Roma 6 - Kuruei Voa Nawawrea 1920

¹ Enei oiamakurumau ei voa eiai? Enei namea‐li?-?mau uku la’aruku akuakeia’?-?ane‐iai?

² Ai. Enei ane enei imuane euna namea eiai, namea laru ai rokoai enei eka’ama‐limau?

³ Noro ipapeana ene a’a Iesu Keriso laru ai oro bapatiso‐ekavakei’inave, Una imua laru ai awku enei bapatiso‐akavakei’inave?

⁴ Ou uku eiai i bapatiso Una imua ai U kiripai enei i’iakeina: orau Keriso i Mai inu iva evao’evao imua mere la‐okavakei’inave, orau enei awku rokoa nawawrea are rokoai limakina.

⁵ Uku i Una imua aua‐mimakina U kiripai monou enei evere’eane euna, i Una imua mere la’ava aua‐mimakina U kiripai monou enei keiakana.

⁶ Uku enei ipali’inake ene eni nane U kiripai iri keoa upa mere avakei’inave, uku ene namea nane enu iva iou?-?miakeia’ane‐iai, uku namea anu aivara enei rokonavaia;

⁷ Uku kurua a’a u imua keina, namea mere u ururuakeina.

⁸ Keriso kiripai enei imuakeia’ane, enei pirimaroakona U kiripai enei rokoakana ane:

⁹ Uku enei ipali’inake Keriso imua mere rokoaka?-?vairuane euna, U moawku imuapea ane, imua amua iva eria mi’ina U eiai.

¹⁰ Uku i kurua imua U imunave, namea eiai U imua evere’enave, opai keiakana eiai; a i rokoa U eai rokona uku Eloi eiai U rokona.

¹¹ Orau noro awku laikoravai limakina nomo nane eiai, namea eiai noro imuakeina, Eloi eiai noro rokona, uku noro Keriso Iesu laru ai rokona.

¹² Namea nomo kape laru ai amua‐awkavai pa evere’eai, kape enu i’ima noro kamaialiane‐iai.

¹³ Nomo kape‐aru pa evere’eiai namea‐liai: rokoa a’a orau imua mere la’ane euna, nomo nane Eloi ekune, nomo lai evera e e ane, oro elauakeia’ane‐iai opara anana liai Eloi eiai.

¹⁴ Uku namea amua?-?nakavapea: noro Vupu unu a’a peo, noro la’aruku unu a’a keina.

¹⁵ Enei namea amalimau uku enei Vupu unu a’a peo, uku enei la’aruku unu a’a keina? Ai.

¹⁶ Noro ipapeana kurua amua noro kamaia‐awkana, una aivara noro keina; Namea anu aivara naea (una kavani imua) Kamaia naea (una kavani opara anana)?

¹⁷ A eni pani ai namea anu aivara noro kei’inave, Eloi kopai‐awkane uku kurua ipawkia voa nakuakei’inave noro kamaia liane euna kapoi.

¹⁸ Namea anu iara mere noro ururunaiakei’inave, opara anana anu aivara noro evere’enave.

¹⁹ Ei aipo voa nai kuruna uku nomo kape enu eapa eiai: uku orau nomo kape?-?aru, lai ane, noro ekunave namea anu opara eiai, orau eai nomo kape‐aru noro ekuane‐iai opara anana eiai noro iaa evere’eane‐iai.

²⁰ Noro namea anu aivara keia’ane, uku eria kei’inave noro opara anana kamaialiai.

²¹ Oi paioka ana noro miaka eni makiri opara mere? Imua omo kavani keina.

²² A eai namea anu iara mere noro ururunaiakeia’ane euna, Eloi inu aivara noro evere’eane euna ane, noro kavani mi’ina uku noro iaa?-?naiakeimakina, opai rokoa noro miakana ane.

²³ Uku namea imua kavani awkuna; a Eloi inu la’aruku opai rokoa keina i Iesu Keriso mere ene Amua.