Roma 13 - Kuruei Voa Nawawrea 1920

¹ A’a kavakava kavana a’a kamaia‐ekanamoki; uku i Eloi e a’a amua evere’eakeina, ene eai amua a’a omo iva Eloi mere miaka.

² Ou uku eiai kurua a’a u una amua inaka‐awkana, Eloi inu vupu awku u inaka?-?li’ina: inaka‐lia a’a oro eiai oava kavani mi‐aneakana.

³ Opara anana‐lia a’a kore keiapea kavana anu voa vevea a’a eiai, namea‐lia a’a oro kore keina. Ni umu‐ama‐li’i kore eria miai ni amua a’a eiai? Imau, opara anana‐li’ine, u kopai‐nikavakana.

⁴ Uku u Eloi inu aivara keina ni paioka eiai. A ni opara namea liane, koreli’ine. U ipiki a‐vakarunakea uku eria eiai: u Eloi inu aivara keina, ipu mia a’a ane, uku namealia a’a kavani awkuai.

⁵ Enei kamaia‐awkavai limakina uku namea opara anu kavani e peo, a uku ene lai‐amua awku eiai.

⁶ Ei uku eiai uku kavani ni awkuna; uku kavani roikia a’a awku Eloi inu aivara a’a keina, omo venea oro awkuna ei iaki eiai.

⁷ A’a uriria omo kavani miki emoki ekune: uku kavani roikia a’a uku kavani ekune, aru kavani roikia a’a aru kavani ekune, umu ekune a’a ni umu‐ekavai limakina, avioia ekune a’a ni avieiai limakina.

⁸ A’a anu aru kamaia pa miai, umu e kamaia‐pokoine; uku kurua a’a una a’a u umu‐awkana, Vupu unu voa u kamaia‐liane euna.

⁹ Ni eve’eve pa liai, Ni a’a pa avai, Ni avapu pa liai, Ni pa iawmiai; vupu e uriria ane, oro ei vupu monou laru ai akoakeina, Ni a’a ni umu‐awkavakana orau ni umu‐nikana.

¹⁰ Umu oivirina una a’a u namea‐awkanavaia, ou uku eiai umu Vupu unu kamaia miki keina.

¹¹ Ei ipawkia voa kamaia‐elaune uku ei e’ei pani noro ipali’ina, pani ei‐anena ane enei epekeai awaw mere: uku eai ene iawka arekamu ai keina, enei pinai pirimaroakoaka’ane iawka arekamu ai a‐kei’inavea.

¹² Kipere pani arekamu periakeina, pani mereai awkamakina: muru unu opara enei au‐ekanamaki, aiau unu awre orau enei pamea lukinamaki.

¹³ Uku lare pani inu pamea ai enei rokoamakina opara ima enei li’inamaki; eke enu avuavu opara, awpa anu mawka, pairama, eiri ane, voaki, namani ane, enei larili’inamaki.

¹⁴ Amua Iesu Keriso noro luki‐nami’ine, kape enu i’ima lai aukiai noro umu pa liai.