Pilipi 1 - Kuruei Voa Nawawrea 1920

¹ Paulo, Timoteo ane, Iesu Keriso onu aivara a’a, ei voa enere kikirina iaa a’a uriria eiai, oro ane oro Keriso Iesu unu a’a Pilipi ai rokona, omoro a’a, diakona a’a ane:

² La’aruku, airu ane, Eloi ene Mai mere, Amua Iesu Keriso mere ane, noro mi’ine.

³ Uku na lai kavakava noro eiai na Eloi nai kopai‐awkana,

⁴ Panipani ai nai nawki‐awkava’ane noro uriria eiai, nai kopai mi’ina,

⁵ Uku nomo paioka eiai Iva voa upurukiai pinai lare mere anea’anea eai pani ai.

⁶ Uku nai ipali’inake, U ane U ei ima iaki noro laru ai pinai‐liane euna, ei iaki U liakana anea’anea Iesu Keriso onu lare ai.

⁷ Opara anana nai orau laikoravai uku noro uriria eiai, uku na kipura piria pani ai, pani ai awku Iva voa eiai apakinavai, Iva voa anu miki ipawkiai, nai oiane; na umu ai nai na‐mi’ina, uku noro nai kiripai ei la’aruku monou aua‐mi’ina.

⁸ Uku Eloi na ione ua?-?rokona, i Keriso Iesu unu umu‐mai noro uriria nai umu‐nakana.

⁹ Na nawki eire, uku nomo umu lai evera, lai parea ane, meriane‐iai, voa e kevakeva noro ipia‐miane‐iai;

¹⁰ Uku opara ima noro evere’eane‐iai; noro awku opara parea a’a keia’ane‐iai, mua eria miane‐iai, anea’?-?anea Keriso onu lare ai;

¹¹ Ei opara anana anu uru i Iesu Keriso mere anena noro evopoakeia’ane‐iai, Eloi inu kopai, avioia ane, eiai.

¹² Uku noro ipaliai nai umuli’ina, ovaki airavaki e, lai kukupuna nai miane euna Iva voa upurukiai oro paioka’ane euna.

¹³ Amua anu aiai uriria awkono avao ai, mako‐mako ai ane, ei voa ipaliakeina, nai kipura piria a’a keina Keriso eiai;

¹⁴ Aroa a’a aila ane, i na kipura piria iviri‐eiakeina, kore eria eai Eloi inu Iva voa oro iviri omoro kuruna.

¹⁵ Omo a’a varomo, uku namani, iara ane, oro Keriso omoro kuruna, a a’a e uku umu oro Keriso omoro kuruna.

¹⁶ Ei ika kaupu Keriso omoro kuruna uku oro umu‐ikana, oro ipalimakina uku Iva voa eiai apakinavai nai eu ai pokoina;

¹⁷ A pinai kaupu Keriso omoro kuruna uku namani, ewaea ane, eiai: oro laikoramakina orau na kukupuna kipura marea ai oro ovara?-?emakina.

¹⁸ Oiama‐kuru’i? Ewaea voa naea, voa miki naea, Keriso omoro kuruakeina; ou uku eiai nai kopaili’ina, lia, kopailiakana ane.

¹⁹ Uku nai ipali’inake, i nomo nawki mere, Iesu Keriso onu Avaea ane, ei omoro opara urukiakana na iawka eiai,

²⁰ Orau nai iviri umuli’ina, araea’araea li’ina ane, nai uku mi’inavaia makiri ipaliai, a i na iviri voa panipani ai, eai awku Keriso avioiakeia’ane‐iai na kape ai, i na rokoa naea, i na imua naea.

²¹ Nai rokoane, Keriso eiai nai rokona, nai imuane, kavani nai mi’ina.

²² Nai kape ai rokoane, iaki mo uakeina nai eiai, uru meria iaki ane: rokoai naea, imuai naea, eka ie’eai nai a‐ipali’inakea.

²³ Nai lai koravakeina orere eiai; enavai Keriso kiripai pokoiai nai umuli’ina; ima‐ima miki ioure.

²⁴ A uku uakeina nai kape ai pokoi‐liviai uku noro eiai.

²⁵ Ei lai nai mi’ina, nai ipali’ina kapoi noro kiripai nai pokoiakana, noro uriria kiripai iaki‐limakeiakana, uku nomo pirimaroakoa anu la’ava, kopai ane, paiokavai:

²⁶ Orau noro avioia uku mo miane‐iai Keriso Iesu ai nai eiai, uku noro ai nai vairuna.

²⁷ Noro oivirine nomo opara Keriso onu Iva voa avioiane‐iai, noroainai anea’ane, inamu‐naiane naea, nai aneape liane, nomo uru e nai viriane naea, nai ipaliane‐iai noro avaea monou oimakina, lai monou ane a’a monou orau Iva voa anu pirimaroakoa eiai noro apakina’amakina;

²⁸ Nomo mani a’a anu paku ai noro kore pa liai. Nomo iviri omo oava anu veia keiakana, a noro eiai nomo iviri nomo iawka anu veia keiakana, veia Eloi mere anemakina.

²⁹ Orau iva nakuakeina Keriso pirimaroakoai, orau iva nakuakeina kukunu miai Keriso eiai;

³⁰ Apaki nai miaka noro inamu‐oinave ane, eai virina nai mi’ina, kurua apaki noro awku mi’ina.