Pilipi 4 - Kuruei Voa Nawawrea 1920

¹ Ou uku eiai, na naumuki aroa a’a e, noro e nai umu‐nakana, na kopai inu a’a, na avioia anu kiku a’a ane, orau iviri oine Amua ai, na naumuki a’a e.

² Euodia, Sunitiki ane, nai nanuku‐ekana lai monou miai, aro a’e orau Keriso ai.

³ Ni awku na paioka miki a’a e nai nanuku‐nikana ei a’ero pai’ekavai, oro ane na Iva voa iaki oro aua‐miane euna, Kelemeni ane, na iaki paioka a’a e ane, oro ane omo nawi rokoa anu buka laru ai kikiriakeina.

⁴ Amua ai panipani ai kopaili’ine: nai kairinani kuruma, kopaili’ine.

⁵ Nomo lai iva‐iva ipawkine a’a uriria ipaliane‐iai. Amua arekamu ai rokona.

⁶ Lai kukupuna ovara pa miai uku awku e e eiai, i nawki, i iviri nanuku ane, i kopai‐awkava ane, nomo nanuku ipali’inameki Eloi inu paku ai.

⁷ Eloi inu airu, airu ane a’a anu lai ipiai liapea, nomo umu, nomo lai ane, Keriso Iesu kiripai paikiakeina, kurua airu eiviriakana.

⁸ Ika voa eire, ovaki airavaki e, miki awku kavakava, avioia awku kavakava ane, anana awku kavakava ane, urupu awku kavakava ane, vapara awku kavakava ane, uru ima awku kavakava ane; awku oro iviri miane, avioia miane, ei awku eivirine.

⁹ Ipawkia voa, opara ane, nai ipanakinave, voa na ane epo mere noro virinave, na opara ane noro inamu‐oinave, noro a’akine; Eloi ane U airu awkuna, noro kiripai U keiakana.

¹⁰ Iaa kopai ovara nai kopaili’ina uku ei ika pani ai nomo umu nai eiai moawku ipawkiakeina. Panipani ai noro laikora‐ikiane euna kapoi, a uku pai’ikavai noro pani ima miape.

¹¹ Uku aru oea eiai nai a‐kurunakea, uku na kape iki awku kavakava eiai lai aukiakeiai nai ipaliane euna.

¹² Aru oea pani ai rokoai, aru evereverea pani ai rokoai, nai ipali’ina. Pei mo’onu miai, pei navai‐navai liai, evereverea anu miki, oea anu miki ane, nai ipaikiakeia’ane euna kapoi.

¹³ I U mere, U ane U iva ikuna, nai venea mi’ina awku uriria eiai.

¹⁴ A nai kopai‐nakana uku na kukupuna noro aua‐mi’inave.

¹⁵ Noro Pilipi a’a e, noro awku ipali’ina Iva voa anu pinai omoro pani ai, nai Makedonia ave’eaka’ane, noro e, ekalesia e kapeo, nai kiripai voa kurunave uku moni awkuai iaki eiai;

¹⁶ Tesalonia ai ane pani aila noro moni okaiviriane euna uku pai’ikavai.

¹⁷ La’aruku noro mere nai umu‐a‐li’inakea, a noro uru evereverea meriai nomo avioia eiai nai umuli’inake.

¹⁸ Na oea oavakeina kapoi, nai awku mo’onu mi’ina kapoi, uku la’aruku Epaparodito mere nai miane euna, la’aruku noro ekaivirinave nai eiai. Kurua la’aruku mera muri orau keina, epie pei ima, Eloi kopai‐awkavai.

¹⁹ A na Eloi, uku Una evao’evao onu evereverea Keriso Iesu ai, U awku uriria nakuakana nomo oea ena?-?kavai.

²⁰ Ene Eloi, Mai ane, avioinamoki opai keiakana. Amene.

²¹ Eloi inu a’a kavakava nai kepoina. Aroa a’a awku nai kiripai kepoia voa ekaivirina.

²² Kaisara anu marea pokoia a’a ane keponaina.

²³ Ene Amua Iesu Keriso onu la’aruku noro uriria kiripai pokoinamoki. Amene.