọ fíafía somam a kọọ ọ pịrịmaá ẹ́gẹ́rẹ́ ma gosi.

⁴ Ọmịnị iḅụbie fịnị, ịrị ma sọ ọmịna ḅụbie fịnị. Anị ḅụ ngéré mgbọ́lụ sua bẹ sị ḅara ofori; anị grepụ árị́dii ma ḅụ fịnịgha fịnịgha. Anị gbẹ́rẹ́ ḅara ma ọmịnị ine sịịmgbọlụ suabịgha ọ ḅọ́rọ́ iḅụbie fịnịgha.

⁵ <

⁶ Iḅụbie fịnịgha ḅọ gonyẹ́ gonyẹ́, nḅọ fịnị ḅara anịị n gbii ḅuuma sị saghị sámụ́nọ́arị sị ḅara; ọkọfịnị sị ḅara n saghị fịnịbie gbi sua sị anị dọ́ghụm.

⁷ Ọ ḅọ́rọ́ iḅụbie fịnị ị́yẹ́ ẹ́gẹ́rẹ́ ma sọ ọmịna ḅụbie fịnị, ọmịnị ọ dọghụnyẹ gonyẹ́ gonyẹ́ bibẹm nnị pịghị anị pa ọ pịrịbẹm.

⁸ Mịị ḅara anịị boma ḅọ́rọ́ ḅo Daḅọ ma pịrịarị ḅara ḅẹ́ ọmịnị opuma sịịmgbọlụ suam, pịghị ọ ḅụ die ḅẹẹ ọmịnị ị́yẹ́ ọḅụduaapụ.

⁹ <

¹⁰ Ọ ḅọ́rọ́ ị́yẹ́ ologho ma koko koko, ọmịnị ị́yẹ́ ḅẹlẹma ḅụ fịnịbẹm, ịrị ma sọ Daḅọ ma ologho koko sị ori ḅẹlẹma ḅụ fịnị ḅara.

¹¹ A mịma dugho ọ pịrịmam sị iyẹ bieḅẹlẹ ọmịna bie fịnị bẹ ḅara, ọmịna bieḅẹlẹ pịghị bifụfụụ́.

¹² Mịị anịị ị́yẹ́ ologho: ọ jụghọ jụghọ ḅẹlẹma a ọ ḅẹ́lẹ́mamaá ḅara.

¹³ Mịma nẹ́ngịma ḅẹlẹma nyánáḅọ ofori, ḅẹẹ ori ọrẹ duma kóróma ori nángwọ́apụ pịrịm.

¹⁴ Ọmịnị anịị ị́yẹ́ nángwọ́apụ ọ ḅọ́rọ́ ị́yẹ́ ologho ma kokom.

¹⁵ A mịnị fịrịnwangịapụ pa ọ sịgha, tegó fịrịnwangịapụ nimigha amịna nyánáḅọ mịẹarịnyẹ. Anịmanakaragha a nángwọ́apụ pa ọ sịmam, tegó i Daá ma ḅara a dawọḅo nyẹ mangba a pa o diemam.

¹⁶ Ọ mịnị i sẹlẹakịgha, kụ́ma ịrị ọ sẹ́lẹ́akịm sị tọ́ọ ọ pịrị ḅẹ́ o muu sịịmgbọlụ sua, anịị fịnị bẹ sịịmgbọlụ. Anịsáa ọ Daḅọ ma ḅara binyẹ binyẹ gonyẹ́ gonyẹ́ iyẹ ẹrẹ ḅụ, ori anị pa ọ pịrịbẹm.

¹⁷ Mịị ị́yẹ́ ologho: ọ jụghọ jụghọ ḅẹlẹma.

Tuminikiriapụ Jizọs Ọḅụduaapụ Tarịgha

¹⁸ <<Ḅọ́rọ́ tuminikiriapụ ma ọ tarịgha, o biekóróma ḅẹ́ nnị parị tarịghaḅọ pa i mịẹm.

¹⁹ Ọ mịnị ḅọ́rọ́ tuminikiriapụ ma ḅụ gbẹ́rẹ́ḅọ, nnị ọ ḅẹ́lẹ́mabẹm nna ḅụ ḅọ ḅara. Anị fịnị ḅara ọmịnị tuminikiri ma ḅụ gbẹ́rẹ́apụgha, kụ́ma tuminikiri ma bie a o sẹ́lẹ́akị pághámá ḅom. Anịị tuminikiri ma go ọ tarịgha nyẹ.

²⁰ Ọmịnị a kọọ ọ pịrị ẹ́gẹ́rẹ ma pa biekóróma: dughonyẹ ḅẹ́, Nnị ḅọ́rọ́ i pa tọ́rụ́siarịma siarịma, nní pịghị ọmịnị sọ pa tọ́rụ́siarịmabẹm. Nnị ḅọ́rọ́ iyẹ dienyẹ ma pughu pughu, nnị pịghị ọmịna dienyẹ ma pughubẹm.

²¹ Mịị ḅara ma anịị n pa ọ mịẹbẹnyẹ ị́yẹ́ ẹrẹ ma gosi, tegó nnị i fịrịma ḅọ ma nimigha.

²² A ḅọ́rọ́ ḅo ẹ́gẹ́rẹ kọọ n pịrịgha, siiamịẹnyẹ ḅẹrẹ nna ḅara sibịgha. Mị́sa anị fịnị ḅara ma n pa ḅara ọlọ bẹnyẹ ofori nna sii ḅụ.

²³ I nana tarịghaḅọ pịghị i Daa ma na tarịgha.

²⁴ Nnị ólóghó kóróapụ sọbịgha a ḅọ́rọ́ nna ogboku bie mịẹgha jụghọ jẹ́ éné na mịẹgha nyẹ: anị fịnị ḅara ma, nnị mịná tọgha ḅụ́gbérépuma nyẹ ma árịmam a mịẹnyẹ n warị ịrị na i Daa ma na tarịgha ḅụ suu.

²⁵ Kụ́ma mịma kiriakị nyánam nna ologho diri ḅụ n gịẹnyẹ ma ḅo karakárányẹ sọ bẹ ḅara ḅẹẹ,

²⁶ <<Ḅárásuaḅọ ma ḅo sáá, a pa ọ fịrịma bẹḅọ Daḅọ ma ḅara, tụ́manyẹ pa túminị́ diearị Tẹ́mẹ́, Daḅọ ma ḅara saghị ḅooḅọ, ori ma igbọloma nyẹ dugho pághámabẹm.

²⁷ Ọmịnị sọ i gbolomanyẹ dugho pághámabẹm tegó ọmịnị ma ịrị na imi sughu saghị éné.