Mataio 23 - Kuruei Voa Nawawrea 1920

¹ A’a aruru, Una aivara‐oro ane, Iesu erau voa kuruenave,

² Kikiria a’a, Parisea a’a ane, Mose enu pakara ai papa’ana.

³ Awku uriria oro nakina noro li’ine, kamaiali’ine ane; a omo opara noro pa ipiemiai, uku oro a’a e ipekina opara anana eiai, a oro orau a‐li’inakea

⁴ Paua mu’u oro e‐pirina, a’a anu ano ai aina ane; a oro paua uakiai omo eve a‐oio?-?kanakea.

⁵ Awku kavakava oro li’ina oro orau li’ina uku a’a e inamu‐eiane‐iai: omo eve ua oro peavali’ina, omo a’a kape enu puru oro va’auli’?-?ina.

⁶ Purai mako ai, omoro marea laru ai ane, ima pa’ava mako oro umu‐li’ina,

⁷ A’a anu kepoia voa ane oro umuli’ina pai’iri kanikara ai, nawi Rabi oroiakeiai oro umuli’ina.

⁸ Nawi Rabi noro pa miai: monou e nomo Amua rokona, noro uriria aroa a’a keina.

⁹ Pani va’au ai a’a nawi mai pa oroiai: uku monou e nomo Mai uarokona pani muku ai.

¹⁰ Nawi amua awku noro pa miai: uku monou e Keriso, U nomo amua keina.

¹¹ Kurua vaki laikorana u nomo amua a’a keina u nomo aivara a’a keiakana.

¹² Kurua vaki una nane are’ena u rurupu eakeiakana: u ane una nane u rurupu‐ena u are’eakeiakana.

¹³ Au’a noro e, kikiria a’a e, Parisea a’a e, ewaea a’a e! uku pani muku eiei inu kikau noro awkuna a’a ikirinavaia: noro a‐ikirinakea, oro ikiriai umuli’ina noro evere’eiapea.

¹⁴ Au’a noro e, kikiria a’a e, Parisea a’a e, ewaea a’a e! uku a’e kepea anu marea noro avapuli’ina, nawki va’au awku noro awkana a’a ewaea‐ekavai: kavani lipi ovara noro miakana.

¹⁵ Au’a noro e, kikiria a’a e, Parisea a’a e, ewaea a’a e! uku ere aura, pani va’au ane, noro avikina a’a monou oravai nomo kaupu laru ai, u nomo a’a evere’eakeia’ane, nomo iviri una iviri ipi’ipiapea Gehena anu opara eiai.

¹⁶ Au’a noro e, inamu‐apua orava a’a e, noro erau voa kuruna, A’a kuruei voa kuruane omoro marea eiai, kurua voa eria keina: a a’a kuruei voa kuruane omoro marea anu moni eiai, i una kuruei voa u piriakeina!

¹⁷ Inamu‐apua avuavu a’a e: ekara ovara ana, moni ana, omoro marea ana, marea ana moni iaa’ena?

¹⁸ Ei voa awku noro kuruna, A’a kuruei voa kuruane iaa pakara eiai, kurua voa eria keina; a a’a kuruei voa kuruane epie pei eiai iaa pakara upa mere i una kuruei voa u piriakeina.

¹⁹ Inamu‐apua avuavu a’a e: ekara ovara ana, epie pei ana, iaa pakara ana, iaa pakara epie pei iaa‐ena?

²⁰ A’a kuruei voa kuruna i iaa pakara, u kuruei voa kuruna uku iaa pakara, awku uriria ane iaa pakara upa mere keina.

²¹ A’a kuruei voa kuruna i omoro marea, i omoro marea, u awku laru ai pokoina, u kuruei voa kuruna.

²² U ane u kuruei voa kuruna i pani muku, i Eloi inu pakara, i U ane pakara ai pa’ana, u kuruei voa kuruna.

²³ Au’a noro e, kikiria a’a e, Parisea a’a e, ewaea a’a e, uku minete, aneto, kumino ane, noro kavani awkuna ei urupei eiai, a uku Vupu unu omoro awku, voa vevea anana, umu ane, pirimaroakoa ane noro inaka?-?ekava’ane euna: ei awku noro liai liane euna, awku e ane noro liai liape.

²⁴ Inamu‐apua orava a’a e, noro makoukina neai eiai nomo kamuri laru ai, kakaia iki noro enakana.

²⁵ Au’a noro e, kikiria a’a e, Parisea a’a e, ewaea a’a e! uku koiri, ainau ane, iki ai noro urupu‐eina, a laru ai oro voviri, i’ima ane, evopoakeina.

²⁶ Inamu‐apua Parisea a’a e, koiri laru ai pinai urupu‐ene, ainau ane, iki ai awku urupu keiakana.

²⁷ Au’a noro e, kikiria a’a e, Parisea a’a e, ewaea a’a e! uku noro maina urupu lauoi mikiriakeina, oro iki ai vapara keina, a laru ai oro imua a’a anu la’aro pomoa evopoakeina.

²⁸ Kurua voa miki keina noro eiai: iki ai a’a anu paku ai noro opara anana a’a mikiriakeina, a laru ai noro ewaea, namea ane, evopoakeina.

²⁹ Au’a noro e, kikiria a’a e, Parisea a’a e, ewaea a’a e! uku noro laikorava a’a anu lauoi la‐ekana, opara anana a’a anu lauoi noro vapara‐ekana,

³⁰ Erau voa kuruna ane, Enei rokoaka livilia ene a’e mai ane enu pani ai enei oro kiripai laikorava a’a e‐ava?-?kape.

³¹ Noro iki e’ena noro laikorava a’a anu avé a’a anu mere keina.

³² Nomo a’e mai ane enu mua noro evopone.

³³ Paiko e, kaika anu kiri e, noro eka’ama‐area‐enamau Gehena mere?

³⁴ Ei uku eiai laikorava a’a, lai evera a’a ane, kikiria a’a ane, noro ai Nai ekaiviri?-?makina: varomo noro e‐avakana, iri keoa upa mere e‐avakana; oro varomo nomo omoro marea laru ai noro vaki‐emiakana, mani‐ekavakana pai’iri mere pai’iri ai:

³⁵ Uku opara anana a’a uriria anu aro pani va’au ai upuakei’inave noro upa mere anea’ane‐iai, Abela opara anana a’a anu aro, Sakaria Barakia anu mere enu aro ane, u ane noro a’anave omoro marea vimu ai iaa pakara paku ai.

³⁶ Nai kurunaina kapoi, Ei awku uriria aneakana ei kiri a’a eiai.

³⁷ Ierusalema e, Ierusalema e, ni ane ni laikorava a’a e‐a’ana, oro awku ni ai ekaiviriakeina ni rawre korei?-?na, pani aila ni ukua mere Nai kaupukiaka, kokora orau una ukua kaupukina una va’ao arau ai, a noro umuliape!

³⁸ Akoi’i, nomo marea oavakeina noro eiai.

³⁹ Uku Nai kurunaina, Noro moawku inamu‐i’iapea anea’anea noro erau voa kuruane, U ane U Iehova anu nawi aneliviai anelia U kopai‐awkavakeina.