Mataio 26 - Kuruei Voa Nawawrea 1920

¹ Iesu ei omoro voa uriria oailiaka’ane una aivara U erau voa kuruenave,

² Noro ipali’ina lare rere mo periane Pasova purai lare anenavailia, A’a anu Mere iri keoa upa mere avai piriakeiakana ane.

³ Omoro amua a’a, kikiria a’a ane, a’a aruru unu mai‐oro ane, Kaiapa omoro amua a’a anu marea ai kaupukinave,

⁴ Oro voa ipinave oro Iesu vauavaua piriane‐iai, a’ane‐iai ane.

⁵ Oro erau voa kurunave, Purai lare ima peo, a’a aruru iarali’inavaia.

⁶ Iesu Betania ai aneaka’ane, Simona apa auma a’a anu marea ai kei’inave ane,

⁷ U ai a’e anenave, kaia maina mera muri menamena u mi‐anenave, Iesu pei na’amakei’inave, ei a’e mena?-?mena Una uku upa mere orekanave.

⁸ Una aivara ei opara inamu‐oiaka’ane oro ia’ia erau voa veve’enave, Oi opara ana ei menamena kaipuikaipui liai?

⁹ Uku ei menamena kavani ovara eiai inaealiakeia?-?kana, kavani rurupu a’a ekuakeiakana.

¹⁰ Iesu omo voa viriaka’ane U erau voa kuruenave, Uku oiana noro ei a’e kukupuna‐awkana? opara ima u liane euna Nai eiai.

¹¹ Rurupu a’a noro kiripai noro panipani ai e‐mi’ina, a noro i‐miape panipani ai.

¹² Uku ei menamena Na kape upa mere u oreka’ane euna, Na kape evere’eai i’ia pani eiai.

¹³ Nai kurunaina kapoi, Mako‐mako ai ei Iva voa omoro kuruakeiakana pani va’au iki, ei opara ei a’e liane euna upurukiakeiakana ei a’e enu uru eiai.

¹⁴ Aivara 12 inu a’a monou, nawi Iuda Isakariota, omoro amua a’a ai enanave,

¹⁵ Erau voa veve’einave ane, Nai Iesu anai‐aviane noro eiai noro oiama‐ikumau? Oro u kiripai kuruei voa kurunave moni la’a 30 eiai.

¹⁶ Ou pani mere Iesu anai‐aviai u ipi‐awmi’inave.

¹⁷ Purai inu pinai lare ai aivara‐oro Iesu ai anenave, erau voa veve’enave ane, Mako ekeiana Ni umuli’ina enei evere’eai Ni iou ai Pasova purai nava’ane‐iai?

¹⁸ U erau voa kuruenave, Pai’iri ikirira, a’a monou erau voa awkira, Amua erau voa kuruna, Na pani arekamu ai keina; Na aivara kiripai Nai Pasova purai navakana ni marea laru ai.

¹⁹ Orau Iesu ekiaka aivara‐oro li’inave; pasova pei oro evere’enave ane.

²⁰ Lare eua pani ai aivara 12 kiripai pei pakara ai U pa’anave.

²¹ Oro pei na‐amakei’inave U erau voa kuruenave, Nai kurunaina kapoi, nomo a’a monou anai‐avi’iakana.

²² Oro lai kukunu‐mai kei’inave, a’a kavakava erau voa veve’einave, Amua e, nai ana?

²³ U erau voa kuruenave, U ane una eve uru Nai kiripai aia laru ai u noiawka’ane euna, u anai‐avi’iakana.

²⁴ Orau voa kikiriakeina U eiai, A’a anu Mere enanavailia, au’a, kurua a’a eiai i u A’a anu Mere anai?-?aviakeina, ima keiaka kurua vaki eiai u kiniakeiaka livilia.

²⁵ Iuda kurua aivara anai‐avimakei’inave erau voa veve’enave, Amua e, nai ana? Iesu kurunave, Lia, nio!

²⁶ Oro pei na’amakei’inave, Iesu pei mi’inave, nawki‐awkanave ane, pei vepenave aivara ekunave, erau voa kuruenave ane, Mi’ine, na’ane, Na kape eire.

²⁷ U koiri mi’inave, nawki‐awkanave ane, ekunave ane, erau voa kurumakei’inave, Noro uriria koiri mere na’ane;

²⁸ Na aro eire orekava?-?keiakana uku a’a aila eiai namea‐oro paue‐emiai, ei aro kuruei voa nawawrea evere’ena.

²⁹ Nai kurunaina Nai uru unu ika moawku na’apea anea’anea kurua lare ai Nai uru ika nawawrea nava’ane noro kiripai Na Mai inu eiei laru ai.

³⁰ Oro awni awkavaka’?-?ane oro elenave Oliveta akapu ai.

³¹ Iesu erau voa kuruenave, Noro uriria ia’ia‐naka?-?vakeiakana Nai eiai ei kipere ai: uku ei voa kikiriakeina, Mamoe oiviria a’a Nai vaki‐awmiakana, mamoe oro laeiakeiakana.

³² A Nai moawku imua mere la’ava’ane, noro paku ai Galilaia ai Nai enavakana.

³³ Petero erau voa kurunave, Oro uriria ia’ia‐ekava?-?keia’ane Ni eiai, nai ia’ia?-?ikavakeiapea.

³⁴ Iesu erau voa kurunave, Nai kurunina kapoi, Ei kipere ai, kokora vaki inu viki pani paku ai, pani rere kaiane ni inaka‐ikavakana.

³⁵ Petero erau voa kurunave, Nai Ni kiripai imuai limakeia’ane nai inaka‐nika’?-?apea. Aivara uriria awku orau kurunave.

³⁶ Iesu oro kiripai Getesamane ai anenave, U erau voa kuruenave, Eu ai pa’ane, Nai nawki‐awkavai i‐enava’?-?ane.

³⁷ Petero, Sebede enu mere rere ane, U kiripai U are’ekanave, lai kukunu, kukupuna liai U awkamakei’inave.

³⁸ U erau voa kuruenave, Na imunu i kukupuna‐mai oiniakeina imua arekamu ai, eu ai ai’iaka pokoine, awaw pa keiai.

³⁹ Paku ai mau’u U enanave, are epo ai’inave, erau voa nawki‐awkanave ane, Na Mai e, opara anana keia’ane, ei koiri iou‐mi’inamoki; a uku Nai peo, Ni lai orau ni li’inamoki.

⁴⁰ Aivara ai U vairunave, oro awawkeimakei’inave U auienave, U Petero erau voa kurunave, Noro Nai kiripai pani mau’u oiviriai liapea.

⁴¹ Oivirine, nawki‐awkane ane, noro ailia uai laru ai ikirinavaia: avaea ivirikeina, a kape eapakeina.

⁴² U moawku enanave, erau voa nawki‐awkanave ane, Na Mai e, ei koiri iou‐miakeia’ane apea anea’anea Nai u mere nava’ane, Ni lai li’inamoki.

⁴³ U vairunave, oro awawkeimakei’inave U moawku auienave: uku omo inamu mu’u kei’inave.

⁴⁴ U ave’einave, u enanave, moawku orau nawki‐awkanave, pani rere kaiane eire.

⁴⁵ Una aivara ai U anenave, erau voa kuruenave ane, Nomo kape laikaiai aw?-?awkeine: akoi’i, pani arekamu ai A’a anu Mere anai‐aviakeiakana namea a’a‐oro eiai.

⁴⁶ Lala’ane, enei enanamaki: anai‐avia vaki arekamu ai.

⁴⁷ U voa kurumakei’inave ane Iuda, aivara kaupu una a’a, a’a aruru ovara kiripai anenave, kaia rawve, iri iei ane, oro mi‐anemakei’inave, oro omoro amua a’a, a’a aruru unu mai‐oro ane, mere anenave.

⁴⁸ Anai‐avia vaki oro vupu ekunave, u erau voa kuruenave, Kurua a’a nai epo‐awmiakana, U kurua a’a, noro pirine.

⁴⁹ U Iesu ai anenave, erau voa kurunave, Amua e, Ni ouana: u epo‐awmi’inave ane.

⁵⁰ Iesu erau voa veve’enave, Mere e, ni lai evere’ene, oro anenave, Iesu eve kane a’akinave ane.

⁵¹ Iesu unu a’a monou una rawve a’akinave, omoro amua anu aivara a’a anu keporo ei’inave ane.

⁵² Iesu erau voa awkinave, Ni rawve paiku laru ai omali’ine: oro uriria rawve a’akina, i rawve oro avakeiakana.

⁵³ Ni amalaikora’i Nai Na Mai nawki‐awkavai liapea U ane aivara‐avaea kaupu 12 pai’ikavai U ekaiviri?-?ma?

⁵⁴ A Nai orau liane Iaa revareva eka’ama‐evere’?-?eakeiamau? oro ipawkina ei awku evere’eai limakina.

⁵⁵ Iesu a’a aruru erau voa veve’einave, Noro ama’ane’i avapu a’a orau piriai rawve, iri iei ane, ipiriane‐iai? Lare kavakava noro kiripai Nai pa’ane eumakina omoro marea laru ai, ipanakiane eumakina ane, noro a‐ipirinavea.

⁵⁶ A ei awku uriria lia?-?keiane euna laikorava a’a anu Iaa revareva voa evere’?-?eakeia’ane‐iai. Ei pani ai aivara uriria U mere area‐enanave, ave’enave ane.

⁵⁷ Oro Iesu a’akiaka Kaiapa omoro amua a’a anu paku ai oro ora’anave, kikiria a’a, mai’‐oro ane, i‐kaupu kiakei’inave.

⁵⁸ Amai neko mere ai Petero e’e’okanave omoro amua a’a anu marea ikirinave ane, oailia awku inamu‐oiai marevaki a’a kiripai u pa’anave.

⁵⁹ Omoro amua a’a, mai‐oro ane, Sunederi a’a uriria ane, avia voa evoromakei’inave Iesu eiai oro ava’ane‐iai;

⁶⁰ Avia a’a aila paku ai anenave, avia a’a omo lai orau oro a‐auinavea. Neko mere ai avia a’a rere paku ai anenave.

⁶¹ Orere kurunave, Ei vaki erau voa kurunave, Eloi inu omoro marea oavai, lare rere kaiane pani ai Nai moawku la‐okavai li’ina.

⁶² Omoro amua a’a la’anave, Iesu erau voa veve’enave ane, Ni voa eria ana, oi voa ana orere ioneli’ina Ni eiai?

⁶³ Iesu voa eria kei?-?inave. Omoro amua erau voa kurunave, I Iehova rokoa nai nikina, akine Ni Keriso keia’ane, Eloi inu Mere.

⁶⁴ Iesu erau voa kurunave, Lia, U, Nai ane, monou keina; a ei voa awku Nai kurunaina, Iru pani ai A’a anu Mere noro inamu‐oiakana Iva Iki inu eve miki mekai pa’amakeiakana, kaia anu awporo upa mere anemakeiakana.

⁶⁵ Omoro amua a’a una a’a kape koranave, erau voa kurunave ane, U mai‐voa kuruane euna; oi uku ana uakei’i ione a’a mo eiai? akoi’i, Una mai‐voa noro viriane euna.

⁶⁶ Noro oiamalaikora’i, oro erau voa kurunave, A’ane uku u mua keina.

⁶⁷ Una paku variri ai oro kaunere kai’inave, vaki?-?awmi’inave ane, a’a mo omo eve kavai vaki‐awmi’inave,

⁶⁸ Erau voa kurunave ane, Laikorava voa kuruaine Keriso e, Koamavakinimi’e?

⁶⁹ Petero marea iki ai pa’anave: aivara a’e u ai anenave, erau voa kurunave ane, Iesu Galilaia a’a kiripai ni awku pokoinave.

⁷⁰ Oro uriria paku ai u erau voa kurunave, Ai, ni voa anu miki nai ipapea.

⁷¹ U marea anu ainamere ai eleaka’ane, paka moinamu?-?oinave a’a i‐pokoimakei’inave u erau voa kuruenave, Ei vaki awku Iesu Nasareta a’a kiripai uarokoanave.

⁷² U moawku kurunave, Ai, kurua a’a nai ipapea.

⁷³ Oro arekamu ai oimakei’inave neko mere ai u ai anenave, Petero erau voa kurunave, Ni awku ei a’a anu kaupu a’a keina; ni voa anai‐avinina.

⁷⁴ Anakaia voa, iara voa ane, u kurumakei’inave, erau voa kurunave ane, Kurua a’a nai ipapea. Kokora vaki emoki vikirinave.

⁷⁵ Kurua voa Iesu Petero kuruaka u laikorakinave, Kokora vaki inu viki pani paku ai pani rere kaiane ni inaka‐ikavakana. U elenave, viki ovara u vikirinave ane.