Mataio 3 - Kuruei Voa Nawawrea 1920

¹ Kurua pani ai Ioane Bapatiso anenave omoro kurumakei’inave Iudea eiei inu kekepere mako ai,

² Erau voa kurumakei’inave, Lai urukine noro e: uku pani muku unu eiei pani va’au ai arekamu ai anena.

³ Uku ei a’a eiai Isaia laikorava a’a erau voa kurunave, A’a monou unu voa araro laealimakina kekepere ai, Iehova anu aki‐kapea pono‐li’ine, Una are‐rokoa kapea anana‐ene ane.

⁴ Kamela kimari a’a kape ei Ioane miaka, awre una mako ai piriakei’inave; una pei kira’a, venoko ane.

⁵ Ierusalema mere, Iudea eiei iki mere, Ioridana aiara eiei mere, a’a aruru uriria elenave Ioane ai kekepere ai;

⁶ I u oro bapatiso‐ekavakei’inave Ioridana aiara ai, omo namea oro iki‐e’emakei’?-?inave.

⁷ U inamu‐eimakei’inave Parisea a’a aila, Sadukea a’a ane, u ai anemakei’inave bapatiso eiai, u erau voa kuruenave, Paiko ukua e, koama naki’e area‐enavai kurua ia’ia mere aneliviai anelia?

⁸ Lai urukia anu uru merine:

⁹ Nomo lai laru ai pa kuruai, Aberahamo ene mai?-?vaki; nai kurunaina Eloi iva mi’ina ei rawre mere kiri a’a la‐ekavai Aberahamo eiai.

¹⁰ Eai ira‐mai iri inu neva ai keimakina, iri kavakava uru ima meriape u areakeina, iau laru ai ruawkavakeina ane.

¹¹ Nomo namea mere noro lai urukiane ere nai bapatiso‐nakana; a U ane U nai neko mere ai aneliviai anelia U na amua keina; Una are‐rawre vakaruai nai imakeiapea; Avaea Iaa, iau ane, U bapatiso‐nakavakana.

¹² Una aiou Una eve mokono ai keina, i Una moai awku U urupu lauakana: Una kawni uru Una pei marea laru ai U roikiakana, a mami iau iara laru ai U ruawkavakana.

¹³ Ei pani ai Galilaia mere Iesu anenave Ioridana ai uku Ioane bapatiso‐awkava’?-?ane‐iai.

¹⁴ Ioane Una voa ei’inave, erau voa kurunave ane, Nai oea‐rokona Ni bapatiso‐ika?-?vai; uku bapatiso eiai nai ai Ni ama’ane’i?

¹⁵ Iesu erau voa kurunave Evere’enamoki ei pani ai; uku opara anana kavakava enere evere’eai limakina. U evere’enave.

¹⁶ Iesu ere bapatiso‐awkavakei’inave ane, ere mere U emoki inanave. Ou pani ai kaia auakei’inave, Eloi inu Avaea naku orau lilimakei’inave U inamu‐oinave, U upa mere pa’amakei’inave ane:

¹⁷ Kaia mere voa anenave erau voa kurumakei’inave, Na naumuki Mere ei aku, uku U eiai Nai kopaili’ina.