Hiburuapụ 1 - Ibani New Testament

Tamuno Ọ Tụwọ Ḅụ Ḅọ́rọ́ Ẹ́gẹ́rẹ́ Kọm

¹ Ḅọ́rọ́maa saa Tamuno tọgha sáá ḅụ ẹ́gẹ́rẹ́kọọ wámịna tádọ́apụ pịrịm ọrẹ ikiakoroapụ ḅụ ḅọ́rọ́ pịghị tọ́rụ́kịrịkị́rị́ asọ ḅụ.

² Kụ́ma mị kunema éné ma, ori ọ Tụ́wọ ḅụ ḅọ́rọ́ ẹ́gẹ́rẹ́kọọ wa pịrịmam. Ori anị ọ tọ́ọ ḅọ nyẹ gonyẹ́ gonyẹ́ nyánáákịbẹḅọ. Ọ ḅụ ḅọ́rọ́ anịị o so na kiri na tẹ́mẹ́nyẹ.

³ Tụwọ ma anịị Tamuno ipine ma bia ḅára diepághámaarịḅọ, Ọ Tamuno na kịkam asọ gonyẹ́ gonyẹ́ ḅụ, ọ pịghị ori kụ́rọ nyáná ẹ́gẹ́rẹ́ pa so na kiri ma dighi sẹ́mam, ọ wámịna sii sịrị si faá ma sáá, ọ kpọrọfịnịm Tamuno ámáḅara angaá, kụrọmamgba nyánáḅọ sobie.

Tụwọ Dụḅaḅá Sookumuapụ Ma Nẹngịm

⁴ Tụwọ ma dụḅaḅá sookumuapụ ma nẹngịm, tegó Tamuno ma pa o sị ẹrẹ, Tụwọ, dụḅaḅá nna ngá ẹ́rẹ́ nẹ́ngị ḅara.

⁵ Tamuno na jẹ́ éné sookumuapụ ma ḅụ gbẹ́rẹ́ḅọ ḅẹgha ḅẹ́, <<Ịrị i Tụwọ; mịmgba a Daa sọ ị pịrịmam.>> Anị gbẹ́rẹ́ ḅara ma Tamuno na jẹ́ éné jẹ́ éné sookumuapụ ma gboloma ḅara ḅụ, gbẹ́rẹ́ḅọ so ḅẹgha ḅẹ́, <>?

6 Kụ́ma Tamuno ori tarị yii Tụwọ fịrịma tuminikiri ḅoo dọghụ sa, o dughom ḅẹẹ, <

⁷ Kụ́ma sookumuapụ ma gbolomanyẹ Tamuno ḅẹm, <>

⁸ Kụ́ma ọ Tụwọ gbolomanyẹ Tamuno ḅẹm, <

⁹ I karakárá ibiamịẹnyẹ ḅẹ́lẹ́mam, kụ́ma irima nyẹ ma ị́ ḅẹlẹmagha. Anịma go anịị Tamuno, ị́yẹ́ Tamuno, i dighi sóghólóma ị jẹ́apụ nẹngịmam, o bieḅẹlẹ dighiarị pulo pa ị sịbị sara ḅara.>>

¹⁰ O pịghị ḅẹm, <<Ịrị Kị́nị́nyánáḅọ, súghú saghị sa, súghúise tuminikiri ma pịrịm, ị pịghị ị ḅara na so ma tẹmẹm.

¹¹ Nnị ẹmẹẹ́fafámabẹm, Kụ́ma ịrị ị fịnịbẹm; Nnị bịtẹ olom ḅara pa olombẹm.

¹² I bịtẹ ikoḅára ma pa nnị ikobẹm; bịtẹ ḅara ma nnị dimabẹm. Sámámgba ị fịnị ḅára anịị ị fịnịnyẹ. Ị́yẹ́ duma kunema nyanagha.>>

¹³ Tamuno jéné na ọrẹ sookumuapụ ma ḅụ gbẹ́rẹ́ḅọ ḅẹgha, <>?

¹⁴ Anịsa sookumuapụ ma, nnị ọ tẹ́apụ? Sookumuapụ ma nnị anịị fịrịnwangị Tamuno pịrịarị tẹ́mẹ́, ọ fịrịma sị nnị ḅo fịrịnwangị dụaḅọ́rọ́ma nyánábeapụ pịrị.