Roma 12 - Kuruei Voa Nawawrea 1920

¹ Ovaki airavaki e, i Eloi inu umu nai nanuku‐nakana nomo kape iki Eloi awkuai, rokoa, iaa epie pei kopai‐awkavai. Ei opara avioia opara miki noro mere keiakana.

² Ei pani va’au unu opara noro pa e’e’ekavai, i nomo lai nawawrea‐eimakina noro a’a nawawrea ae’epuakeine, i lai evera Eloi inu lai noro ipaliane‐iai, kurua lai ima, vapara ane, anana ane.

³ Uku i kurua la’aruku ikuakeina nomo a’a kavakava nai awkina lai kauakaua pa miai una nane eiai; a akere‐akere laikoravai kurua pirimaroakoa orau Eloi a’a kavakava awkuane euna.

⁴ Uku orau kape monou kape‐aru aila mi’ina, ei kapearu uriria iaki monou miape;

⁵ Orau enei iki Keriso laru ai kape monou keina, una kape‐aru enei monou‐monou paiakiakeina.

⁶ A uku enei la’aruku e e mi’ina, oro e e li’ina uku iaki e e veruku akuakeina, laikorava voa kuruai naea, laikorava a’a voa kurunamoki una pirimaroakoa orau;

⁷ Voa vevea a’a anu la’aruku u miane naea, u lai evera voa veve’enamoki; ipawkia a’a anu la’aruku u miane naea, u orau ipawkinamoki.

⁸ Omoro a’a naea, u omoro kurunamoki: u awku u la’aruku awkuna, u veruku awkunamoki; u ane u amua‐awkana, u iviri roko‐roko amua‐awkanamoki; u ane u maia a’a paiokana, u kopai paiokanamoki.

⁹ Umu miki, auoia umu eria, noro mi’ine. Opara lipi larili’ine; opara ima piriuoi?-?ne.

¹⁰ A uku aroa a’a anu umu, noro umu‐nakane; nomo a’a avieiai noro kopaili’ine.

¹¹ Iviri umuliakeia’ane noro eapa pa pokoiai. Iva umu a’a noro evere’ene; Amua kamaia‐awkane.

¹² Kopai araea’araea noro mi’ine; mani pani ai lai kekepa pokoine, Eloi iviri nawki‐awkane panipani ai;

¹³ Pei oea iaa a’a pei ekune; aki a’a kamaia‐ekane panipani ai.

¹⁴ Oro ane oro mani‐nakana noro kopai‐ekane: kopai voa, anakaia voa peo, noro kuruene.

¹⁵ Kopailia a’a kiripai noro kopaili’ine, vikiria a’a kiripai noro vikirine.

¹⁶ Umu miki noro monou monou mi’ine nomo a’a eiai. Lai kauakaua anu awku miai noro umu pa liai; lai kekepa opara miai noro kopai‐li’ine. Uku nomo lai kauakaua noro kopai pa liai.

¹⁷ Mani kavani pa awkuai mani opara eiai. Oivirine uku kurua opara u ima keina, anana ane, a’a kavakava anu paku ai.

¹⁸ Ni liai liane, a’a uriria kiripai ni airu pokoine.

¹⁹ Naumuki a’a e, ipu pa miai, ia’ia keinamoki, uku ei voa erau voa kikiriakeina, Ipu Na awku keina: mani kavani Nai awkuakana. Amua anu voa ioure.

²⁰ Ou uku eiai, ni mani a’a pei navai‐navai liane, ni pei awkune; u kamuri lavere keia’ane, ere awkune: ni orau limakina una uku upa mere ni iau aimakina.

²¹ Namea awkoni‐nika?-?vai ni pa evere’eai, i opara ima namea awkoni‐awkane.