Roma 2 - Kuruei Voa Nawawrea 1920

¹ Ou uku eiai paioka voa eria ni mi’ina, a’a e, ni ane ni a’a e voa veve’ena: uku ni a’a ni voa veve’eane, ni mua‐nikana; uku kurua namea eiai ni a’a e voa veve’eina ni awku li’ina.

² A enei ipali’inake Eloi inu voa vevea voa miki ipi’ipiakeina a’a eiai oro namea li’ina.

³ Ni a’a e, ni a’a voa veve’eina kurua namea eiai ni awku li’ina, ni ama‐laikora’i Eloi inu voa vevea mere ni areaka‐enavakana?

⁴ Una umu re, Una lai kekepa ane, ni lari‐ama‐li’i; ni pauapaua ana Eloi inu umu niramakina ni lai urukiane‐iai?

⁵ Voa miki eire, uku ni inaka umu unu kane ia’ia ni roikimakina ni eiai ia’ia lare ai, kurua lare ai Eloi inu voa vevea anana ipawkiakeia’ane;

⁶ A’a kavakava anu opara orau kavani U awkuakana:

⁷ I iviri opara anana uru, avioia ane, opai rokoa ane, oro evoromakina, opai rokoa U ekuakana;

⁸ A voa kamukamu a’a, voa miki oro kamaia‐a‐li’inakea, namea opara oro kamaiali’inake, oro upa mere ia’ia, iara ane,

⁹ Kukupuna ane, kukunu ane, a’a kavakava anu imunu upa mere keiakana, oro ane namea liai oro ie’ena, pinai Isaraela a’a upa mere, neko mere ai lai unuku a’a upa mere.

¹⁰ A’a kavakava opara anana li’ina uru, avioia ane, airu ane, awkuakeiakana, pinai Isaraela a’a, neko mere ai lai unuku a’a ane.

¹¹ Uku ei pani va’au unu kepoia voa Eloi a‐ie’einakea.

¹² Uku Vupu pauapaua a’a Vupu pauapaua imuakana; Vupu unu a’a uriria oro Vupu namea liane euna, i Vupu oro voa veve’eiakeiakana.

¹³ Uku a’a Vupu unu voa virina u anana peo Eloi inu paku ai, a a’a Vupu unu voa kamaiali’ina oro anana a’a oroiakeiakana.

¹⁴ A lai unuku a’a oro Vupu miape, a uku omo lai Vupu unu voa oro kamaiali’ina, oro Vupu eria a’a Vupu keina omo nane eiai:

¹⁵ Uku oro ipawkina lai evera uku Vupu unu opara omo lai laru ai kikiriakeina, omo lai‐amua ane Vupu ioneli’ina, omo lai ane aili?-?ena naea, omo mua eria ipawkina naea;

¹⁶ Kurua lare ai i Iesu Keriso a’a anu vauavaua awku Eloi voa veve’eiakana, voa orau ipawkiakeina Iva voa laru ai, orau nai ipawkiane euna ane.

¹⁷ Uku nawi Isaraela a’a ni umuli’ina, Vupu laru ai airu, kopai ane, ni auina, voa meramera ni kuruna Eloi eiai ane,

¹⁸ Una lai ni ipali’ina, opara e e ni ipia‐miai li’ina, uku Vupu mere ni ipanikia?-?keina,

¹⁹ Ni ailiniane euna ni orava a’a keina inamu‐apua a’a eiai, ni pamea keina ane lai muru a’a eiai,

²⁰ Ni omoro a’a keina avu‐avu a’a eiai ni ipawkia a’a keina ukua‐mere eiai, uku Vupu laru ai lai evera anu aipo, voa miki anu aipo ane, ni mi’ina:

²¹ Ni ane ni a’a ni ipawkina ni ipanikiai ni inaka‐ama‐li’i? ni ane ni omoro kuruna, a’a avapu pa liai, ni avapu a’a ana?

²² Ni ane ni kuruna, a’a eve’eve pa liai, ni eve’eve?-?ama‐li’i? ni ane ni imunu lari‐ekana, omo ravi aru ni avapu‐ama‐li’i?

²³ Ni ane ni voa meramera kuruna Vupu eiai, Vupu unu ipawkia voa ni inaka‐ama‐li’i, orau Eloi makiri‐awkana?

²⁴ Uku ni Eloi inu nawi mai‐voa kuruakeina lai unuku a’a awkono avao ai, orau Iaa revareva voa laru ai kikiriakeina.

²⁵ Ni Vupu kamaialiane, momoa‐eia opara paiokana kapoi: ni Vupu inaka‐lia a’a keia’ane, uku ni momoa?-?einikeia’ane euna ni paioka eria mi’ina.

²⁶ Orau momoa‐eia eria a’a Vupu unu opara u anana kamaialiane, una momoa‐eia eria evere’eakeia peana,

²⁷ U lai unuku a’a kiniakeia’ane, u Vupu kevere?-?kevere kamaialiane, u voa vevenipeana, ni Vupu inaka?-?lia a’a, uku kikiria Vupu, momoa‐eia voa ane, ni mi’ina?

²⁸ Uku Isaraela a’a miki u kurua a’a peo u iki ai e Isaraela a’a keina; momoa‐eia miki ane kape enu oia momoa‐eia peo.

²⁹ Kurua a’a u laru ai Isaraela a’a keina u Isaraela a’a miki keina; momoa‐eia miki umu momoa‐eia keina, avaea anu awku, kape enu awku peo; ei a’a kepoia voa a’a mere miapea, Eloi mere oro kepoia voa mi’ina.