Pilipi 3 - Kuruei Voa Nawawrea 1920

¹ Ei ika voa uakeina, na ovaki airavaki e, Amua ai kopaili’ine. Ei voa moawku kikirinaiai na lai kukunu?-?a‐awkanakea, a uku noro eiai ei voa iawka voa keina.

² Oroko, namealia a’a ane, momoa‐eialia a’a ane, noro eivirine.

³ Uku enei momoa‐eia a’a miki keina, enei ane avaea avioia enei Eloi avioina, Keriso Iesu ai enei kopaili’ina, pirimaroakoa eria enei mi’ina kape enu iki opara eiai.

⁴ Uku uakeina nai eiai uku kape enu iki opara pirimaroakoai. A’a laikora’ane u uku mi’ina kape enu iki opara pirimaroakoai, nai awku uku mi’ina kapoi:

⁵ Na kinia pani neko mere ai lare 8 nai momoa‐i’iakei’?-?inave, Benanimi inu kiri a’a nai Isaraela kaki a’a kei’inave; Heberu a’a Heberu a’e mai ane kiniakei’inave, Vupu unu kaupu a’a nai Parisea a’a kei’inave;

⁶ Uku iviri, Ekalesia anu mani a’a nai kei’inave; uku opara anana i Vupu mere anena nai namea eria a’a kei’inave.

⁷ Awku uriria nai umu?-?elau’unave uku pai’ikavai, kurua awku nai lari‐elauane euna Keriso eiai.

⁸ Uku na Amua Keriso Iesu ipa‐ulauai nai laikorana awku e uriria kape keina. U eiai awku uriria nai paue?-?kiane euna, nai laikorana ane oro a’au keina, uku Keriso nai miane‐iai,

⁹ U kiripai paikiakeina nai aui’iakeia’ane‐iai, na opara anana Vupu mere nai mi’inavaia, a opara anana pirimaroakoa mere Keriso ai la’ana nai miane‐iai, opara anana i pirimaroakoa mere Eloi mere anena.

¹⁰ Keriso ipaliai, una imua mere la’ava anu iva ane, nai umuli’ina, Una kukunu aua‐emiai, imuai ane orau U imunave, nai umuli’ina;

¹¹ Nai araea’araea li’ina nai awku imua mere la’ane‐iai.

¹² Nai a‐kurunakea a’epeaka anu kavani nai miane euna, a’epeaka anu eiei ai nai paiane euna ane. Paku i nai kouakoua a’epeaka’amakina, ipia‐mimakina ane kurua kavani a’akiai, kurua kavani eiai Keriso a’aki’iane euna.

¹³ Ovaki airavaki e, nai a‐laikoranakea ei kavani nai a’akiane euna. A ei awku monou nai li’ina, eni awku uriria aikamakina, awku oro i oiokamakina na paku ai,

¹⁴ Nai kouakoua a’epeaka’ana kavani inu eiei ai, Eloi inu pani muku laea nai miane‐iai Keriso Iesu ai.

¹⁵ Ei uku eiai enei eni pirimaroakoa a’a ei lai eivi?-?rinamaki, a noro lai e miane, lai parea Eloi nakuakana.

¹⁶ A iou ai enei paiane euna, kurua kapea ai enei enanamaki.

¹⁷ Ovaki airavaki e, noro ipi’imi’ine, a’a e noro inamu‐eine, oro are rokoamakina aipo orau enei nakuane euna.

¹⁸ Uku a’a aila keina orau nai nakiane euna, eai viki?-?rimakina nai nakina, oro Keriso onu iri keoa anu mani a’a keina.

¹⁹ Oava omo orai uakeina, nemo omo eloi ua‐rokona, omo avioia omo makiri ai uakeina, pani va’au unu awku oro umuli’ina.

²⁰ A enei pani muku unu a’a keina; Iawka pani muku mere aneai enei aioiaka‐pokoimakina, Amua Iesu Keriso:

²¹ U ane ene pomoa kape U ae’epuakana anea’anea ene kape Una kape evao’evao mikiriane, i iva U mi’ina awku uriria awkoni‐ekavai.