Fịrị Ḅara 3 - Ibani New Testament

Ikúlé Nyẹ́biḅọ Gwọm

¹ Gbẹ́rẹ́ éné Pita na Jọn na Tamunoopuwarị múm sị n muu tẹ́ghẹ̄ tẹ́rẹ́ énékịẹnyẹ ḅụ éné ḅa, anịị tẹ́ghẹ̄ tẹ́ghẹ̄ sáá ma ḅụ.

² Anị ngaa Fíafía opu ḅụ́pọ́ ma ḅụ, nnị anị sị sị ḅara, gbẹ́rẹ́ owitụ́wọ imii ikúléḅọ saghị nnị oyi sa ene ene. Éné gbọ́rụ́ gbọ́rụ́ nnị o dighi anị ngaa mú muum sị o mú nyẹ́bi Tamunoopuwarị ma muarịapụ ḅara.

³ O ḅo Pita na Jọn na árị sáá Tamunoopuwárị bie ma soarị, ọ warị bii ḅẹẹ nnị nyẹ́doghu ọ pịrịị.

⁴ Pita warị dadaa tọ́rụ́ pa ọ ḅụ gbánā Jọn sọ tọ́rụ́ pa ọ ḅụ gbánā ḅara, Pita warị ḅẹẹ, <>

⁵ Ọ warị nnị dighi, kúruarị ḅẹẹ ori nna ḅárábie nyẹ nyánáḅobẹm.

⁶ Kụ́ma Pita warị ọ ḅẹẹ, <>

⁷ Ọ warị ḅara pa ori amaḅara ḅụ ori ọlọ sị ḅárásua ọ pịrị sị ọ saghị. Anị gbẹ́rẹ́kiri ọ ḅụọ na ọ ḅara na ḅo ịnyọ nyanam.

⁸ Ọ warị dosi sị ọ ḅụọ ḅụ sẹ, warị sághị nwángị ikelekelé. Anịsáa ọ warị nnị na Tamuoopuwarị ma sọọ, nwángịarị dosiarị sị boma pa Tamuno pịrịarị.

⁹ Anị ngaa fịnịapụ ma ori arịm nwángịarị sị boma pa Tamuno pịrịarị.

¹⁰ Nnị ḅoo o lighilighiḅo sáá ḅẹẹ ori anịị Fíafía opu ḅụ́pọ́ ma ḅụ fịnịfịnị nyẹ́bibiḅọ ma, nyẹ́ma n tọ́rụ́nẹ́ngim mị owitụ́wọ ma ḅụ pághányẹ.

Pita Oku Tamunoopuwarị Ma Bie

¹¹ Owitụ́wọ ma pa Pita na Jọn na ọlọ sẹ́ma sáá Solomọn bie ma ḅụ, nnị ḅọ́rọ́maa sáá anị sị ḅara, túminị́ ma árịnyẹ n tọ́rụ́nẹ́ngim, nnị warị mangị n damaḅo.

¹² Pita túminị́ ma árị sáá, ori n ḅẹẹm, <

¹³ Wámịna Ebraham Aizik na Jekọpụ Tamuno wámịna tádọ́apụ Tamuno ori ipine pa ori fịrịnwangịḅọ Jizọs pịrịmam, kụ́ma ọmịnị ọ ḅọ́rọ́ma sịbịdáapụ ma pịrịm, ọ warị ọ sịghịị Paileti tórúku, Paileti pịghị tọ́ḅọ́rọ́ma maá ḅara ḅẹẹ ori ọ wárịsóbẹm ọ sọọ.

¹⁴ Ori tọ́ntọ́ ibi tumḅọ, kụ́ma ọmịnị ọ sịghịịm, tụ́ma bii ḅẹẹ nnị kị́nị́ ḅáḅọ́ wáriso ọ pịrịị.

¹⁵ Ọ duma nyánáḅọ ma ḅám, kụ́ma Tamuno ọ sị saghịm fịị ḅụ, wamịnị sọ onyẹsẹ́ mịma pịrịm.

¹⁶ Ori ẹ́rẹ́ ḅụ fịnị kụrọ anị ịnyọ pa mịị ikúléḅọ ma pịrịnyẹ, Mị́sa ọmịnị árị nimi si pịghị mịẹnyẹ ma, ọ́ minini nyáná ori ẹ́rẹ́ ḅụ; minini Jizọs ẹ́rẹ́ ḅụ anịị mị owitụ́wọ ma gwọ́nyẹ ọmịnị mamgba pịghị árị ḅara.

¹⁷ <

¹⁸ Ḅọlọmaa sa Tamuno ori ikiakoroapụ mamgba ḅụ ḅọ́rọ́ dugho pághámamam ḅẹẹ, ori n Pulo pa Sịbị Saraḅọ tọ́rụ́siarịbẹm, o mịẹm sị anị ḅo karakárányẹ sọọ mị ḅara.

¹⁹ O sii ḅụ pịghị sị, Tamuno damaḅo sị ori ọmịna sii ḅụ ḅárási ọ pịrị.

²⁰ Ọmịnị ọkọ mịẹmịẹ tẹ́mẹ́ju ịnyọ saghị ḅobẹm Kị́nị́nyánáḅọ toruku, anị sáá, ọ́ Jizọs nnị Pulo pa Sịbị Saraḅọ ma fịrịmabẹm ọ sẹlẹakị ọ pịrịmaá ḅọ.

²¹ O sobie fịnịbẹm sị nnị nyẹ gonyẹ́ gonyẹ́ mịẹsị anị ịwọ sa láa, Tamuno ori tọ́ntọ́ ikiakoroapụ ḅụ ḅọ́rọ́ dugho págháma ma ḅara ḅọlọ sáá éné éné.

²² Mosis ḅẹẹm ḅẹẹ, <Ọmịna Nyáná Tamuno ikiakoroḅọ pa ọ fịrịmabẹm ori i fịrịma ḅara ori sọ pịghị ọmịna ḅụ gbẹ́rẹ́ḅobẹm, ọ mịnị ọ dugho ọ pịrịnyẹ gonyẹ́ gonyẹ́ ḅẹẹ ọ́ mịẹ ọmịnị anị mịẹ.

²³ Anị ikiakoroḅọ ma osighaḅo gonyẹ́ gonyẹ́ nnị n ḅọ foofomabẹm Tamuno túminị́ fịnịanga sị pịghị n guluguluma.>

²⁴ <

²⁵ Tamuno ori ikiakoroapụ ḅụ ḅọ́rọ́ o minini ọ pịrịnyẹ ma anị fịnị ọ pịrịm ọ pịghị diekiri Nyáná Tamuno ọmịna tádọ́apụ na fị ọ ḅoo ḅụ. O dugho Ebraham pịrị ḅara, <Ị furobie págháḅoapụ ḅụ ḅọ́rọ́ a tuminikiriapụ mamgba karịibimabẹm.>

²⁶ Ọ pịghị Ebraham ḅẹẹ, i furobie págháḅo bẹ awọ ḅụ ḅọ́rọ́, a tuminikiri gbọrụ karịibimabẹm.>> [

²⁷ Anịgosi Tamuno ori fịrịnwangịḅọ sẹ́lẹ́akịm warị parị ọ pa fịrịma, sị ori ọ karịibima sị mịẹsị ọmịnị kị́nị́mamgba ọmịna siiamịẹnyẹ ḅụ pịghị bẹ ḅara.]