Roma 7 - Kuruei Voa Nawawrea 1920

¹ Ovaki airavaki e, (nai kikirimakina uku a’a Vupu ipali’ina) noro ipapeana ene rokoa pani ai enei Vupu kamaiali’ina?

² A’e u vaki mi’ina i Vupu una vaki u piriakeina vaki inu rokoa pani ai; a una vaki imuane kurua Vupu iva eria mi’ina a’e eiai, u ururuakeina.

³ Ei uku eiai, vaki inu rokoa pani ai, a’e vaki e kiripai rokoane, eve’eve a’e u oroiakeiakana: a una vaki imuakeia’ane kurua vupu mere u ururuakeina; u vaki e miane u eve’eve a’e peo.

⁴ Orau na ovaki airavaki e, uku Keriso a’a evere’enave Vupu imunave noro eiai, uku Monou e noro napi?-?riakeia’ane‐iai, U ane imua mere U la’anave, uku enei uru meriane‐iai Eloi eiai.

⁵ Ene kape enu i’ima enei kamaia‐ekavaka’ane, i’ima opara i Vupu namea‐eakei’?-?inave, ei i’ima ene kape‐aru laru ai panipani ai rokoa?-?eimakei’inave oro uru meriane‐iai imua eiai.

⁶ A uku enei imuane euna awku oro eiai apirinave, eai Vupu iva eria mi’ina enei eiai, opara nawawrea enei kamaiali’ina, eni vupu opara peo, avaea opara enei kamaiali’ina.

⁷ Enei oiamakurumau? Vupu namea ana? Ai. Nai Vupu ipaliaka livilia, nai namea ipaliakape. Vupu kuruaka livilia, Ni pa iawmiai; iawmia anu namea nai ipaliakape.

⁸ A namea, uku ei vupu voa, iawmia opara kavakava nai laru ai awvoinave; uku Vupu eria keia’ane, namea imuakeina.

⁹ Nai Vupu ipaliakape’?-?ane nai rokoa kei’inave, a Vupu unu Ipawkia voa aneaka’ane, namea rokoa la’anave, nai imunave ane.

¹⁰ Kurua Vupu unu Ipawkia voa evere’eakei’inave rokoa ikuai, imua mi‐anenave nai eiai.

¹¹ Namea, i Vupu unu Ipawkia voa, ewaea‐ikanave, i’a’anave ane.

¹² Vupu verukua iaa‐keina, Vupu Ipawkia voa ane iaa‐keina, anana ane, ima ane, keina.

¹³ Kurua awku ima‐keina u imua ama‐evere’e’e nai eiai? Ai. A namea orau evere’enave; uku i opara ima u imua mi‐anemakina, u namea miki inamu‐oiakeia’?-?ane‐iai; uku i Vupu unu Ipawkia voa namea anu lipi ovara ipawkiakeia’ane‐iai.

¹⁴ Uku enei ipali’ina Vupu avaea awku keina: a nai oia a’a, namea anu aivara nai inaea‐ilauakeina.

¹⁵ Uku opara nai li’ina nai a‐evere’enakea: opara liai nai umu‐li’ina kurua opara nai a‐li’inakea; a opara nai vai’i‐awkana kurua opara nai li’ina.

¹⁶ Nai liane kurua opara nai umu‐a‐li’inakea, Vupu unu ima nai iki e’ena.

¹⁷ A eai ei opara nai verukua a‐li’inakea, a namea nai laru ai keina u ei opara li’ina.

¹⁸ Uku nai ipali’ina na?-?nane rurupu laru ai opara ima eria keina: opara anana liai nai umuliane, orau liai nai iva eria mi’ina.

¹⁹ Uku ima opara liai nai umuli’ina nai a‐li’inakea: lipi opara nai umu‐a‐li’inakea nai li’inake.

²⁰ Nai liane kurua opara nai umu‐a‐li’inakea, kurua opara nai verukua a‐li’inakea, a namea nai laru ai keina u kurua opara li’ina.

²¹ Na nane enu vupu eire, imaliai nai umuliane, namea maika e’e’ikana.

²² Na nane miki laru ai nai kopaili’ina Eloi inu Vupu eiai.

²³ Vupu e na kape‐aru laru ai nai inamu‐oina, na lai inu vupu mani‐awkama?-?kina, ipirimakina ane namea anu vupu eiai, kurua vupu na kape‐aru laru ai ua?-?rokona.

²⁴ Lai kukupuna a’a nai! Ei imua anu kape mere koama‐i’ikamau?

²⁵ I ene Amua Iesu Keriso mere nai Eloi kopai‐awkana. A ei voa uakeina. I na nane miki Eloi inu Vupu nai kamaiali’ina; i na oia nane namea anu vupu nai kamaiali’ina.