Mataio 5 - Kuruei Voa Nawawrea 1920

¹ Iesu a’a aruru inamu‐eimakei’inave U akapu inanave, i‐pa’anave ane. Una aivara‐oro U ai aneaka’ane,

² Uku ipekiai U erau voa kuruenave,

³ Imunu unu oea‐rokoa a’a‐oro kopai keina, uku pani muku unu eiei oro eiai uakeina.

⁴ A’a‐oro vikirina omo namea anu mua eiai oro kopai keina, uku oro paiekava?-?keiakana.

⁵ Lai kekepa a’a‐oro kopai keina, uku pani va’au oro omoro roikiakana.

⁶ Oro awku oro navainavaili’ina, kamuri lavere‐li’ina, opara anana eiai, oro kopai keina, uku oro veruku lai aukiakeiakana.

⁷ Umu‐lia a’a‐oro awku kopai keina, uku oro umu miakana.

⁸ Lai urupu a’a‐oro kopai keina, uku oro Eloi inamu‐oiakana.

⁹ Airu‐lia a’a‐oro kopai keina, uku Eloi inu mere oro oroiakeiakana.

¹⁰ Oro awku mani‐ekavakeia’ane euna opara anana eiai oro kopai keina, uku pani muku unu eiei oro eiai uakeina.

¹¹ A’a‐oro anara‐nakava’?-?ane, oro mani‐nakava’ane, onai‐nalauane ane, uku Nai eiai, noro kopai keina.

¹² Kopaili’ine, ekeli’ine kopai‐mai eiai, uku nomo kavani pani muku ai ovara keina: laikorava a’a‐oro nomo pani paku ai oro orau mani‐ekanave.

¹³ Noro pani va’au unu ere aura keina. Ere aura una iara paukiane oiana uakei’i ere aura iara‐eai? ou ere aura ima keiape pei eiai, u kaiakeina, a’a anu are arau ai oiniakeina ane.

¹⁴ Noro pani va’au unu pamea keina. Pai’iri akapu upa mere la‐okavakeina, ou pai’iri vaua‐okavakeiai liapea,

¹⁵ Lamepa awku a’a iau a‐awkunakea maua laru ai pa‐okavai, lamepa una mako ai pa‐okavakeina pakara ai; lamepa pamea ekuna a’a uriria eiai marea laru ai.

¹⁶ Nomo pamea evao’evao‐li’inamoki a’a anu paku ai, nomo opara ima oro inamu‐eiane, nomo Mai pani muku ai oro avioiane ane.

¹⁷ Noro pa laikoravai Nai anea’ane Vupu oavai, laikorava a’a anu voa ane; uku oavai Nai aneape, a uku evere’eai Nai anena.

¹⁸ Nai kurunaina kapoi, Anea’anea pani muku, pani va’au ane, upupuakeia’ane, voa mau’u Vupu unu voa mere upupuakeipea anea’?-?anea Vupu unu voa uriria evere’eakeia’ane.

¹⁹ Ou uku eiai a’a kavakava ei Vupu unu aua mau’u inaka liakana, u a’a‐oro orau liai ipekiakana, pani muku eiei laru ai u avioia mau’u miakana: a a’a kavakava ei Vupu kamaiali’ina, ipekina ane, avioia ovara pani muku eiei laru ai u miakana.

²⁰ Nai kurunaina, Nomo opara anana Kikiria a’a, Parisea a’a ane enu opara anana upai la’avape‐liane, pani muku unu eiei laru ai noro ikiriapea kapoi.

²¹ Noro viriane euna i eni a’a‐oro ei voa kuruakei’inave. A’a pa avai; a’a kavakava a’a a’ana kavana anu paku ai u voa veve’eakeiakana.

²² A Nai kurunaina, A’a kavakava uku eria ia’ia keina una aroa a’a eiai u voa vevea anu e’ei ai keina: a’a kavakava una aroa a’a erau voa kuruna, Lai eria vaki e, u e’ei ai keina Sunederi inu paku ai enavai voa vevea eiai; a a’a kavakava erau voa kuruna, Ni avuavu a’a, u Gehena anu iau e’ei ai keina.

²³ Ni epie‐pei ni mi‐anea’ane iaa pakara ai, iou ai ni laikora‐nikiane ni aroa a’a ia’ia keina uku ni;

²⁴ Ni epie‐pei i‐ave’ene iaa pakara paku ai, enara ni aroa a’a ai norere lai kekepe evere’eakeia’ane‐iai, vairune ni epie‐pei awkuai.

²⁵ Ni mani a’a kiripai emoki lai kekepe li’inamoki ni u kiripai pokoiane, u voa vevea amua nikunavaia, voa vevea amua polikimani nikunavaia, ni piriakeinavaia piria marea laru ai.

²⁶ Nai kurunina kapoi, Piria marea mere ni ururua?-?keiapea anea’anea kavani iki ni awkuane.

²⁷ Noro viriane euna i eni a’a ei voa kuruakei’inave, Eve’eve ni pa liai.

²⁸ A Nai kurunaina, A’a kavakava a’e i’imaliai inamu‐oina, una umu laru ai u eve’eveliane euna.

²⁹ Ni namea liane ni inamu miki eiai, inamu miki uakine, ni mere kaiene: ima miki ni eiai ni kape‐aru monou oavakeia ni kape iki Gehena ai kaiakeinavaia.

³⁰ Ni namea liane uku ni eve miki eiai, eve miki eine ni mere kaiene: ima miki ni eiai ni kape‐aru monou oavakeia ni kape iki Gehena ai kaia‐keinavaia.

³¹ Ei voa awku kuruakei’inave, A’a una a’e unioiane, unioia kikiria una a’e u awkunamoki.

³² A Nai kurunaina A’a kavakava una a’e unioina, a’e kana a’e peane, una a’e eve’eve‐liai u ena: a’a mo ei a’e miakana una a’e eiai u eve’eveliakana.

³³ Voa mo noro viriane euna i eni a’a kuruakei’inave, Ni voa pa aviai, ni kuruei voa Iehova eiai ni evere’eakana.

³⁴ A Nai kurunina, Kuruei voa pa kuruai; i Pani Muku kuruei voa pa kuruai uku iou ai Eloi inu amua pakara keina:

³⁵ Uku pani va’au peo; uku pani va’au Una are enu pakara keina: uku Ierusalema peo, uku Amua ovara anu pai’iri ioure.

³⁶ Kuruei voa pa kuruai ni uku eiai, uku ni iva eria mi’ina kimari monou urupu eai moroa eai ane.

³⁷ Ni voa lia naea, peo naea, lia kurunamoki, naea, peo kurunamoki, voa aila mere lipi anena,

³⁸ Noro viriane euna ei voa kuruakei’inave, Inamu uku inamu eiai, ni’iri uku ni’iri eiai:

³⁹ A Nai kurunaina, Iara a’a iara pa awkavai: a’a ni variri miki mekai vakiane, urukine ni variri keau una paku ai.

⁴⁰ A’a voa vevea amua paku ai ni eme umuliane kavani eiai, ni piliaro awku u mi’inamoki.

⁴¹ A’a ni’inuane una aruku aki eiei monou vakaruai u kiripai eiei rere enara.

⁴² Nawki a’a pei awkune, kekerea a’a mere pa urukiai.

⁴³ Noro viriane euna ei voa kuruakei’inave, Ni a’a umu‐awkane, ni mani a’a vai’i‐awkane.

⁴⁴ A Nai kurunaina, Nomo mani umu‐ekane, oro awku ivave nakana noro kopai‐ekane, oro awku vai’i‐nakana noro paiekane, oro awku mani‐nakana oro eiai nawki‐awkane;

⁴⁵ Noro nomo Mai pani muku ai inu mere keia’ane: uku Una lare inavai U evere’ena lipi a’a, ima a’a ane, eiai; opara anana a’a eiai, opara kukia a’a eiai, U lai okaivirina.

⁴⁶ A’a ane oro umu‐nakana noro awku umu‐ekava’ane oi kavani ana noro mi’ina? Aru moni akoa a’a‐oro orau liapeana?

⁴⁷ Nomo a’a‐oro e keponaiane oi kavani ana noro mi’ina, Aru moni akoa a’a‐oro orau liapeana?

⁴⁸ Noro opara anana evere’‐ene orau nomo Mai pani muku ai opara anana keina.