Mataio 7 - Kuruei Voa Nawawrea 1920

¹ Mua pa awkavai, noro mua‐nakavakeinavaia.

² Uku orau noro mua‐awkana, orau noro mua?-?nakavakeiakana: kurua ikiau noro a’a e ipina kurua ikiau noro ipiakeiakana.

³ Uku oiana iri‐uku mau’u ni inamu‐ekiawkana ni aroa a’a anu inamu laru ai, a iri uku ovara ni inamu laru ai ni laikora‐nikiapea?

⁴ Ei voa naea, ni eka’amakurumau ni aroa a’a, Evere’enamiki iri‐uku mau’u mi‐awmiai ni inamu mere, iri‐uku ovara ni inamu laru ai keia’ane kapoi?

⁵ Ewaea vaki e, pinai iri‐uku ovara mi‐awmi’ine ni inamu mere; ni imai inamu‐oiakana iri‐uku mau’u mi‐awmiai ni aroa a’a anu inamu mere.

⁶ Iaa pei oroko pa ekuai, nomo mairi awku a’uri inu paku ai pa kaiai, oro mairi euninavaia, oro urukinavaia, oro koranami’inavaia.

⁷ Nawki‐li’ine, la’aruku au‐nikuakeiakana; vorone, ni auiakana; vakine, kikau?-?auakeiakana ni eiai:

⁸ Uku nawki‐lia a’a kavakava mi’ina; voroa a’a awku auina; u eiai awku u vakina kikau auakeina.

⁹ Nomo a’a koana una mere u nawki‐awkava’ane pu aw eiai, una mere u rawre awkuna?

¹⁰ Mere una mekai nawki‐awkava’ane emeiki eiai u mere paiko ama‐awkumau?

¹¹ Noro namea a’a keina, noro ipaliane ima la’aruku nomo mere ekuai, nomo Mai pani muku ai ima la’aruku ekuapeana a’a‐oro nawki‐awkana?

¹² Ou uku eiai awku uriria noro umuli’ina a’a e liai noro eiai, orau noro awku li’ine oro eiai: Vupu unu voa eire, laikorava a’a anu ipawkia voa ane.

¹³ Akiki kikau unu epo ai ikirine: uku oava anu kikau, kapea ane, peava?-?keina, a’a aila peava kikau ai ikirina;

¹⁴ Uku rokoa anu kikau, kapea ane, akikikeina, a’a ailapea kurua kikau auina.

¹⁵ Nomo nane eivirine arauau ipawkia a’a‐oro eiai, voa kekepa oro noro ai anena, omo lai laru ai iara uakeina.

¹⁶ Uku omo opara anu uru noro ipa‐elauakana. A’a karara mere veila ama?-?kou’i? kaivaea awku a’a mao mere ama‐ei’i?

¹⁷ Orau awku uku ima iri kavakava u ima uru merina; ivave iri awku ivave uru merina.

¹⁸ Ima iri ivave uru meriai liapea, ivave iri awku ima uru meriai liapea.

¹⁹ Iri kavakava ima uru meriape u areakeina, iau laru ai ruawkavakeina ane.

²⁰ Uku omo opara anu uru noro emoki ipa‐elauakana.

²¹ A’a kavakava peo u erau voa kuruina, Amua e, Amua e, pani muku ai ikiriakana; a u ane u Na Mai pani muku ai kamaia‐awkana u ikiriakana.

²² Kurua lare ai a’a aila erau voa kuruiakana, Amua e, Amua e, i Ni nawi enei laikorava voa kuruapeana? i Ni nawi avaea lipi enei laeiapeana? i Ni nawi iva iaki enei liapeana?

²³ Nai erau voa kurueakana kapoi, Nai a‐ipa‐nalau?-?navea: enara, Na paku mere, namea‐lia a’a e.

²⁴ A’a kavakava Na ipawkia voa virina, kamaia‐ekana ane, u lai evera a’a mikirina una marea rawre upa mere u la‐okana:

²⁵ Lai karuma‐karuma lilina, ere aru‐mai anena, kavaea ovara evukina, kurua marea vakina ane, marea a‐ara’anavea, uku kurua marea rawre upa mere la‐okavakei’inave.

²⁶ A’a kavakava Na ipawkia voa virina, kamaia?-?ekavapeo, u avuavu a’a mikirina una marea miri upa mere la‐okana:

²⁷ Lai karumakaruma lilina, ere aru‐mai anena, kavaea ovara evukina kurua marea vakina ane, marea ara’anave: marea anu oava?-?mai kei’inave.

²⁸ Iesu ei ipawkia voa oailiaka’ane, a’a aruru varuavakei’inave uku Una ipawkia voa eiai:

²⁹ Uku iva‐mia a’a orau U ipekinave, omo Kikiria a’a orau a‐ipekinavea.