Roma 11 - Kuruei Voa Nawawrea 1920

¹ Nai erau voa veve’ena, Una a’a aruru Eloi laeiana? Ai. Nai awku Isaraela a’a, Aberahamo onu kiri a’a, Benanimi inu ravi a’a.

² Una a’a aruru U ipa?-?elau’unave Eloi laeiape. Iaa revareva voa uku Elia eiai noro ipapeana? Voa u Eloi nawki‐awkavaka uku Isaraela a’a mani‐ekavai, erau voa kurumakei’inave,

³ Amua e, Ni laikorava a’a oro e’a’ane euna, Ni iaa pakara oro enaka’ane euna; eai nai epuri ave’i’iakeina i‐avai oro ipia‐mimakina.

⁴ Eloi Elia oiamakuru’e? Nai eiai a’a 7,000 Nai eiviriane euna, Baala anu imunu paku ai oro are‐epo aiape.

⁵ Orau eai pani ai a’a kakai rokoakeina i Una la’aruku Eloi ie’eiane euna.

⁶ I Una la’aruku U ie’eiane euane, Una ie’ea i a’a anu opara evere’eakeiapea. A Una ie’ea i a’a anu opara evere’eakeia’ane, Una la’aruku eria‐liakeina.

⁷ Oiana uakei’i? Kurua awku Isaraela a’a vorona u auiape; a Eloi inu ie’ea aivara auiane euna; a’a mo lai kane evere’eane euna.

⁸ Ou uku‐eiai Iaa revareva erau voa kuruna, Omo inamu Eloi mu’u‐eiane euna, inamu awku eria inamu‐oiai, Keporo ane awku eria viriai, anea’anea eai pani ai.

⁹ Davida erau voa kuruna, Omo pei uai, ekeni ane, evere’enamoki oro eiai, Auawia, mani kavani ane.

¹⁰ Muru omo inamu ruawkinamoki oro inamu‐oinavaia, Omo muri vapari?-?nameki panipani ai.

¹¹ Nai erau voa veve’ena, Oro orau aua’ava’ana oro e‐avakeiakana? Ai. A uku omo arava iawka anea’ane euna lai unuku a’a eiai, uku Isaraela a’a anu namani awvoiai;

¹² Omo arava pani va’au unu paioka keia’ane, uku oro awkoni‐ekavakeia’ane euna lai unuku a’a pai‐ekavakeia’?-?ane, a’a nawawrea oro evere’eane ima awku ovara anea?-?peana?

¹³ Noro e, lai unuku a’a e, nai kurunaina, uku nai iva a’a okaiviriakeina lai unuku a’a ai, na omoro iaki eiai nai kopaili’ina,

¹⁴ Nai ipia‐mimakina namani awvoiai na kaki a’a laru ai, uku oro varomo ie?-?kavakeia’ane‐iai.

¹⁵ Pani va’au airu‐eakeia’?-?ane euane uku oro laeia?-?keia’ane euna, oro moawku are’eiakeia’ane omo vairua rokoa imua mere orau peana?

¹⁶ Maura‐uru iaa‐keia’ane, uru iki iaa‐keina; iri inu neva iaa‐keia’ane, vao awku iaa‐keina.

¹⁷ Vao varomo eiakeia’ane euane, ni ane, ni rurupu iri inu vao keina, iri ima anu naka apokere ai ni painikia?-?keia’ane, iri ima anu vao kiripai iri uku unu ika ni aua‐mi’ina,

¹⁸ Voa meramera pa kuruai vao miki mani‐ekavai. Voa meramera ni kurumakeia’ane, pa aikavai iri uku ni la‐okapea, a iri uku la?-?nikana.

¹⁹ Ni erau voa kuruakana, Vao eiakeia’ane euna uku nai pai’ikiakeia’ane‐iai.

²⁰ Mikio, a uku omo peroro e’ea oro eiakei’inave, a i ni pirimaroakoa e ni pai?-?kiaka‐rokona. Lai kauakaua pa miai, kore mi’ine.

²¹ Vao miki Eloi ieka?-?vape liane, ni oivirine U eininavaia.

²² Eloi inu umu, Una ia’ia ane, inamu‐oine. Oro ara’ane euna oro upa mere Una ia’ia liliane euna, a noro upa mere Una umu liliane euna, Una umu noro aikavape liane: noro aikava’ane noro awku einaiakeiakana.

²³ A omo peroro e’ea mere oro urukiane, oro awku paiekiakeiakana; uku moawku Eloi paiekiai li’ina.

²⁴ Iri rurupu mere ni einiakei’inave ane, iri ima anu apokere ai ni paini?-?kiakei’inave ane; oro vao miki keina omo iri miki inu apokere ai oro paiekiakeia?-?peana?

²⁵ Ovaki airavaki e, voa miki uakeina, u ipawkiakeiape, noro pauapaua keiai ei voa eiai nai umu‐a‐li’inakea, nai kore li’ina noro lai kauakaua keia’ane naea nomo lai evera eiai, kurua voa miki eire, Isaraela a’a inamu ururu keina anea’anea lai unuku a’a ikirimaneane.

²⁶ Orau Isaraela a’a uriria iekavakeiakana. Voa orau Iaa revareva ai kikiriakeina, Siona akapu mere Iawka aneakana: Namea uriria Iakobo mere U lai‐ekava?-?kana;

²⁷ Uku eire Na kuruei voa oro kiripai keiakana Omo namea Nai iou‐miane.

²⁸ Uku Iva voa Isaraela a’a Eloi inu mani a’a noro eiai: a uku Eloi inu ie’ea oro umu‐ekavakeina omo mai‐oro eiai.

²⁹ Uku Eloi lai a‐uruki?-?nakea uku Una la’aruku, Una ie’ea ane, eiai.

³⁰ Uku orau eni pani ai Eloi noro pirimaroakoakape, eai umu noro mi’ina, ei pani ai oro larilia a’a keina:

³¹ Orau oro awku lariliane euna ei pani ai noro umu mimakina: uku oro awku eiai umu eai keia’ane‐iai.

³² Oro uriria peroro e’ea laru ai Eloi epiriane euna, uku oro uriria U umu‐ekava’?-?ane‐iai.

³³ Eloi inu iva, lai evera ane, opai keina, awku uriria U ipali’ina. Una voa vevea a’a ipaliai liapea. Una are awkoro a’a auiai liapea.

³⁴ Amua anu lai koama‐ipali’i? Una voa vevea koama‐aua‐mi’i?

³⁵ U koana u pinai Eloi awku awkuane euna u kavani miane‐iai?

³⁶ Pani va’au unu Uku U uarokona, i U eakei’inave ane, U laru ai pani va’au unu miki, uku ane, keina. U avioinamoki opai keiakana! Amene.