Mataio 17 - Kuruei Voa Nawawrea 1920

¹ Lare 6 periakei’inave ane, Petero, Iakobo ane, Ioane ovaki ane Iesu akapu upa mere eravaka‐inanave epuri mako ai.

² Omo paku ai U ae’epuakei’inave: lare enu evao’evao orau Una paku akuruli’inave, Una a’a kape pamea anu urupu orau kei’inave.

³ Omo paku ai Mose, Elia ane, erenave Iesu kiripai voa ekinamakei’inave.

⁴ Petero Iesu erau voa kurunave, Amua e, ima eire enei eiai eu ai pokoiai: Ni evere’eane enei komo marea rere kaiane la’ekanameki; monou Ni eiai, mo Mose eiai, mo Elia eiai.

⁵ U voa kurumakei’inave ane, awporo evao’evao ruekinave, voa awporo mere erau voa kurunave, Na naumuki Mere ei aku, U eiai Nai kopaili’ina, noro kamaia‐awkane.

⁶ Aivara‐oro ou voa viriaka’ane, oro are epo ai’inave, korekei’inave ane.

⁷ Iesu oro ai anenave, neke’enave ane, erau voa kuruenave ane, Lala’ane, kore pa liai.

⁸ Oro inamu‐ekiaka’ane Iesu e oro inamu‐oinave.

⁹ Oro akapu mere kinumakei’inave ane, Iesu erau voa ekinave, Avaea‐awku noro inamu‐oiane euna a’a kapeo awkine anea’anea A’a anu Mere imua mere la’avakeia’ane.

¹⁰ Una aivara‐oro erau voa veve’enave, Uku oiana kikiria a’a kuruna Elia pinai aneai limakina?

¹¹ Iesu erau voa kuruenave, Elia pinai aneakana kapoi, awku uriria evere’eakana ane.

¹² A Nai kurunaina, Elia anea’ane euna, oro a‐ipali’inavea, orau oro umuli’inave oro mani‐awka’?-?ane euna. Orau A’a anu Mere awku oro mani‐awkavakana.

¹³ Ou pani ai aivara‐oro ipali’inave U kuruemakei’inave uku Ioane Bapatiso eiai.

¹⁴ Oro a’a aruru ai aneaka’ane U ai a’a monou anenave, Una paku ai are epo ai’inave, erau voa kurunave,

¹⁵ Amua e, na mere umu‐awkane: uku u oia naonao keina, maia ovara‐mai ane: pani aila iau laru ai u ara’ana, pani mo u ere laru ai ara’ana.

¹⁶ Nai arekanave Ni aivara anu paku ai oro aukarikavai a‐li’inavea.

¹⁷ Iesu erau voa kuruenave, Peroro e’ea kukia kiri a’a e, Oi pani ana Nai noro kiripai pokoiliviai pokoilia? Oi pani ana Nai painakava?-?liviai painakavalia? ukua arekane Na paku ai.

¹⁸ Imunu lipi Iesu ei’inave; u ukua mere ave’enave; ukua emoki aukarikavakei’inave.

¹⁹ Aivaro‐oro Iesu ai vauavaua anenave, erau voa veve’enave ane, Uku oiana enei imunu laoiai a‐li’inavea?

²⁰ Iesu erau voa kuruenave, Uku nomo peroro e’ea eiai: Nai kurunaina kapoi, Noro pirimaroakoa miane sinapi uru ipi’ipia, noro ei akapu kuruakana, Laikine uku i‐pokoiai; akapu laikiakana; awku eria keiakana noro evere’eai liapea.

²¹ A i nawki‐awkava, pei larilia ane, ei imunu kaupu elena.

²² Oro Galilaia eiei ai aki‐pokoimakei’inave ane Iesu erau voa kuruenave, A’a anu Mere anai‐aviakeiakana a’a anu eve ai:

²³ Oro avakana, lare rere kaiane enu lare ai U moawku la’avakeiakana. Oro lai kukunu‐mai kei’inave.

²⁴ Oro Kapernauma ai paiaka’ane moni akoa a’a Petero ai anenave erau voa veve’enave ane, Ni amua kavana anu akoa moni awkuapeana?

²⁵ U kurunave, Lia. U marea laru ai ikirimaneaka’ane, Iesu pinai erau voa veve’enave, Ni oiamalaikora’i Simona e? Pani va’au unu amua‐oro kavana akoa moni omo a’a mere ama‐mi’i, kikoro a’a mere ana?

²⁶ Petero kuruaka’ane, Kikoro a’a mere, Iesu kurunave, Oaio! ukua mere kavana akoa moni a‐awkunakea

²⁷ A enei lai kukupuna?-?ekanavaia Ururu ai ve’ene, kimai ere ai ururune, pinai nava ni miakana una ane aikane; ane laru ai ni moni auiakana: kurua moni kavana moni akoa a’a ekura Nai eiai, ni awku eiai.