Mataio 1 - Kuruei Voa Nawawrea 1920

¹ Davida anu mere, Aberahamo onu mere, Iesu Keriso onu mai‐oro onu nawi eire.

² Isako Aberahamo onu mere; Iakobo Isako onu mere; Iuda Iakobo onu mere, una ovaki‐oro ane;

³ Tamara, Iuda anu a’e, Peresi, Sera ane, kininave; Eseroma Peresi inu mere; Rama Eseroma anu mere;

⁴ Aminadaba Rama anu mere; Nasona Aminadaba anu mere; Salamona Nasona anu mere;

⁵ Rahaba Salamona anu a’e Boasi kininave; Ruta Boasi inu a’e Obeda kininave;

⁶ Iese Obeda anu mere; Davida amua Iese enu mere. Solomona Davida anu mere Uria anu eni a’e mere kinia?-?kei’inave;

⁷ Rehoboama Solomona anu mere; Abia Rehoboama anu mere; Asa Abia anu mere;

⁸ Iosopata Asa anu mere; Iorama Iosopata anu mere; Usia Iorama anu mere;

⁹ Iotama Usia anu mere; Ahasa Iotama anu mere;

¹⁰ Hesekia Ahasa anu mere; Manase Hesekia anu mere; Amona Manase enu mere; Iosia Amona anu mere;

¹¹ Iekonia Iosia anu mere, una ovaki‐oro ane, oro kinia?-?kei’inave kurua pani ai oro Babilonia ai arekavakei’inave.

¹² Oro Babilonia ai piaka’ane Salatieula Iekonia anu mere kiniakei’inave; Serababula Salatieula anu mere;

¹³ Abiuda Serababula anu mere; Eliakima Abiuda anu mere; Asora Eliakima anu mere;

¹⁴ Sadoka Asora anu mere; Akima Sadoka anu mere; Eliuda Akima anu mere;

¹⁵ Eleasara Eliuda anu mere; Matana Eleasara anu mere; Iakobo Matana anu mere;

¹⁶ Iosepa Iakobo onu mere u Maria anu vaki kei’inave, Iesu nawi Keriso ei a’e mere kiniakei’inave.

¹⁷ Kiri e e uriria Aberahamo onu pani mere anea’?-?anea Davida anu pani ai oro kiri 14 akoakei’inave; Davida anu pani mere anea’anea Babilonia anu arekava pani ai kiri mo 14 akoakei’inave; Babilonia anu arekava pani mere anea’anea Keriso onu kinia pani ai kiri mo 14 akoakei’inave.

¹⁸ Iesu Keriso onu kinia orau evere’eakei’inave; Una mei Maria awkoiaka‐rokoakei’inave Iosepa eiai; i Avaea Iaa u ukua ia evere’eakei’inave vaki‐mia pani paku ai.

¹⁹ Uku Iosepa una vaki opara anana a’a kei’inave una awkoiaka‐rokoa paka makiri‐awkavai a’a anu paku ai u umu‐ali’inavea, una a’e vauavaua unioiai u laikoranave.

²⁰ U orau laikoramakei’inave ane Iehova anu aivara‐avaea una aiaro ai erenave, erau voa kurunave ane, Iosepa e, Davida anu mere, Maria miai ni a’e eiai ni kore pa liai, uku i Avaea Iaa u ia evere’eakeina.

²¹ U mere kiniakana; nawi Iesu ni oroiakana; uku Una a’a‐oro omo namea mere U iekavakana.

²² Ei awku uriria evere’eakei’inave Iehova anu voa orau U kuruaka Una laikorava a’a anu ane‐epo mere,

²³ Akoi’i! paka ukua ia evere’eakana, mere kinia kana ane, una nawi Emanuela oro oroiakana ane; kurua nawi inu miki eire, Eloi enei kiripai pokoina.

²⁴ Iosepa awaw epekea?-?ka’ane, orau Iehova anu aivara‐avaea awkiaka u liaka, kurua paka una a’e eiai u miaka:

²⁵ Una a’e u a‐ipali’inavea anea’anea u ukua kiniaka’?-?ane. Mere nawi Iesu u oroinave.