Mataio 13 - Kuruei Voa Nawawrea 1920

¹ Kurua lare Iesu marea eleaka Ururu unu avao ai U pa’amakei’inave,

² Uku a’a aruru U ai kaupukinave U mapea lakenave, i‐pa’anave ane, a’a aruru uriria miri ai oi’inave.

³ Aipo voa aila U omoro kuruenave, U erau voa kurunave, Uru voea a’a uru voeai elenave;

⁴ U voemakei’inave ane uru varomo kapea ai ara’anave, naku‐oro lilinave uru na’anave ane:

⁵ Uru mo rawre mako ai ara’anave, kae mo’onu peo mako ai: uru veve emoki lala’anave uku kae mo’onu a’kei’inavea:

⁶ Lare inavaka’ane oro vero‐e‐avakei’inave; uku oro neva eria miaka oro paroroli’inave.

⁷ Uru mo aimu awkono avao ai ara’anave; aimu‐oro lala’anave uru‐oro awkoni?-?eka’anave.

⁸ Uru mo kae ima mako ai ara’anave, uru merinave ane, veve monou mere varomo uru 100 merinave, mo, uru 60 merinave, mo uru 30 merinave.

⁹ Keporo‐mia a’a u veri?-?namoki.

¹⁰ Aivara‐oro U ai anenave, erau voa veve’enave ane, Uku oiana Ni aipo voa omoro kuruena?

¹¹ U erau voa kuruenave, Uku lai evera nakuakeina pani muku eiei inu vaua?-?vaua awku ipaliai, a oro eiai lai evera awkuakeiapea.

¹² A’a lai evera mi’ina, lai evera mo awkuakeiakana, lai evera evereverea u miakana: a kurua a’a u ei lai evera miape, kurua lai evera u mi’ina u mere iou‐miakeiakana.

¹³ Ou uku eiai Nai aipo voa omoro kuruena: uku oro inamu‐ekimakina oro inamu‐a‐oinakea; oro keporo mi’ina oro a‐virinakea, voa anu miki oro a‐ipali’inakea.

¹⁴ Omo lai laru ai Isaia laikorava a’a anu voa evere’eakeina: Noro viriakana, viriakana, a voa anu miki noro ipapea; Inamu‐ekiakana, inamu‐ekiakana, noro inamu‐oiapea.

¹⁵ Uku ei a’a aruru unu lai murukeina, Omo keporo namau keina, Omo inamu oro apuriane euna; Omo inamu‐oro inamu‐oinavaia, Omo keporo virinavaia, Omo lai‐oro ipali’inavaia, Oro lai urukinavaia, Nai aukarie?-?kanavaia.

¹⁶ A nomo inamu‐oro kopai‐ekavakeina uku oro inamu‐oina: nomo keporo?-?oro awku uku oro virina.

¹⁷ Nai kurunaina kapoi, Laikorava a’a aila, opara anana a’a ane, umuliane euna ei awku inamu‐eiai noro inamu‐eina, oro inamu‐eiape; ei awku e‐viriai ane noro virina, a oro a‐virinavea.

¹⁸ Noro virine, ei aipo voa uku uru voea a’a eiai Nai ipanakima.

¹⁹ A’a Iva voa viriane uku pani muku unu eiei eiai, kurua voa anu miki u ipape liane, diabolo anena, Iva voa a’a anu lai mere no’ovea a’akina, kurua voa a’a anu lai laru ai voeakei’?-?inave. Ei a’a u ane u uru kapea ai mi’inave.

²⁰ A a’a u uru rawre mako ai mi’inave, ei a’a u Iva voa virina, emoki kopai pirimaroakona;

²¹ Iva voa neva eria mi’ina u laru ai, pani mau’u u iviri‐rokona, kukupuna naea, mani naea, la’ane uku Iva voa eiai, u aua‐a’ana, ara’ana ane.

²² U awku u uru aimu awkono avao ai miane euna u kurua a’a u Iva voa virina, a ei pani va’au unu kukupuna, moni inu ewaea awku Iva voa awkoni‐awkana, Iva voa u laru ai awvaopa keina.

²³ A kurua a’a u uru kae ima ai miane euna u kurua a’a u Iva voa virina, voa anu miki ipali’ina ane; viria a’a orau oro varomo uru 100 merina naea, uru 60 merina naea, uru 30 merina naea.

²⁴ Aipo voa mo U omoro kuruenave, U erau voa kurunave, Pani muku unu eiei kurua a’a mikiriakeina u uru ima una aura ai voenave:

²⁵ A’a anu awawkeia pani ai una mani a’a anenave, ivave uru voenave ane uru ima awkono avao ai, u elenave.

²⁶ Uru veve la’avaka’ane, uru awku meriaka ane, ivave uru unu veve awku erenave.

²⁷ Mai‐vaki inu aivara‐oro u ai anenave, erau voa veve’enave ane, Amua e, ni aura ai uru ima ni ama‐voe’e? Ivave veve ekeimeremane’e?

²⁸ U erau voa kuruenave, Mani a’a ivave uru voeane euna. Aivara oro erau voa veve’enave, Ni amalaikora’i enei ivave veve ie’eai?

²⁹ U kurunave, Ai, keinameki; noro ivave uru ereane noro ima uru awku erenavaia.

³⁰ Oro lala’anameki anea’?-?anea roikia pani ai: roikia pani ai uru roikia a’a nai ekiakana ivave veve pinai roikiai, paua epiriai, iau laru ai ruawkavai; a uru ima na uru marea laru ai roikiai.

³¹ Aipo voa mo U omoro kuruenave, U erau voa kurunave, Pani muku unu eiei sinapi uru mikiriakeina a’a una aura ai voenave:

³² Iri uru uriria awkono avao ai ei uru mau’u miki keina; a ei uru la’ane iri kokoro awkono avao ai u mukua epe’epe keina; u iri va’au evere’ena, naku anena una vao ai omo kakora amaina.

³³ Aipo voa mo U omoro kuruenave, Pani muku unu eiei veila‐ika mikiriakeina a’e una pei apauenave uku pei parua’ane‐iai.

³⁴ Ei awku uriria eiai Iesu a’a aruru aipo voa kuruenave; aipo voa e U omoro kuruenave:

³⁵ Uku laikorava a’a anu voa evere’eakeia’ane‐iai, Aipo voa Nai omoro kuruakana, Awku vauavaua keina pani va’au unu ea pani mere oro eiai Nai omoro kuruakana.

³⁶ Iesu a’a aruru ekaivira?-?ka’ane omo pai’iri ai U marea laru ai ikirinave: Una aivara‐oro U ai anenave, erau voa kurunave ane, Amua e, aipo voa anu miki uku ivave uru eiai Ni ipakine.

³⁷ U erau voa kuruenave, U ane U ima uru voena U A’a anu Mere keina;

³⁸ Aura pani va’au keina; ima uru pani muku eiei inu ukua‐oro keina; a ivave uru oro diabolo onu ukua‐oro keina;

³⁹ Mani vaki e‐voenave u diabolo keina; roikia pani ei pani va’au unu enakava pani; roikia a’a‐oro aivara‐avaea‐oro keina.

⁴⁰ Orau ivave uru roikiakeina, iau laru ai ruawkavakeina ane; orau keiakana ei pani va’au unu enakavakeia pani ai.

⁴¹ A’a anu Mere Una aivara‐avaea ekaiviriakana, Una eiei mere namea anu uku uriria, vupu inakalia a’a uriria ane, oro roikiakana;

⁴² Oro iau laru ai rueka?-?vakana: oro vikiriakana, ni’iri ekikiakana ane.

⁴³ Ou pani ai opara anana a’a lare orau evao’evao?-?liakana omo Mai inu eiei laru ai.

⁴⁴ Pani muku unu eiei vaupa aru mikiriakeina aura ai vaua‐awkava‐keina; a’a kurua vaupa aru auiane u moawku vaua‐awkana, uku una kopai eiai u enana, una aru uriria u inaeali’ina kurua aura u inaealiane‐iai.

⁴⁵ Pani muku unu eiei mairi vavana evoroa a’a mikiriakeina:

⁴⁶ U mairi vavana monou, kavani ovara vaki, auiane, u enanave una aru uriria inaeali’inave, kurua mairi vavana inaeali’inave.

⁴⁷ Pani muku unu eiei kirikeve mikiriakeina ere aura ai ururuakei’inave ere aura ai emeiki kavakava roikinave ane:

⁴⁸ Kirikeve evopoakeia’ane oro miri ai lakinave, oro papa’anave emeiki ima oro kekai laru ai ai’inave, emeiki lipi oro kaienave.

⁴⁹ Orau evere’eakeiakana pani va’au unu enakava pani ai: aivara‐avaea‐oro elemaneakana, namea‐lia a’a opara anana a’a mere oro kokorava?-?kana,

⁵⁰ Opara lipilia a’a oro iau laru ai kaieakana: iou ai oro vikiriakana, ni’iri ekikiakana ane.

⁵¹ Iesu erau voa veve’einave, Ei voa uriria anu miki noro ama‐ipali’i? Oro kurunave, Lia, Amua e.

⁵² U erau voa kuruenave, Ou uku eiai kikiria a’a kavakava ipawkiakeina pani muku eiai u marea amua a’a mikiriakeina una maua mere aru nawawrea, umu aru ane, u uakina.

⁵³ Iesu ei aipo voa oailiaka’ane ou mako mere U elenave.

⁵⁴ Una eiei ai U paiaka’ane omo omoro marea laru ai U ipawkinave Una ipawkia voa eiai oro varuavakei’inave, erau voa kurunave ane, Ei a’a anu lai evera ekeimeremane, Una iva iaki ane?

⁵⁵ Ei a’a Iosepa anu mere peana? Una mei nawi Maria oroiakeia peana? Una aroa a’a oro Iakobo, Iose ane, Simona ane, Iuda ane peana?

⁵⁶ Una aro a’ero ane oro uriria enei kiripai pokoia?-?peana? Ekeimere ei a’a ei awku uriria mi’ina?

⁵⁷ Oro ia’ia U mere urukinave. Iesu erau voa kuruenave, Laikorava a’a avioia eria mi’ina una eiei ai, una marea ai ane.

⁵⁸ Iva iaki aila U liakape iou ai uku omo peroro e’ea eiai.