Pilipi 2 - Kuruei Voa Nawawrea 1920

¹ Keriso onu e’e’okava a’a orau nai nanuku‐nakava’ane, umu awku ailia iva miane, Avaea anu aua‐mia opara uakeia’ane, lai kekepa, umu ane, noro miane,

² I nomo lai ipi’ipia na kopai noro oaili’ine, i umu monou noro painakiakeina, uku awku monou eiai nomo lai, lai monou orau, ekumakina.

³ Uku lai manipu eiai, lai kauakaua eiai, awku eria li’ine, lai kekepa a’a monou‐monou laikoranamoki a’a e enu opara ima una opara ima upai keina;

⁴ A’a kavakava una awku e u pa eiviriai, a’a e enu awku u eivirinamoki ane.

⁵ Ei lai Keriso Iesu laru ai kei’inave noro laru ai noro awku mi’inamoki.

⁶ U ane U Eloi ipi’ipiakei’?-?inave, U a‐laikoranavea Una ipi’ipia Eloi kiripai U kane a’akiai limakina.

⁷ Una evao’evao U erenave, kamaia aivara U evere’enave, a’a e orau a’a U kinia?-?kei’inave.

⁸ A’a orau U ipaliakei’inave, Una nane U rurupu?-?awkanave, imuai U vapari?-?awkinave; lia, iri keoa upa mere imuai.

⁹ Ei uku eiai Eloi mukua epe’epe are’eane euna, nawi awku oroiane euna, nawi e kavakava anu upai mukua epe’epe keina,

¹⁰ Uku Iesu unu nawi ai are epo kavakava aiane‐iai, pani muku ai, pani va’au ai ane, pani arau ai ane,

¹¹ Anai kavakava ane iki e’eane‐iai Iesu Keriso U Amua ua‐rokona Eloi Mai inu avioia eiai.

¹² Ou uku eiai, na naumuki a’a e, uku panipani ai noro kamaia‐liane euna, na pokoia pani ai noro kiripai, pani e ane, eai pani nai noro kiripai pokoiapea, iaki iviri li’ine nomo iawka eiai.

¹³ Uku Eloi ane noro laru ai, Una iva ane umu ena Una veruku lai liai, ei umu awku U evere’ena.

¹⁴ Noro oivirine uku voa momou‐momou eiai, voa e kevakeva eiai,

¹⁵ Panipani ai noro ipanakiane‐iai noro namea eria keina, noro mua eria keina, Eloi inu opara anana mere keina, lai kukia, inaka‐lia, kiri a’a awkono avao ai, oro awkono avao ai pamea orau noro akuruli’ina pani va’au ai,

¹⁶ Oro eiai rokoa anu Iva voa oiokamakina; uku nai kopailiane‐iai Keriso onu lare ai, awku kape eiai nai a’epea?-?kavakape, awku eria eiai nai iaki liakape.

¹⁷ Na rokoa anu aro nomo pirimaroakoa epie la’aruku upa mere orekavakeia’ane, nai kopai li’ina, noro uriria ane nai kopai‐nakana.

¹⁸ Ei uku eiai noro awku kopaili’ine, kopai‐ikane ane.

¹⁹ Amua Iesu evere’eane, nai araea’araea li’ina Timoteo noro ai okaivirina vailiai, nai nomo uru miane‐iai nai pai’ikavakeia’ane‐iai.

²⁰ Uku a’a e kapeo nai mi’ina, u ane u umu‐nakava?-?kana kapoi.

²¹ Uku a’a uriria omo awku eivirina, Iesu Keriso onu awku oro a‐eivirinakea.

²² A Timoteo onu opara noro ipali’ina, ukua orau una mekai kiripai iaki limakina, nai kiripai u iaki liane euna Iva voa upurukiai.

²³ U ane okaiviriai nai araea’araea li’ina, nai inamu‐oiane uku iru pani inu awku nai eiai;

²⁴ A Amua ai nai pirimaroakoamakina nai awku anenavailia noro ai.

²⁵ A nai laikorana uku uakeina Epaparodito noro ai emoki okaiviriai, na aroa a’a, na iaki paioka a’a ane, na aiai avai a’a ane, a u nomo iva voa a’a u kamaia’?-?ikava’ane euna.

²⁶ Nai okaivirina uku noro uriria inamu‐naiai u umuli’ina, u lai mu’u‐awka?-?vakeina uku una maia anu uru noro viriane euna.

²⁷ U maia keia’ane euna kapoi, imua arekamu ai kei’inave ane; a Eloi umu‐awkavaka, nai awku U umu‐ikavaka, lai kukupuna mo nai mi’inavaia.

²⁸ Ei uku eiai okaiviriai nai umuli’ina, noro moawku inamu‐oiane noro kopailiane‐iai, orau na kukupuna mau’u evere’eakeia’ane‐iai.

²⁹ Uku Amua eiai noro kopai umu‐aine, a’a ane u orau noro avi’eine.

³⁰ Ei uku eiai, uku Keriso onu iaki eiai imua arekamu ai u anenave, una rokoa e’ei ai aimakei’inave u pai’?-?ikava’ane‐iai, uku paioka noro mere miakape.