Hiburuapụ 3 - Ibani New Testament

Jizọs Mosis Nẹngịm

¹ Anịgo ị́yẹ́ tọ́ntọ́ mịnaapụ, Tamuno pịghị ọ ḅara na sịapụ, o Jizọs gboloma kóróma ngéré nyáná nnị nfịrịmaḅọ pa sịḅọ pịghị Tamuno igwagwaá áláḅọ.

² Ọ sẹ́ kụ́rọ Tamuno pịrịm, ọ sẹlẹakịḅọ ḅẹ́ ọ mị fịrị ma nwángịị, Mosis sọ sẹ kụ́rọ ḅara Tamunowarị ma bie.

³ Kụ́ma Jizọs dụḅaḅá kuu nyáná Mosis nẹngịm, wárị namaḅọ ma dụḅaḅá kuu nyáná wárị ma nẹ́ngị ḅara.

⁴ Wárị gonyẹ́ gonyẹ́ tumḅọ anịị anị nama nama ḅọ. Kụ́ma Tamuno anịị nyẹ gonyẹ́ gonyẹ́ namaḅọ

⁵ Mosis Tamuno fịrịnwangịḅọ ḅara, ọ sẹ́ kụrọm Tamuno wárị ma bie ọ pịghị dugho túminị́ ma pịrịm Tamuno tórúku dugho ḅẹnyẹ gbolomanyẹ.

⁶ Kụ́ma Krais Tamuno Tụ́wọ, ọ sẹ kụrọm Tamuno wárị ma bie, ori anịị sịbịdáḅọ, wamịnị anịị wárị ma, wa ḅọ́rọ́ wámịna biekpọ na tẹ́mẹ́kụ́rọ ọlọsẹma nḅẹḅẹ́, wa pa ine bịpịkpọ ḅẹnyẹ.

Birinụ́nụ́ Mininigha Go

⁷ Anịgo Tọ́ntọ́ Tẹ́mẹ́ ma dugho ḅara ḅẹ́: <

⁸ Ọ kụ́rọ kúkúbie suama ọ kụ́rọ kúkúbie sua ḅara ọ Tamuno bịpị pughughaa sa, ọmịna daádighi sa elesiri ma ḅụ.

⁹ Anị angaá ọmịna tádọ́apụ ḅara pa i tọ́rụ́ tọmam, nnị i daádighim nnị amịẹnyẹ mamgba árị sọ kụ́rá mmẹsi findi ma ḅụ.

¹⁰ Anịị a goo anị ḅụ́ọ́apụ ma dighi igani nyẹ, sị ḅẹ́,

¹¹ Anịgo a ọḅọọ fịịm ị́yẹ́ igani ḅụ ḅẹ́, >>

¹² I jẹa mininiapụ, ọ ḅụ ẹḅịị sị ọmịna bie gbẹ́rẹ́ḅọ sọ mininigha sị kúkúbie nyánábịgha ḅara sị n ḅọ ọḅụ pa dumafịnị Tamuno ma gbiibiegha ḅara.

¹³ Anịmanakaragha ọmịnị ịnyọ pa jụghọ jụghọ ḅụ sua éné gbọrụ. Anịị nnị pa <> sị nyẹ gonyẹ́ gonyẹ́ sị sii oḅori pa kị́nị́ sị mịẹbịgha ḅara sị wa kụ́rọ kúkúbie sua.

¹⁴ Wa ḅo Krais bie diekiri nyánámam, wa ḅọ́rọ́ wámịna tarị minini ma ọlọ kụrọma mú kunema ma láa.

¹⁵ Mịị anị Tọ́ndiri ma dughonyẹ: <>

¹⁶ Tẹ́apụ Tamuno ẹ́gẹ́rẹ́ ma náa, sị mịnị anị pughugha? Mosis Ijipiti bie taa págháapụ ma, n niigha?

¹⁷ Tẹ́apụ kụ́rá mmẹsi pa Tamuno iganima? Siinyẹ mịẹsị fịịapụmagha elesiri ma ḅụ?

¹⁸ Tamuno ọ tẹ́apụ ḅẹ́ ḅẹẹ nnị jẹ́ éné jẹ́ éné ọrẹ ịnyọ́sárá yọ sọbịgha osigha pa ọ pịrịghaapụ ma nnigha?

¹⁹ Anịgo, wamịnị arịm ḅẹẹ nnị ine ori ịnyọ́sárá sọgha n minini nyanagha gosi.