Mataio 16 - Kuruei Voa Nawawrea 1920

¹ Parisea a’a‐oro awku Sadukea a’a‐oro kiripai U ai anenave, oro nawki‐awkanave vupu kaia ai U ipekiai.

² U erau voa kuruenave, Lare eua pani ai noro erau voa kuruna, Pani lare uakaiakana uku kaia aira kerere keina;

³ Merea pani ai noro erau voa kuruna, Ei lare pani lipi uakaiakana uku kaia aro, nekuku awku, keina. Kaia anu vupu‐oro noro ipali’ina, a pani inu vupu‐oro noro a‐ipalinakea.

⁴ Namea eve’eve kiri a’a vupu vorona; vupu eria awkuakeiakana, Iona laikorava a’a anu vupu e uakeina oro eiai. U ave’einave Una aki enavai.

⁵ Una aivara‐oro iou ane mekai maneaka’ane pu mi‐aneai oro aikavaka.

⁶ Iesu erau voa kuruenave, Oivirine uku Parisea a’a, Sadukea a a ane, uku omo opara eiai veila ika orau parua’ana.

⁷ Oro erau voa ekinamakei’inave, Ei voa naea uku enei pu mi‐aneai aika’ane euna.

⁸ Oro voa ekinamakei’inave Iesu inamu‐ei’inave ane U erau voa kuruenave, Peroro e’ea a’a e, uku oiana noro voa nakinamakina uku noro pu eria mi’ina?

⁹ Noro ipapeana, pu aw 5 ane a’a aruru 5,000 mi’inave noro laikora‐nakiapeana, kekai ekara aru ana noro pei kakai ama‐roiki’e?

¹⁰ Pu aw 7 ane a’a aruru 4,000 mi’inave, kekai ekara aru ana noro pei kakai ama‐roiki’e?

¹¹ Uku oiana noro ipapea Nai a‐kurunainavea uku pu eiai Nai erau voa kuruane, Oivirine uku Parisea a’a, Sadukea a’a ane, uku omo opara eiai veila ika orau parua’ana?

¹² Ou pani ai oro ipali’inave U a‐ekinavea uku pu unu veila ika eiai, a uku Parisea a’a, Sadukea a’a ane, enu ipawkia voa eiai U ekinave.

¹³ Iesu Kaisaria Pilipi ai paiaka’ane Una aivara‐oro U erau voa veve’einave, Uku Nai A’a anu Mere a’a‐oro oiamakuru’i?

¹⁴ Oro erau voa kurunave, A’a varomo kuruna Ni Ioane Bapatiso: a’a mo kuruna Elia, a’a e kuruna Ieremia naea, laikorava a’a anu a’a monou naea.

¹⁵ U erau voa veve’einave, A noro oiamakuru’i uku Nai?

¹⁶ Simona Petero erau voa kurunave, Ni Keriso, Eloi rokoa anu Mere.

¹⁷ Iesu erau voa kurunave, Simona Ba‐Iona e, ni kopai‐awkavakeina uku oia, aro ane, ei lai evera ipanikiape, Na Mai pani muku ai U e ei lai evera ipanikiane euna.

¹⁸ Nai kurunina kapoi, Ni Petero keina, ei rawre upa mere Na ekalesia Nai la‐okavakana; Hade enu kikau Na ekalesia upupuapea.

¹⁹ Pani muku eiei inu taviri Nai nikuakana: awku kavakava pani va’au ai ni piriakana pani muku ai piriakeiakana: awku kavakava pani va’au ai ni ururuakana pani muku ai ururuakeiakana.

²⁰ U Keriso keina U ekinave a’a e pa awkiai.

²¹ Kurua pani mere Una aivara Iesu ipekinave Ierusalema ai U enavai limakina, kukunu aila miakana mai‐oro mere, omoro amua a’a‐oro mere, kikiria a’a‐oro mere, avakeiakana, lare rere kaiane periakeia’ane imua mere la’avakeiakana.

²² A’a mere Petero ora’anave, erau voa kurunave ane, Amua e, ei awku evere’eakeiapea Ni eiai.

²³ U urukinave, Petero erau voa awkinave, Neko mere ai enara Satani e: ni uai keina Nai eiai: ni lai Eloi inu lai peo, a’a anu lai ni mi’ina.

²⁴ Iesu Una aivara‐oro erau voa kuruenave, A’a e’e’ikavai umuliane una nane u inakali’inamoki, una iri keoa u uakinamoki, e’e’ikanamoki ane.

²⁵ Uku a’a kavakava una rokoa iawkavai umuli’ina una rokoa u paukiakana: a’a una rokoa paukiai umuli’ina Nai eiai una rokoa u auiakana.

²⁶ Oi kavani ana a’a miakana u pani va’au iki miane, a una imunu u paukiane? oi kavani ana a’a awkuakana una imunu eiai?

²⁷ Uku A’a anu Mere Una Mai inu evao’evao aneakana Una aivara‐avaea oro kiripai: a’a anu opara orau u liane euna U a’a kavakava kavani awkuakana.

²⁸ Nai kurunaina kapoi, A’a varomo eu ai oimakina oro imuapea anea’anea A’a anu Mere oro inamu‐oiane Una eiei ai aneliviai anelia.