Pilemona 1 - Kuruei Voa Nawawrea 1920

¹ Paulo kipura piria a’a Iesu Keriso eiai, Timoteo ane ene aroa a’a, ei revareva Pilemona eiai, ene naumuki, iaki paioka a’a ane,

² Ene naumuki Apia eiai, Arekipo ane ene paioka‐aiai eiai ane, ekalesia a’a eiai ane ni marea ai:

³ La’aruku noro uriria nakuakeinamoki, airu ane, i Eloi ene Mai mere, Amua Iesu Keriso mere ane.

⁴ Panipani ai na Eloi nai kopai‐awkana, ni nawi nai kairinani‐kuruane na nawki voa ai, na aroa a’a e,

⁵ Uku nai uru virimakina uku umu, pirimaroakoa ane, ni e‐mi’ina Amua Iesu i, iaa a’a uriria i ane;

⁶ Nai nawki‐awkamakina uku oro ni pirimaroakoa aua‐mimakina a’a e anana umu uriria inamu‐eiane‐iai ene ai Keriso i.

⁷ Uku ni umu ai kopai ovara, pai‐oka ane, nai auiane euna, uku Eloi inu a’a anu umu rokoa‐eiake?-?ia’ane euna i ni mere, aroa a’a e.

⁸ Ou uku eiai, uku Keriso ai nai nikiai li’ina uku opara anana ni liai limakina,

⁹ A uku umu eiai nai nanuku‐nikana, nai ane Paulo mai‐vaki, kipura piria vaki ane Keriso Iesu eiai,

¹⁰ Na mere Onekimo eiai, uku una mekai nai evere’eane euna na kipura piria pani ai.

¹¹ Eni pani ai u pai‐oka eria vaki kei’inave ni eiai, a eai u pai‐oka vaki keina ni eiai, nai awku eiai:

¹² U ni ai vairuai nai okaivirimakina, orau liai na nane nai upumakina.

¹³ U nai ai pokoiai uku i’iviriai nai umuli’inave, ni kava a’a orau na kipura piria pani ai Iva voa eiai:

¹⁴ Anea’anea ni lai nai ipaliane nai eria li’inave, uku ni verukua pai’ikava’ane‐iai, uku peo ni ni’inua?-?keina.

¹⁵ Ei uku eiai naea u lai?-?awkavakei’inave ni mere, ni umu‐aiane‐iai ni a’a orau opai keiakana eiai;

¹⁶ Aivara a’a orau apea, a na naumuki aroa a’a kapoi ni umu‐aiane‐iai, u naumuki a’a keia’ane‐iai ni eiai, uku u miki rokoa a’a, u ekalesia aroa a’a ane.

¹⁷ Ni a’a orau ni umu‐ikava’ane, orau ni umu‐ikana ni umu‐awkane.

¹⁸ U namea‐nikava’ane euane, u ni kamaia a’a keia’ane moni eiai, una moni kamaia na nawi eiei ai kikirine.

¹⁹ Nai Paulo i na eve ei revareva kikirina, una moni kamaia nai kavani iki nikuakana. (Nai voa eria kuruna uku ni kamaia nai eiai, uku ni nane ane u kamaia‐awka?-?vakeina nai eiai.)

²⁰ Lia, aroa a’a e, ei kopai ikune Amua eiai. Na umu rokoa‐ene Keriso ai.

²¹ Uku nai ipali’ina kapoi na lai ni evere’eiakana nai kikirinina, uku nai ipali’ina na lai ni veruku evere’eiakana.

²² Keia mako awku nai eiai ni evere’eakana, uku nai araea’araea‐limakina uku ni nawki eiai nai ururuiakeia?-?kana ni ai aneai.

²³ Epapara kipura piria a’a nai kiripai Keriso Iesu ai u keponina;

²⁴ Mareko ane, Areketaku ane, Dema ane, Luka ane, oro na pai‐oka a’a.

²⁵ Amua Iesu Keriso onu la’aruku ni avaea kiripai rokonamoki. Amene.