Mataio 6 - Kuruei Voa Nawawrea 1920

¹ La’aruku pa awkuai a’a anu paku ai uku oro nomo umu opara inamu‐oiane‐iai; noro la’aruku awkuane a’a anu avioia eiai kavani eria keiakana noro eiai nomo Mai mere pani muku ai.

² Noro la’aruku awkuane pi’i laea pa liai nomo paku ai ewaea a’a‐oro orau li’ina omoro marea laru ai, pai’iri inu kanikara ai ane, uku oro a’a aruru unu avioia miane‐iai. Nai kurunaina kapoi, Omo kavani oro mi’ina.

³ Noro la’aruku awkuane oivirine nomo eve keau ipali’inavaia la’aruku nomo eve miki awkuna:

⁴ Oivirine nomo la’aruku vauavaua awkuakeia’ane, nomo Mai vauavaua ai inamu‐oina U kavani nakuakana.

⁵ Noro nawki‐awkava’ane, ewaea a’a‐oro orau noro pa liai: nawki‐awkavai omoro marea laru ai oimakina, pai’iri kanikara ai ane, oro umuli’ina, a’a‐oro inamu‐eiane‐iai. Nai kurunaina kapoi, omo kavani oro mi’ina.

⁶ Noro nawki‐awkava’ane, nomo marea anu lalava ikirine, kikau awkune ane, nomo Mai vauavaua ai noro nawki‐awkane, nomo Mai vauavaua ai inamu‐oina, U kavani nakuakana.

⁷ Noro nawki‐awkava’ane kape eria voa uaro pa awkavai orau lai unuku a’a‐oro li’ina: oro laikorana omo nawki viriakeiakana uku omo uaro voa eiai.

⁸ Omo opara pa ipi‐awmiai uku nomo Mai nomo oea‐rokoa ipali’ina nomo nawki inu pani paku ai.

⁹ Erau voa noro nawki‐awkane; Ene Mai e, pani muku ai, Ni nawi iaa evere’enamoki,

¹⁰ Ni eiei anenamoki. Ni lai pani va’au ai, pani muku ai orau, li’inamoki.

¹¹ Ei lare pei akune ei lare eiai.

¹² Enei paue’ami’ine ene namea opara eiai, orau ene mani a’a enei paue’emiane euna.

¹³ Ailia pani ai Ni paiakane, avaea lipi mere Ni iakane: uku eiei, iva ane, evao’evao ane, Ni eiai keina opai keiakana. Amene.

¹⁴ Noro a’a e paue’emiane omo opara lipi eiai nomo pani muku Mai awku pauena?-?miakana nomo namea opara eiai.

¹⁵ Noro a’a e paue’em?-?iape liane uku omo namea opara eiai, nomo Mai awku pauenamiapea nomo namea opara eiai.

¹⁶ Noro pei lariliane ewaea a’a‐oro orau paku moroa noro pa miai, omo paku oro rurupu‐ekana a’a‐oro inamu‐eiane‐iai oro pei larili’ina. Nai kurunaina, Omo kavani oro mi’ina.

¹⁷ Noro pei lariliane nomo uku kimari mera muri muramura orekane, nomo paku awku erekine;

¹⁸ Uku a’a aruru inamu‐oinavaia noro pei larilimakina, a nomo Mai vaua?-?vaua ai inamu‐naiane‐iai: nomo Mai vauavaua ai inamu‐oina U kavani nakuakana.

¹⁹ Noro eiai pani va’au ai aru pa roikiai, uku io, iri‐aro ane, aru oa’ana, avapu a’a awku aru unu keia mako koravaka‐ikirina, aru avapuli’ina ane.

²⁰ Noro eiai ima awku roikine pani muku ai, iou ai io, iri‐aro ane, a‐oa’anakea, avapu a’a awku a‐ikirinakea.

²¹ Uku iou ai nomo aru uakeina, iou ai nomo umu awku keiakana.

²² Inamu kape enu lamepa keina: inamu unu emai ima keia’ane, nomo kape iki pamea evopoakeina.

²³ A nomo inamu unu emai lipi keia’ane nomo kape iki muru evopoakeina. Kurua pamea noro laru ai muru keia’ane, kurua muru ovara kapoi.

²⁴ A’a kapeo amua rere kamaia‐ekavai li’ina; amua monou u vai’i‐awkavakana naea; amua mo umu‐awkavakana naea; amua monou u paiokavakana naea, amua mo u lari‐awkavakana naea. Eloi, moni ane, noro kamaia‐awkavai liapea.

²⁵ Ou uku eiai Nai kurunaina, Lai kukupuna pa miai pei eiai, ere awku eiai, noro navakana; kape awku eiai uku a’a kape noro lukiaka?-?rokoakana. Rokoa pei inu amua peana? Kape a’a kape enu amua peana?

²⁶ Naku‐oro inamu‐ekie?-?kane oro pani muku ai area‐enana, pei inu uru oro a?-?voenakea, iri uru oro a‐ie’?-?enakea, pei marea laru ai oro iri uru a‐roikinakea; nomo Mai pani muku ai pei ekuna. U noro naiviria?-?peana?

²⁷ Nomo a’a koana u umu?-?liane una kape u va’au‐eai amali’i?

²⁸ Uku oiana noro kukupuna mi’ina a’a kape eiai? Iri‐a’a inamu‐eine, oro iaki a‐li’inakea.

²⁹ Nai kurunaina, Solomona anu vaupa a’a kape vapara miakape vapara orau ei iri‐a’a mi’ina.

³⁰ Eloi iri‐a’a vapara ekuane, iri‐a’a ei lare rokoamakina, namai lare iau laru ai ruawkavakeiakana; a’a kape U nakuapeana, peroro e‐ea a’a e?

³¹ Lai kukupuna pa miai, erau voa pa veve’eai, Enei pei oiama‐namau? Enei a’a kape oiamalukimau.

³² Uku ei vevea lai unuku a’a panipani ai veve’ema?-?kina; nomo oea‐rokoa awku uriria nomo Mai ipali’ina.

³³ Eloi inu eiei noro pinai evorone, Una opara anana ane; ei awku uriria nakuakeiakana.

³⁴ Uku namai eiai lai kukupuna pa miai; namai inu awku namai mianeakana. Lare monou kukupuna mi’ina lare monou eiai.