Tito 3 - Kuruei Voa Nawawrea 1920

¹ A’a ekine omo amua a’a oro kamaia‐ekavai limakina; kavana anu voa‐vevea a’a oro kamaia‐ekavai limakina ane, omo lai oro evere’eiai limakina opara ima kavakava liai,

² Voa lipi a’a e eiai oro pa kuruai, iara voa a’a peo, a lai iva a’a orau oro lai kekepa ipawkiai limakina a’a uriria eiai.

³ Uku pani uakei’inave enei awku avu’avu a’a kei’inave, larilia a’a ane, ewaeaakavakei’inave ane, i’ima e e, lupa opara e e enu aivara a’a enei kei’inave: iara rokoamakei’inave, namani ane, a’a vai’i‐eka’amakei’inave, enei vai’i‐aka’amakei’inave ane.

⁴ A Eloi ene Iawka anu la’aruku, umu ane, ereaka’ane ene paku ai,

⁵ I opara anana peo enei liaka, a uku Una umu e U i’akanave i kinia nawawrea anu bapatiso, i ene nane enu nawawrea ane i Avaea Iaa eakei’inave,

⁶ Avaea Iaa ane, i Iesu Keriso mere, ene Iawka, ene upa mere U veruku orekanave;

⁷ Uku i Una la’aruku mere enei anana‐aiakeia’ane euna, opai rokoa anu auamia a’a enei evere’eane‐iai ene araea’araea evere’eai.

⁸ Voa miki rokoa eire, nai umuli’ina ane ni panipani ai ei voa ipekiai uku a’a ane oro Eloi pirimaroakona oro oiviriane‐iai opara ima anu aipo ipawkiai. Ei ipawkia voa ima keina, paioka mi’ina ane a’a eiai.

⁹ Ava’avu kouamina voa ni larili’ine, a’e mai ane enu kiri a’a anu voa ane, voa e kevakeva, kouamina voa ane, Vupu eiai, ei voa paioka eria mi’ina, oro voa kape keina.

¹⁰ A’a ane u inakalia a’a rokona, pani monou naea, pani rere naea, ni nanukuawkava’ane, u pirimaroakoape liane, ni lari‐awkane.

¹¹ Uku ni ipali’ina kurua a’a kapea miki mere kekeane euna, u namea a’a, i una nane u mua‐awkavakeina ane.

¹² Artema naea, Tukiko naea, nai ni ai okaiviriane, nai ai Nikipoli ai aneai ni ipia‐mi’ine, uku i‐pokoiai kou’upua pani ai nai evere’eane euna.

¹³ Kena vupu lai evera a’a, Apolo ane, orere akienavai ni pai’ekane, orere oea‐rokonavaia.

¹⁴ Ene a’a ane ipali’inameki aipo ima ipawkiai, iaki li’inameki ane omo kape enu pei eiai, oro avu’avu opara rokonavaia.

¹⁵ A’a uriria nai kiripai pokoina keponina. Pirimaroakoa a’a ane oro umuakana ni kepeine. Noro uriria la’aruku mi’ine. Amene.