Tito 1 - Kuruei Voa Nawawrea 1920

¹ Paulo Eloi inu aivaraa’a, Iesu Keriso onu Iva a’a ane, uku Eloi inu a’a anu pirimaroakoa la‐okavai, iaa opara anu voa iki upurukiai ane,

² U ane u araea’araea limakina opai rokoa eiai, opai rokoa Eloi maura‐voa kurunave pani va’au unu ea pani paku ai, Eloi ane U arauau liai liapea.

³ Pani evere’eakei’inave’ane Una Iva voa U ipawkinave i omoro iaki ikuakei’inave i Eloi ene Iawka.

⁴ Tito e, na mere miki i pirimaroakoa enere mi’ina. La’aruku, airu ane, nikuakeinameki Eloi Mai mere, Keriso Iesu ene Iawka mere ane.

⁵ Kerete ai nai aveniane euna ni awku evere’eiane‐iai awku ane oro liakeiape, maioro iaki ekuane‐iai ane pai’iri kavakava ai, orau nai nikinave;

⁶ Mako‐mako ai opara anana a’a rokona, u vaki miki ane una a’e monou eiai, u ukua mere e‐mi’ina oro awku pirimaroakoa a’a keina, oro uru lipi a’a peo, manipu a’a peo.

⁷ Uku Eloi inu kava a’a orau, omoro a’a opara ima anu uru u miai limakina, manipu a’a peo, lai iara vaki peo, ere iara na’a vaki peo, vaki‐awmia a’a peo, iawmia a’a peo kavani eiai,

⁸ Kikoro a’a u kamaiaekavai limakina, opara ima u umuliai limakina, lai iva’iva a’a, opara anana a’a, iaa a’a, lai ipi’ipia a’a;

⁹ Iva voa miki u miane euna u a’akimakina, u lai evera keia’ane‐iai i ipawkia voa miki a’a e iviri‐ekavai, mani a’a anu ipawkia voa paueane‐iai ane.

¹⁰ Uku a’a aila rokona amua voa oro inakali’ina, eapa a’a, voa meramera a’a, ewaea a’a, oro kapoi, oro momoa‐eia anu ipawkia a’a:

¹¹ Omo ane epo ni momokavai limakina, uku avai a’a iki inu pirimaroakoa oro enaka’ana, ewaea voa ipawkimakina moni kavani eiai.

¹² Omo a’a monou, omo pani va’au unu laikorava a’a ane, u erau voa kuruane euna, Kerete a’a arauau a’a rokona panipani ai, iara animala a’a, oro eapa voviri a’a ane.

¹³ Ei ione voa miki keina. Ou uku eiai ni mani‐ekane oro iviri pirimaroakoa mianeiai;

¹⁴ Isaraela a’a anu vinako voa oro pirimaroakonavaia, a’a anu vupu ane; a’a ane miki inu voa mere oro urukina.

¹⁵ Lai urupu a’a eiai awku kavakava urupu keina: lai upu a’a, lai inakalia a’a ane, eiai awku eria urupu keina; omo lai, lai‐amua ane, upu‐eiakeina.

¹⁶ Oro auoina oro Eloi ipa‐ulauna; a i omo opara oro lari‐awkana, oro rurupu a’a, larilia a’a ane, ima iaki kavakava eiai oro ima eria rokona.