Roma 5 - Kuruei Voa Nawawrea 1920

¹ I pirimaroakoa enei anana‐aiakeina, i ene Amua, Iesu Keriso mere, Eloi kiripai enei airu mi’inamaki:

² I u awku, uku pirimaroakoa, kikau enei mi’ina Eloi inu la’aruku laru ai, enei ei‐oina ane, kopai li’ina ane, uku enei araea’araea‐li’ina Eloi inu evao’evao aua‐miai.

³ A ei awku e peo; enei kopai‐li’ina ane kukupuna eiai: uku enei ipali’ina kukupuna lai iviri‐ena;

⁴ Lai iviri lai evera‐ena: lai evera araea’araea‐ena:

⁵ Ei araea’araea makiri?-?a‐awkanakea, uku Eloi inu umu ene umu laru ai i Avaea Iaa apareakeina, i U ane U enei akuakeia’ane euna.

⁶ Uku kurua pani ai pai?-?oka eria enei miaka’ane, namea a’a eiai pani miki ai Keriso imuaka.

⁷ A’a opara anana a’a eiai imuapea naea, a umu ima a’a eiai a’a varomo imuane naea.

⁸ A Eloi Una umu ipawkina enei eiai uku enei namea a’a kei’inave ane Keriso imunave enei eiai.

⁹ I Una aro mere mua mere enei ururuaiakeia’ane euane, i U mere Eloi inu ia’ia mere enei iakavakeiakana kapoi.

¹⁰ Enei mani kei’inave ane i Una Mere enu imua Eloi eiai enei airu aiakeia’ane euane, i Keriso onu rokoa enei iakavakeiakana kapoi.

¹¹ Voa mo awku, i ene Amua, i U mere enei airu?-?aiakeina, Eloi laru ai enei kopai li’ina ane.

¹² Orau i a’a monou mere namea pani va’au ai ikirinave, imua ane i namea mere; orau imua ikirinave a’a uriria laru ai, uku a’a uriria namea liane euna:

¹³ Uku Vupu unu pani paku ai namea pani va’au ai kei’inave: Vupu eria keia’ane, namea awku ailiea?-?keiapea.

¹⁴ A imua, amua orau, amua‐awkanave Adamu unu pani mere anea’anea Mose enu rokoa pani ai, oro upa mere oro namea liakape orau Adamu namea liaka. Adamu laru ai enei aipo mi’ina U eiai, U ane Una anea pani paku ai kei’inave.

¹⁵ A veruku la’aruku, namea ane, ipi’ipiapea; Eloi inu la’aruku unu veruku namea ru‐awkina. I a’a monou unu namea mere a’a aila imuakeia’ane, i a’a monou, Iesu Keriso, Eloi inu umu, la’aruku ane, everevereane euna a’a aila eiai.

¹⁶ La’aruku keiapea orau a’a monou unu namea kei’inave: uku voa vevea a’a monou evere’enave mua‐awkava mi‐anenave; a veruku la’aruku namea aila paueina.

¹⁷ I a’a monou unu namea imua a’a monou a’akiane uku u amua‐awkava’ane‐iai, oro awku Eloi inu veruku la’aruku, opara anana anu la’aruku ane, mi’ina, i monou mere, Iesu Keriso, rokoa pani ai amua orau oro amua‐awkavakana.

¹⁸ Ou uku eiai, uku a’a monou unu namea voa vevea anenave a’a uriria mua?-?ekavai; orau awku uku monou unu opara anana veruku la’aruku anenave rokoa a’a uriria ekuai.

¹⁹ Uku i a’a monou unu namea a’a uriria namea a’a eiakei’inave, orau awku i Monou unu opara anana a’a uriria anana‐eiakeiakana.

²⁰ Vupu mi‐aneakei’inave uku namea everevereane‐iai. A iou ai namea everevereane euna, la’aruku i‐orekiane euna;

²¹ Orau namea imua‐eai amua‐awka’ane euna, orau la’aruku awku i opara anana mere amua‐awkava’ane‐iai opai rokoa awkuai i ene Amua Iesu Keriso.