Hiburuapụ 10 - Ibani New Testament

Krais Igwagwaá Gbẹ́rẹ́sa Ákị Mú Kunema Láa

¹ Mosis ólóghó ma anị ḅoarị nyẹ ma tẹ́mẹ́ kịkam mị nyẹ ma ibinyẹ ma anịgha, tegó anị ine túminị́ duaḅọ́rọ́magha nna sii ḅụ. Kụ́rá gonyẹ́ gonyẹ́ ḅụ n gwarị igwaa ma anị pịghị ine Tamuno damaḅoapụ ma mịẹ fịafịamagha.

² Ḅọ́rọ́ Tamuno tẹ́ghẹ̄arịapụ ma nnị n sịrị simam nna sii ḅụ sii mịnị ḅẹ́rẹ́si pa n pịrịbịgha, igwagwaá ma so kunemabẹm.

³ Anị fịnị ḅara, kụ́rá kụ́rá igwaa ma mịẹsị túminị́ nna sii pa biekórómáarị.

⁴ Nambulo na oḅori ọmbịnyẹ́ jẹ́ éné jẹ́ éné ine sii sịrị sibịgha.

⁵ Mịma go Krais tuminikiri ḅo dọghụ sáá, o dugho Tamuno pịrịm ḅẹẹ, <<Ịrị igwagwaá na agbā mịẹbịgha tụ́ma ịrị ojumẹnị tẹ́lẹ́ma i pịrịmam.

⁶ Nnị dọ́ghụ́ma igwaa ịḅụ ḅẹlẹgha anịgha sii sịrị si bẹ igwaa.

⁷ Anịsáa, a warị ḅẹẹ, >>

⁸ Parị o dughom ḅẹẹ, <<Ịḅụ ḅẹlẹgha, I pighi igwaa na agbā mịẹ anịgha n dọ́ghụ́ma igwaa na pịghị sii sịrị si bẹ igwaa ḅẹlẹmagha. Ọ mịma dughom nimitẹ́lẹ́ma bẹ́ mị igwaa ma nnị anị gwam ólóghó ma bie anị fịnị ḅara.>>

⁹ Anịsa ọ warị ḅẹ, <> Tamuno warị olom igwaa ma kaasi, sị Krais gwaa igwaa ma pa nna kiriakị.

¹⁰ Jizọs Krais Tamuno o ḅara binyẹ mịẹm gosi wámịna sii ḅụ, n wa sịrị simam, ori ọḅụ pa gwaa igwaa gbẹ́rẹ́sa, sámámgba pịrị.

¹¹ Juuapụ igwagwaḅọ gonyẹ́ gonyẹ́ ọrẹ fịrịnwangị nwángịm éné mamgba sị pịghị gbẹ́rẹ́ igwa ma gwaa tọgha tọgha sáá ḅụ kụ́ma mịná igwaa ma sii sịrị siigha.

¹² Krais gbẹ́rẹ́ igwagwaá sii gonyẹ́ gonyẹ́ pịrịm, kụrọ sẹ mú ḅẹ sa ḅẹ sa la, anịsa ọ warị kpọrọfịnị Tamuno ma ámáḅara angaá.

¹³ Anị angaá ọ warị saghị kúru sị Tamuno ọrẹ a iruonaapụ pa ọri ḅụọ gbananyẹ mịẹ.

¹⁴ Gbẹ́rẹ́ igwa ma anịị o pa nnị mịẹ fiafiama mú gbámásó la nyẹ n sii sịrịsiapụ nna ḅụ.

¹⁵ Tọ́ntọ́ Tẹ́mẹ́ ma pịghị ọri onyẹ́sẹ wa pịrịarị parị ọ ḅẹ́m ḅẹẹ,

¹⁶ <>

¹⁷ Ọ warị pịghị ḅẹ́, <>.

18 Nnị siiḅụḅárási mịnaapụ ma pịrịmaá sáá tumḅọ mịnị siiḅụḅarasipịrị igwaa bibieghaa.

Wa Sọma Tamuno Damaḅoo

¹⁹ Anịgo, ịyẹa mịnaapụ wamịnị mị́sa ine Opu Tọ́ntọ́ḅa Yọ ma sọmubẹm Jizọs fịị ma gosi, bẹnyẹ bẹnyẹ wamịnị ọ́lọ́gha pa.

²⁰ Ori ịwọ asọ findi wa pịrịm, dumafịnị asọ, ḅụpọgbe bịtẹ ma ḅụ ḅọ́rọ́, anịị ori ojumẹnị.

²¹ Wamịnị opu igwagwaḅọ nyánam Tamuno wárị ma bie sịbịdaḅọ.

²² Anịgo wa ibi kúkúbie na karakárá minini pa sọma Tamuno fịnị angaá ḅo, pịghị nnị ibima sịrị maá ḅẹ́rẹ́ḅarasi kúkúbie na pịghị n fíafía mingi pa sịrịmaa oju.

²³ Wa ibiḅara pa wa dugho págháma tọ́rụ́ dighinyẹ ma ọlọ, wa nimi sa ḅẹẹ Tamuno ọ minini nyẹ ọ mịẹbẹm.

²⁴ Wa jụghọ jụghọ bala pịghị ḅárásua jụghọ jụghọ pịrị, ḅẹlẹma diepágháma pịghị ibinyẹ mịẹ.

²⁵ Wamịnị wámịna kobiri ma pa ọḅụ gbima, jẹ́apụ mị́sa mịẹarị ḅara, kụ́ma anị ibim ḅẹ́ wa jụghọ jụghọ mịẹ kụrọma tẹ́lẹ́ma, wa nimi sa ḅẹẹ Kị́nị́nyánáḅọ ma éné kịkịaarị.

²⁶ Sii siri si bẹ́ igwaa mịnị oforibịgha, wa karakárá ma nimifama sa, wa warị pa biri inighima sị siinyẹ mịẹarị.

²⁷ Tụ́ma kọnyẹ́, mamgba wa ḅáláfa ḅụ ḅoarị ḅẹ́rẹ́kọ siri ma pịghị Tamuno osighaapụ dọ́ghụ́ma bẹ gbagba kọrịfịnị ma kúru.

²⁸ Mosis ólóghó ma kóró ḅo gonyẹ́ gonyẹ́ nnị mmẹapụ na tẹ́rẹ́ onyésẹapụ nyáná nyáná n ḅẹ́rẹ́pẹlẹm n sịbị sị n timiḅá tọ́rụ́kụrụkụ́rụ́ nyanagha ḅara.

²⁹ Anị tọ́rọ fịnị n pịrịbẹ, Tamuno Tụ́wọ ma dighisima ḅọ? Si ori ọmbịnyẹ́ ọḅọọ ma pa papanyẹ mịẹ, sii ḅụ n siri pághámaḅo nyẹ, tọ́rụ́kụrụkụ́rụ́ Tẹ́mẹ́ ma wiri ḅọ. Sịbịbie kịẹ anị pịrị n ḅo árị bẹ tọ́rụ́siarị la bẹ ḅara.

³⁰ Wa kọkọ nimi dugho ḅo, <> pighi ḅẹẹ ḅo ḅẹẹ, <>

³¹ Mịị opu ḅáláfama nyẹ ḅẹ́ tumḅọ bịghị dumafịnị Tamuno ma ḅarabie sọ.

³² Biekóróma, parị anị ọ́ nana fịnị ḅara, anịsáa ma ḅụ Tamuno baá bia ḅo o láa sáá, o tọgha tọ́rụ́siarị arịm, kụ́ma mịnanyẹ mamgba o fughugbigha.

³³ Jẹ́ sáá imi, ámáogbo anịị nnị o wiri sị pịghị ọmịnị mbasị, jẹ́ sáá ọ pịghị ọ ḅụ pa nwọfịnị sii árịarịapụ ma na gbolomam.

³⁴ Ọ pịghị ikólinaapụ dua tọ́rụ́siarịm nnị pịghị ọmịna ngọ kaakị sa, ọ pịghị bieḅẹlẹ ḅara pa ọmịna faá ma akịm, tegó o nimim ḅẹ́, ọmịna nyẹ ma nẹ́ngị nyẹ nyánam, pịghị fịnị mú gbámásó láa ḅẹnyẹ.

³⁵ Ọ mịnị ọmịna biekpọma pa ngúmá ma tegó anị opu gbẹ́nyẹ pa ḅo ḅom.

³⁶ Í ingịrịma nyáná na ibim, si ị ine Tamuno tọ́nyẹ mịẹbẹ ḅara, si o minini nyẹ mamgba nyánáḅoo.

³⁷ Tọ́ndiri ma dugho ḅara ḅụ ḅẹẹ, <

³⁸ Ị́yẹ́ karakárá ibiamịẹnyẹ túminị́ minini pa dumabẹm, kụ́ma ḅọ́rọ́ ọḅụda ḅọ fịnịfịnị i tẹ́mẹ́ n ḅo dighi ḅẹlẹbịgha.>>

³⁹ Wamịnị pịghị ọḅụdada sị mú faá bẹ apụgha, tụ́ma wa minini nyánam si dụaḅọ́rọ́ma nyánáḅoo.