Tito 2 - Kuruei Voa Nawawrea 1920

¹ A uku ni ane, ipawkia voa miki ni ipawkiai limakina.

² Umu a’a nanuku‐ekane lai ipi’ipiai, lai avioia, lai iva ane, miai, omo pirimaroakoa, omo umu ane, omo lai kekepa ane, iviri liai.

³ Airamere a’ero awku nanuku‐ekane omo opara eiviriai, oro opara iaa lianeiai, oro avia a’ero peo, iara ere na’a a’ero peo, ima opara oro ipawkiai limakina:

⁴ Kokoro a’ero oro ipekiane‐iai omo vakiro umuekavai, omo ukua mere ane,

⁵ Lai iva miai, opara urupu ane, iakilia a’ero omo marea ai, omo vakiro kamaiaekavai, uku Iva voa makiri mi’inavaia.

⁶ Roropaea awku nanuku‐ekane lai iva miai.

⁷ Opara anana anu aipo orau ni opara ni ipawkine: ni ipawkia voa ewaea eria, ipawkia voa miki ipawkiakeia’ane‐iai,

⁸ Voa iviri ane a’a kapeo mua‐awkavai li’ina; uku ene mani a’a makiri miane‐iai oro voa lipi eria mi’ina enei eiai.

⁹ Aivara a’a panipani ai omo amua a’a kamaia‐ekavai ni nanuku‐ekane, kopaiekavai ane uku omo iaki eiai: voa momou pa kuruai;

¹⁰ Omo amua anu aru oro pa avapuliai, oro ipekiane‐iai oro a’a miki rokona, ene Iawka, Eloi, anu ipawkia voa oro avioiane‐iai uku awku uriria eiai.

¹¹ Uku Eloi inu la’aruku ane iawka mi‐anena a’a uriria anu paku ai ereane euna,

¹² Ipakimakina namea opara lariliai, ei pani va’au unu i’ima opara ane, lai iva, opara anana ane, iaa opara ane, rokoai ei pani va’au ai,

¹³ Aioiaka‐pokoimakina kopai araea’araea eiai, ene Eloi ovara, Iawka Iesu Keriso ane, anu erea evao’evao ai;

¹⁴ U ane Una nane U awkunave enei eiai, namea uriria mere U inaea‐akava’ane‐iai, U a’a urupu‐eianeiai Una nane eiai, oro ane opara ima liai oro iviri keia’ane‐iai.

¹⁵ Orau omoro kurune, nanuku‐awkane ane, namea opara eine ane, iva‐mia a’a orau. A’a ni iva lari‐awkavai ni pa evere’eai.